Yaburi 146:4 - ALLALA KUMƐ

⁴ Anu ba faga, wo bɛɛ si ma bɔnkɛ la tun. Wo wa ma tumɛ min, anuna ko-rabɛn bɛɛ ara ban.

Yaburi 146:4 Iomraidhean Croise

Ko-Dabirɛnu 2:7

Wo kɔma, Mari Alla ya kei dan ka bɔ bɔnkɛ rɔ. Alla ya a nyɛrɛ niyi bila a sunyɛ rɔ. Kei wo ya niyila fɛyɛ dabira. A mara dali-fen-kɛndɛ la.

Ko-Dabirɛnu 3:19

I ti i beli-fan sɔrɔn ni i ma wusi tirindi. I si to wusi tirindila ha i ni sɛgi bɔnkɛ rɔ tun bawo i bɔra bɔnkɛ le tɔ, ado i ye sɛgila bɔnkɛ le tɔ tun.”

Ko-Dabirɛnu 6:17

Alla ya a fɔ tun ko, “Nde, Alla si yi keri duninya kun na alako n si nima-fan bɛɛsi halaki nya min ka anu firan dugu-kole kuma. Nima-fan min bɛɛsi ye dugu-kole kuma, wo bɛɛ si faga.

Yobu 14:10

Kɔnɔ hadama-dan wa faga, a wara-koe ara ban. A wa a niyi layigi, atɛ ara ban sa!

Yobu 14:21

Mɔgɛnu si to furi wola dan matɔgɔla kɔnɔ aleta sa wo rɔ. Hali ala dan miliyara, ale sa wo kalama.

Yobu 17:1

N bi n niyi le makawa tinɛ gbɛ! N kanba-sinnɛnu nadɛnnɛ.

Yobu 17:11

Nna wati ara tenbi. Nna ko-rabɛnnɛnu bara tinya. N yigi ara tɛgɛ son!

Yobu 27:3

fananta n bi n niyi wo lafɛla ale Alla bolo,

Yaburi 104:29

I wa i kan-kɔ sɔ anu na, wo si anu takilan. I wa ila fɔnyɔ bi anu bolo, anu si faga. Anu bi sɛgila bɔnkɛ le tɔ tun anu bɔra kan min nun.

Yaburi 33:10

Mari ya sibolo-gbɛrɛnuna miriya-yogenu tinya. A ya a ma, anuna miriya-yogenu tora anu burɔ.

Yaburi 90:3

Ile le ya a fɔ hadama-dan ma ko a bɔra kan min, a ye sɛgila nyɔ le. I si a yɛlɛma gbangban la a bɔra min tɔ.

Makawandili Kumɛnu 12:7

Ma fɛrɛ si sɛgi bɔnkɛ rɔ. Ma niyi wo si sɛgi Alla ma a bɔra kan min.

Makawandili Kumɛnu 9:6

Mɔgɔ-faganɛ wo ti mɔgɔ keni tun, a ti mɔgɔ kɔn tun, a ti mɔgɔ makeliya tun. A mako sa duninya ko-nya fenfen na wo rɔ tun.

Aiseya 2:22

Wo kana lanaya sa hadama-dan rɔ tun! Tɔnɔ-wo-tɔnɔ sa wo la.

Nimisa Koe 4:20

Mari ara mata mansɛ min yabɔ, ma yogenu ya wo bira anuta gbɛrɛ rɔ, ado ma niyi-kunyɛ le wo la. Ma lara wo le la ko a si ma latanka ma yogenu ma.

Daniyɛli 5:23

Ile wo, ila mɔgɔ-banu wo, ila bara-musinu wo, ila fɛ-sigi-musinu wo, wo ara gbɛɛ min Allata mirannu tɔ minnu bɔra a Bato-Bɔn la. Wo ara a ma, i wara bila Ma Tigi Arinyɛnɛ-Mari la. Wo ye gbɛɛ minyɛ wo kun na, wo ye wola bɛsɛnu kɔla fanan minnu nadannɛ sɛnɛ la, anubɛ wodi-gbɛ, anubɛ silɛɛ. Donu nadannɛ nɛgɛ la, anubɛ kɔlɔma, anubɛ kuri. Nba wo ye bɛsɛ minnu kɔla, wonu ya sa, anu tolo sa, anu hɛnkili mumɛ sa. Kɔnɔ wo niyi ye Allatala min bolo, wo sa wo gbiliyala.

1 Kɔrɛnti 2:6

Hali wo, wole minnu lanɛ Yisa la gben, n bi hɛnkili-su-do labɔla wo ye, duninya-hɛnkili ma min na. Duninya kɛ kun-tigi minnu bi nala tenbila, hɛnkili kɛ sa iko anutɛ ye nya min.