Yaburi 143:2 - ALLALA KUMƐ

² I kana nde, ila wɔli-kɛlɛ kiti bawo mɔgɔ-wo-mɔgɔ sa, sɔn sa min na i yala.

Yaburi 143:2 Iomraidhean Croise

1 Mansɛnu 8:46

“Mari, ni ila mɔgɛnu ya hakɛ kɛ i la tumɛ min, ado mɔgɔ-wo-mɔgɔ sa nyɔ min ti hakɛ kɛ, tumado i si diminya anu ma ha i ni anu don anu yogenu bolo. Wonu ni anu bira ka ta anu na anu barɛnu tɔ hali anu taranta wula-yan la.

Yobu 14:3

E, Alla, hali fenfen ma n na, i si sɔn n mafɛlɛnna, wa? I si n nakɔrɔsi ka nna kiti tɛgɛ, wa?

Yobu 15:14

Hadama-dan si ke sɛninyala, wa? A si ma telenbaga la Alla yala?

Yobu 25:4

Mɔgɔ ye nyɔ min telennɛ Alla yala, wa? Hadama-dan do ye nyɔ fɛɛ sa min na Alla yala?

Yobu 4:17

Kuman-kan wo ko, “Ka a fɔ mɔgɛ si telen Alla yala, wo si ke mala le, wa?” A ko, “Mɔgɔ si to, fɛɛ sa a la a Dannɛ yala?

Yaburi 130:3

Ni i ye mɔgɛ bɛɛta hakɛ sɛbɛla le nun, yon si a bɔ ila yilikiyi kɔrɔ?

Bɔ-Koe-Iyipiti 34:7

N si nta nyimayɛ yira mɔgɔ waga siyaman na. N si mɔgɛnu makoto anuna hakɛ-yogomɛnu na. Hakɛ-tigi minnu si anu ban n na, n si wonu tɔrɔ. Hali anuna dannu ha ka ta a sigi anu tolo-birɛnu na anubɛ anu tolo-bira-sɔɛnu, n si wonu fanan tɔrɔ.”

Makawandili Kumɛnu 7:20

Mɔgɔ-wo-mɔgɔ sa nyɔ min si to ko-telennɛ kɛla tuma-wo-tuma, tele-kelen-bɛrɛni, a ma sama.

Romu 3:20

ado hali mɔgɔ ya a raya tɔn-bira-koe ma, wo tigi ti ma mɔgɔ-telennɛ la Alla yala mumɛ! Tɔn-kitabu wo sɛbɛra le alako bɛɛ ni hakɛ-kɔrɛ lɔn.

Kalesiya 2:16

Hali wo, ma ya a lɔn ko mɔgɔ wa dɛnkɛninya Yisa Kirasiti ma, a telennɛ le Alla yala dɛnkɛninyɛ wo fɛ worɔ. Mɔgɔ ti ke telenna tɔn-birɛ fɛ mumɛ! Male fanan bara dɛnkɛninya Kirasiti Yisa ma alako ma ni telen Alla yala mala dɛnkɛninyɛ fɛ nya min.

1 Yɔni 1:10

Ni ma ko ma ma hakɛ kɛ, ma ara Alla ma foninya-fɔlɛ la, ado ni wo le, Allala kumɛ sa ma yisi rɔ worɔ.