Yaburi 14:2 - ALLALA KUMƐ

² Mari si a kolan layigi hadama-dan ma ka a lɔn ni hɛnkilimɛ ye anu tɛma min bi ale Mari nyinina.

Yaburi 14:2 Iomraidhean Croise

Ko-Dabirɛnu 11:5

Mari yigira ka soe anubɛ san-bon-nayan-bɛ wo mafɛlɛn hadama-dannu bi min sɔla.

Ko-Dabirɛnu 18:21

N si ta nyɔ kaka ka anu mafɛlɛn ni anu bi ko-yogomɛ mala iko mɔgɛnu bi a fɔla nya min.”

Ko-Dabirɛnu 6:12

Alla ya a yen ko ko-yogomɛ ara wara duninya rɔ kamasɔrɔn mɔgɛ bɛɛ ara don ko-yogomɛ rɔ.

2 Ko-Kɔrɔta-Karan 19:3

Kɔnɔ hali wo, ko-nyimɛ donu bi i bolo ma bawo mɔgɛnu bi Asura bɛsɛ minnu kɔla nun, i wara wonu tinya. I wara i karan ka Mari sako kɛ.”

2 Ko-Kɔrɔta-Karan 30:19

“E, ma benbanuta Mari Alla, ila mɔgɛ minnu sɛninyani ma kɔnɔ anu bi i batola anu yisi bɛɛ la, ka a tɛgɛ ita ko-nyimɛ ma, i yandi, anu makoto.”

Yobu 15:14

Hadama-dan si ke sɛninyala, wa? A si ma telenbaga la Alla yala?

Yaburi 107:43

Hɛnkilimɛnu ni anu hɛnkili to kumɛ kɛ ko ka anu miri Marita keninteya-dannatɛgɛbɛlɛ ma.

Yaburi 11:4

Mari ye mansayɛ la ata Bato-Bon-sɛnimɛ la. A kolan ye mɔgɛ bɛɛ la. Anu bi min bɛɛ kun na, a ya wo bɛɛ lɔn.

Yaburi 69:32

Ni mɔgɔ-tɔrɔnɛnu ya a yen ko Alla ara n nakanan, anu si sewa. Wo si a ma, Alla-batolɛnu kɔntɔ ni diya.

Yaburi 82:5

Karagbɛlɛ wonu hɛnkili sa, ado anu ti ko nya-yen. Anu wunduyogo kosɛbɛ! Ka tenbi wo la, telenbagayɛ ara tuni duninya rɔ.

Yaburi 92:6

Kun-takolɔn ti wo nya-yen hali! Ko-nya-yenbɛlɛ ti wo nya-yen.

Hɛnkilimaya-Kumɛnu 2:9

Ni i ya i tole masɔ n na, i si ko-latelennɛ anubɛ ko-nyimɛ lɔn. Koe min kin ka a ma, i si wo fanan lɔn.

Hɛnkilimaya-Kumɛnu 8:5

Ni denniya-koe le i bolo ma, i fara wonu na. I ni don kinaya-ko-ladan rɔ. Ni i ye yuwaya-ko-ladan le la, i fara wo la. I ni don hɛnkilimaya-ko-ladan rɔ.

Hɛnkilimaya-Kumɛnu 9:16

A kɛnɛna a fɔla kuntannu ma ko, “Wo na!

Hɛnkilimaya-Kumɛnu 9:4

Minnu makoe ye hɛnkilimayɛ la, bonna-wɔli-kɛlɛnu tenbi anu takelela, anu si a fɔ ko, “Wo ni don bɔn la.

Aiseya 27:11

Nyɔ-kɔlɔmanu nafɔsɔnɛ, anu bolɔnnu kerikerinɛ. Musinu si nyɔ ma sɔgɔ-nyini-tinɛ la. Mari ya mɔgɛ wo minnu dan, anuna hina-wo-hina ma taran ale rɔ bawo anu ya anu ban a nya-yen-koe ma.

Aiseya 55:6

Mari-nyini-tumɛ le kɛ la yanni tele ni ta wo ma, ado a rakele-tumɛ le kɛ la bawo a gbɛrɛnnɛ wo ma.

Aiseya 63:15

Mari, i kolan layigi ma ma dugi ma. I tenbi ita sɛninya-tina-makawanɛ rɔ, i miri ma ma. Ita keninteya-belebele-wɛ ye mintɔ? Nfenna i ye ita keninteyɛ anubɛ ita kinikinɛ dogonna ma ma?

Aiseya 64:1

E, Mari, i ni san-kole rafara ka yigi ma tɛma. Kɔnkɛnu ba i yen, anu si yɛrɛyɛrɛn kumakɔɛ bolo.

Aiseya 8:19

Mɔgɛnu bi a fɔla wo ye ko wo ni yi-kɔrɔ-fɛlɛnnɛnu manyinika alako wo ni hɛnkili sɔrɔn anu bolo, ado anu bi huma-humana dɔrɔn. Mɔgɛnu bi a fɔla ko, “A kin mɔgɛnu ni furi manyinika kɛndɛwagɛnuna ko la.”

Yɛrɛmaya 4:22

Mari ko kun-takolɔn le wole, ala mɔgɛnu na bawo wo ma ale lɔn. A ko denniya-hɛnkili le ye wo bolo. Wo ma fenfen lɔn. A ko wo kusan wunduyogoyɛ la kɔnɔ wo ma ko-wo-ko lɔn ko-nyimɛ wara-koe rɔ.

Yɛrɛmaya 5:1

Mari ko nde, Yɛrɛmaya ni to yigi-ni-yɛlɛ kɛla Yerusalɛm soe burɔ. N ni n ya-lakalan nyɔla foolɛ rɔ ka n miri a ma ka mɔgɛnu kundɛn-tinɛ bɛɛ mafɛlɛn. N ni a mafɛlɛn ni mɔgɔ-latelenni kelen bi anu tɔ. N ni mɔgɔ kelen nyini anu tɔ tonyɛ di min ye. Ni n ya wo mɔgɛ yen anu tɔ, Mari ko a si soe kɛ makoto.

Nimisa Koe 3:50

ha Mari ni a kolan layigi n ma ka bɔ san ma n dɛnbɛn-tinɛ.

Daniyɛli 12:10

Hɛnkili ye minnu na, wonu si anu kɛ-nya latelen kɔnɔ mɔgɔ-karagbɛlɛnu ti ko-wo-ko nya-yen kɛ rɔ fɔ ka to anuna karagbɛlɛyɛ kun na tolon!

Matiyu 13:15

Fan do ara sa mɔgɛnu miriya ya ma. Anu bara anu tole gbere. Anu bara fan sa anu yɛ ma alako anu kana na ko ragbɛ anu yɛ la. Anu kana ko lamɔɛn anu tole la. Anu kana ko nya-yen anu hɛnkili la. Ni wonu ma ma nun, anu si anu ya-lamunun nde, Mari la anu nakɛndɛya-koe la.’

Romu 3:11

hali kelen sa min si ko nya-yen. Wo mɔgɔ sa min si Alla nyini.

Hiburunu 11:6

ado mɔgɔ-wo-mɔgɔ ti ke Alla hɛnɛna dɛnkɛninyɛ kɔma bawo minnu bi nala Alla wara, wonu ni dɛnkɛninya ko Alla ye nyɔ. Anu ni la a la fanan ko minnu bi Alla nyini tinɛ, a si anuna barayi di anu ma.