Yaburi 139:2 - ALLALA KUMƐ

² N bi ko-wo-ko ladanna, i ye wo kalama. Hali i fɛ-yan n na pon, i ya n miriyɛ bɛɛ lɔn.

Yaburi 139:2 Iomraidhean Croise

Ko-Dabirɛnu 16:13

Mari min kumara Hega ye, Hega ya wo tɔgɔ sa “Alla min kolonkɛ ye n na.” A ko, “Alla Min Kolonkɛ Ye N Na, n bara wo yen n yɛ la kɔnɔ n ma faga.”

2 Mansɛnu 19:27

“Mari ko a ya Mansa Sɛnakaribu wara-koe bɛɛ lɔn, ado a ko a ya a don-woe anubɛ a bɔ-woe lɔn. Mari ko a ya a lɔn Mansa Sɛnakaribu ye diminyala a ma nya min.

2 Mansɛnu 6:12

Ala kɛlɛ-den-kun kelen bi nyɔ, wo ya a fɔ ko, “Mansɛ, wo mɔgɔ sa ma tɛma. Hali i ya wɛwɛ le sa ila bɔn la, Nɛbi Ilaisa si ta wo rakaran Isirɛla mansɛ ye.”

Yaburi 44:22

Kɔnɔ anu bi ma fagala ile lela ko la tuma-wo-tuma, anu bi ma bira boloko-yogomɛ-kɛla iko saga-kan-natɛgɛtɛ.

Yaburi 56:8

N kira n ya la nya min, i fonde ni to wo ko. I ni n ya-yi lamara a dan na fan do rɔ alako i ni a lɔn n bara min nyɔgɔn diyi kɛ.

Yaburi 94:11

Ale Mari ya hadama-den-miriya lɔn. A ya a lɔn ko fenfen sa anu miriya rɔ fɔ ko-fuyi.

Hɛnkilimaya-Kumɛnu 15:3

Mari kolan ye kan-tinɛ bɛɛ la. Hali a nyimɛ anubɛ a yogomɛ, a si wo bɛɛ yen.

Aiseya 37:28

“Mari ko a ya Sɛnakaribu wara-koe bɛɛ lɔn, ado a ko a ya a don-woe anubɛ a bɔ-woe lɔn. Mari ko a ya a lɔn Sɛnakaribu ye diminyala a ma nya min.

Isikiyɛli 11:5

Marita Sɛnbɛ donta nde, Isikiyɛli rɔ. A ko n ni ata kilayɛ kɛ latenbi wole, Isirɛla mɔgɛnu ma ko a ya wo da le lɔn, ado a ya wo kɔntɔ-koenu fanan lɔn.

Isikiyɛli 38:17

A ko a ya a fɔ Isirɛla nɛbinu ye nun ko wati ye nala, a si a ma, mɔgɛ do ni na bui ata mɔgɛnu ma. A ko nba, mɔgɛ wo le ale Mansa Kɔgi kɛ la, yɔ! N Tigi Mari kan le kɛ la.

Sakaraya 4:10

A ko hali mɔgɛnu yisi tinyanta Bato-Bon-ko-wɔlɛla ko la bawo a sa tala yarɔ tiriya kɔnɔ anu ba a yen, a kun bara don Sarababulu bolo, anu si sewa dɔgɔma-ma-de!

Matiyu 9:4

Yisa ya anuna miriya ragbɛ. A ko, “Wo ye wo mirila ko-yogomɛ ma nfenna?

Luka 9:47

Yisa ya anu miriya lɔn. Woletɔ a ya dennɛ do bi ka a sɔ a dafɛ.

1 Kɔrɛnti 4:5

Woletɔ wo kana mɔgɔ-wo-mɔgɔ kiti yanni a wati ni ke. Mari wa na, kiti-laban fɔla-wati wo le. A si mɔgɛnu miriya anubɛ pinpirɔ-koenu nabɔ gbɛ rɔ. Nba, wo le si a ma, bɛɛ ni matɔgɔlɛ sɔrɔn Alla bolo iko a bɛnnɛ nya min.

Tɔn-Fɔɛ-Fila-Nyɔgɛ 31:21

Wo le si a ma, n si gbalo-koe lana anu kuma. Hali wo, anu si to bɛti kɛ bɔla. Wo si ma sereyɛ la anu kan ma. Hali kaka, yanni anu ni ta lanyiri-nyamanɛ rɔ, n ya a lɔn min bi anu kɔntɔ.”