Yaburi 127:3 - ALLALA KUMƐ

³ Mari le si dannu di mɔgɛnu ma, ado duwa-bɛrɛbɛrɛ le wonu na.

Yaburi 127:3 Iomraidhean Croise

Ko-Dabirɛnu 1:28

A ya ata duwɛ layigi anu kuma ko, “Wo ni yiri ka duninya lafa. Fan min bɛɛsi ye duninya rɔ, wonu ni to wola sɛnbɛ kɔrɔ. Wo ni mansayɛ kɛ nima-fan bɛɛsi kuma duninya rɔ, a yɛgɛ wo, a kona wo, a sogo wo.”

Ko-Dabirɛnu 24:60

Rebɛkala mɔgɛnu duwara a ye, anu ko, “Alamɛ Rebɛka bɔnsɔn siyayara ka waga yirika-siyaman bɔ. Alamɛ i bɔnsɔnnu ya nɔ-ko sɔrɔn anu yogenu ma.”

Ko-Dabirɛnu 33:5

Isɔ ya a yɛ lata a dɔgɛ kɔma kilɛ la ka musu-nyama anubɛ den-siyamɛ kɛnu mafɛlɛn, a ko, “Yakoba, yonna mɔgɛ ye kɛ damasi la?” Yakoba ko, “Alla le ya ko-nyimɛ kɛ n ye ka dan kɛ dama di nde, ila wɔli-kɛlɛ ma.”

Ko-Dabirɛnu 4:1

Nba, Hadama ya ala musi Hawa latenbi a kɔma. A ya buyi bi ka den-kei sɔrɔn. Hawa ko, “N bara den-kei sɔrɔn Marita dɛnbɛnɛ fɛ.” A ya dan wo tɔgɔ sa Ken bawo tɔgɛ wo kɔrɛ le iko mɔgɔ wa a fɔ ko, “N bara fen sɔrɔn.”

Ko-Dabirɛnu 48:4

A ya a fɔ n ye ko a si a ma, n ni sabati ka n bɔnsɔn lasiyaya ka Kenan nyamanɛ wo ma mabɛ n bɔnsɔntɛ la habadan!”

2 Samuwɛli 3:5

Ala dan wɔrɔ nyɔgɛ tɔgɛ le Itiriyam. Wo na le Ɛkila la. Kɛ dama sɔrɔnta Hiburɔn soe burɔ le.

1 Ko-Kɔrɔta-Karan 8:40

Kɛlɛ-kɛla-nyana le Ulamna den-keinu na. Anu kusan kɛlɛ kɛla kalabɛn la dɔgɔma-ma-de! Ka a bi ale Ulamna dannu ma ka a sigi a mamanɛnu na, wonu yatɛ bɛnta mɔgɔ kɛmɛ ani mɔgɔ bi-loli (150) ma. Bɛnyamɛ bɔnsɔn-mɔgɛ le anu dama la.

Yobu 1:2

Yobu ya den-kei wɔrɔnfila, dunmusu sawa sɔrɔn.

Aiseya 13:18

fɔ ka anu denu wara-koe ka-a-la kalabɛn la. Dennɛnuna hina sa donna anu tɔ mumɛ!

Aiseya 8:18

Ale Mari ara dan minnu di n ma, mabɛ wonu bi yan. Mari Sɛnbɛ-Bɛɛ-Tigi min bi Yerusalɛm kɔnkɔ-sɛnimɛ kuma, wo le ya ma ma sarakani-sɛnimɛ la Isirɛla mɔgɛnu ye.

Tɔn-Fɔɛ-Fila-Nyɔgɛ 28:11

Wota Mari Alla si den-siyaman di wo ma anubɛ kolo-fannu anubɛ sɛnita-fannu lanyiri-nyamanɛ wo rɔ.

Tɔn-Fɔɛ-Fila-Nyɔgɛ 28:4

“Marita duwɛ si to wo ye ka a ma, wo ni yiri boi! Wola fui-fannu ni ma-a-la. Wola kolo-fannu ni siyaya.

Kɛlɛ-Kurugbɛnu 12:9

A ya dunmusi mɔgɔ bi-sawa anubɛ den-kei mɔgɔ bi-sawa le sɔrɔn. A ya ala dunmusi wonu di kebila-gbɛrɛkɛ mɔgɛnu ma. A ya dunmusu mɔgɔ bi-sawa fanan furu kebila-gbɛrɛkɛ mɔgɛnu ma ka wonu furu ala den-keinu ye. San wɔrɔnfila kɔrɔ, Ebisan ye Isirɛla mɔgɛnu kun na.

1 Samuwɛli 1:27

N ya Mari matara dan minna ko la, wo le kɛ la. I ma a yen?