Yaburi 127:2 - ALLALA KUMƐ

² Ka suri lawulila i buyila ko la, hali i ma i sa yona, wɔli-fu le wo la i beli-fanla ko la. Bawo Mari le si a diyana-mɔgɛnu-makoe nyinya, hali anu bi kinɔgɔ rɔ tumɛ min.

Yaburi 127:2 Iomraidhean Croise

Yobu 11:18

I si sigi lafɛrɛ rɔ bawo i sɔndɔmɛ lafanɛ yigi la. Alla si i latanka ka i sulen i fanbolo.

Yaburi 3:5

N tenbi kinɔgɔla suyi rɔ, ile Mari le ye n niyi-koni gbenna.

Yaburi 4:8

N ba n sa kinɔgɛ rɔ suyi rɔ, n si kinɔgɔ n fanbolo bawo ile Mari le kelen pe ye n matankala.

Yaburi 60:5

I ni mala madiyali-kan lamɔɛn ka ma kisi ila sɛnbɛ-wɛ la alako i diyana-mɔgɛnu si kanan nya min.

Hɛnkilimaya-Kumɛnu 10:22

Marita duwɛ, wo le kelen pe si mɔgɛ ma nɔnfulu-tigi la, ado mɔgɔ ti ke fen sala wo kuma a nyɛrɛta sɛnbɛ la.

Makawandili Kumɛnu 1:14

N bara koe kɛ bɛɛ lakɔrɔsi duninya ma kɔnɔ duninya ragbɛlɛ! Ko-sufa wo mani de iko mɔgɔ tenbi fɔnyɔ birala.

Makawandili Kumɛnu 4:8

Mɔgɛ do ye nyɔ, a kelan le siginɛ. Den sa a bolo, ado a na-kelen-nyɔgɔn sa. A sɛbɛ donnɛ wɔlɛ ma bɛrɛbɛrɛkɛ kɔnɔ a ye fan minnu sɔrɔnna, wonu ti a wasa. A ye wɔli-belebele wo kɛla yonna ko la ka a kan-kɔ sɔ nyɛrɛ-ladiyɛ la? Mɔnima-wɔli-su wo ragbɛlɛ de!

Makawandili Kumɛnu 5:12

Wɔli-kɛlɛ ya fen-ni dɔn wo, a ya fen-ba dɔn wo, a si kinɔgɔ a diya. Kɔnɔ hali nɔnfulu-tigi ya fen-diyamɛ bɛɛ dɔn, a ti kinɔgɔ a fanbolo.

Makawandili Kumɛnu 6:7

Mɔgɛ ye wɔlɛ min bɛɛ kɛla duninya rɔ, a ye wo kɛla a buyi lela ko la kɔnɔ buyi ti wasa.

Yɛrɛmaya 31:26

Mɔgɛnu si to a fɔla wo wati rɔ ko, “N bi kinɔgɔ le tɔ nun kɔnɔ n yɛ ma ara tɛgɛ.”

Isikiyɛli 34:25

Ma si sarama-kan kiri ma nyɔgɔn tɛma alako anu nakanannɛ si to nya min. Sogo-nyɛɛnɛ minnu bi anuta nyamanɛ wo rɔ, n si wo bɛɛ lato dogbe! Woletɔ nna sagɛnu si to lafɛrɛ rɔ bin-dɔn-tinɛ, ado anu si ke kila-gbɔngbɔn kɔrɔ lafɛrɛ rɔ fanan.