Yaburi 118:6 - ALLALA KUMƐ

⁶ N ti kilan bawo Mari ye n fɛ. Mɔgɛnu si ke nfen mala nde la worɔ?

Yaburi 118:6 Iomraidhean Croise

Yaburi 112:8

A ti hɔn, ado a ti kilan. A yili latɛgɛni a yoge nɔ-koe ma.

Yaburi 146:5

Mɔgɔ-sewanɛ le mɔgɛ wo la, Yakobata Alla ye min dɛnbɛna, ado a yigi bɛnnɛ ata Mari Alla le ma.

Yaburi 23:4

Hali n bi tenbila saya-kilɛ pinpi-wɛ le tɔ, Mari si a ma, n ti kilan fenfen na bawo a ye n fɛ. Ale le ye n matankala ko-yogomɛ bɛɛ ma.

Yaburi 46:1

Ma latanka-tinɛ anubɛ ma sɛnbɛ le Alla la. Ma tenbi tɔrɔyɛ rɔ, a rabɛnnɛ ma dɛnbɛn-koe la tuma-wo-tuma.

Yaburi 46:11

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 56:10

N si ile, Mari tanto ka a tɛgɛ ila lanyiri ma i wara minnu kiri n ye.

Yaburi 56:11

N lanɛ ile Alla la min kɛ, woletɔ n ti kilan. Hadama-dan si ke nfen mala nde la worɔ?

Yaburi 56:12

E, Alla, n bara lanyiri kiri i ye min di-koe rɔ i ma, fɔ n ba wo di i ma gbɛ! N si baraka-bira-kɔ-fannu di i ma

Yaburi 56:4

N lanɛ ile Alla la min kɛ, woletɔ n ti kilan. N si i tanto bawo lanyiri kirinɛ i bolo n kisi-koe la. Hadama-dan si ke nfen mala nde la worɔ?

Yaburi 56:5

N yogenu bi nna kumɛ mayɛlɛmana tuma-wo-tuma. Anu bi kila-kura-nyinɛ le la n tɔrɔ-koe la.

Yaburi 56:9

N ya a lɔn serr, ni n ya i rakele i si a ma, n yogenu ni anu masɛgi n na fass! N hɛnkili latɛgɛnɛ ko ile Alla ye n fɛ.

Yaburi 94:16

Yon si sɔ n fɛ karagbɛlɛnu kan ma? Yon si n gbɛ bi ko-yogo-kɛlɛnu kan ma?

Aiseya 51:12

Mari ko ale le si wo sɛnbɛ don. Hadama-dan min siyi-fɛ wuru iko binyɛ, wole kilannɛ wo la nfenna gbɛ?

Yɛrɛmaya 20:11

Kɔnɔ ile Mari taranta n fɛ iko kɛlɛ-nyana. N gbennɛnu si anu kian latugu ka bui fugbu! Anu ti n nɔ muk! Anu ba foo n na, anu si to miliyɛ rɔ kɔgɔrɔyɔlɔ! Anu si to miliyɛ wo rɔ ha, ado mɔgɔ ti nyina anu bara-koe la,

Romu 8:31

Ma si nfen fɔ kɛ bɛɛla ko la? Ni Alla ye ma fɛ, yon si ma kɛlɛ?

Hiburunu 13:6

Nba, ma ni ma yisi latɛgɛ ka a fɔ ko, “N ti kilan bawo Mari le n dɛnbɛnɛ la. Hadama-dan si ke nfen mala n na?”

1 Samuwɛli 17:11

Mansa Sɔli anubɛ ala kɛlɛ-dannu ya wo lamɔɛn tumɛ min, anu dama kilanta.

1 Samuwɛli 17:37

Mari ara n matanka yarɛ anubɛ sogo-ferema-masibɛ ma, ado fɔ a wa n tanka Filisiti-kei kɛ masibɛ ma fanan.” Mansa Sɔli ko, “Tana ma wo la. Ta. Alamɛ Mari tora i fɛ.”