Yaburi 113:3 - ALLALA KUMƐ

³ Ka a bi tele-bɔɛ ha tele-yigi, a bɛnnɛ wo ni to Mari matɔgɔla wo dama rɔ.

Yaburi 113:3 Iomraidhean Croise

Yaburi 18:3

N ba Mari rakele tumɛ min, a si n kisi n yogenu ma. N si Mari tanto!

Yaburi 48:10

Mɔgɛnu bi i matɔgɔla duninya kan tinɛ bɛɛ rɔ. Ila tɔgɔlamayɛ ye duninya-tonke bɛɛ rɔ. Ile si maralɛ kɛ telenbagayɛ la.

Yaburi 50:1

Mari Alla Sɛnbɛ-Bɛɛ-Tigi kumara. A ya duninya-mɔgɛ bɛɛ rakele ka bɔ tele-bɔɛ ha tele-yigi.

Yaburi 72:11

Mansɛ bɛɛ si anu madu a kɔrɔ. Sibole bɛɛ si wɔlɛ kɛ a ye.

Yaburi 86:9

I ya sibole min bɛɛ labɔ duninya rɔ, wonu dama si na anu madu i kɔrɔ. Anu si i tɔgɔ-makawanɛ gbiliya.

Aiseya 24:16

Mɔgɛnu si na Yerusalɛm ka bɔ wula-yan-bɛnu na ka tantoli-bɛtinu bɔ nyɔ. Kɔnɔ yigi-wo-yigi sa nde, Aiseya ma. N fɛrɛ ye banna n ma. N yogenu bi tola n bolo labirala. Anuna wunduyogoyɛ kuma ye tala sala.

Aiseya 49:13

San-kole ni a dɛ sa-a-rɔ sigi sa tinɛ. Dugu-kole ni a lawɔyɔ sewɛ bolo. Kɔnkɛnu ni sigi-sɛ dabira anu sɛbɛ-kuna-wɛ la. Mari si ala mɔgɛnu nafɛrɛ ka kinikini ata mɔgɔ-tɔrɔnɛnu ma.

Aiseya 59:19

Wo si a ma, tele-yigi warala-mɔgɛnu ni kilan Mari la. Tele-bɔɛ-warala-mɔgɛnu ni a gbiliya. Mari si na tiriya iko bɛ fanɛ ye yigila a burila nya min, ado Mari karata fɔnyɔ le ye a mala, bɛ ye yigila fanka la wo nya na.

Habakuku 2:14

Iko kɔgɔ-yi-worɔn lafanɛ yi la nya min, duninya kɛ la si fa Marita gbiliyɛ-lɔn-koe la wo nya na le.

Malakayi 1:11

Ka bɔ tele bɔɛ ha tele-yigi, mɔgɛnu bi ale Mari gbiliyala. A ko mɔgɛnu bi isɛnti mintanna a ye ka saraka-bɛrɛnu bɔ a gbiliya-koe la.

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”