Yaburi 109:4 - ALLALA KUMƐ

⁴ Hali anu di n ye, ado n bara madiyali kɛ anuna ko la, anu bi n kan ma tolon!

Yaburi 109:4 Iomraidhean Croise

2 Samuwɛli 13:39

Kɔnɔ saya-koe wo makimanɛ, ala den Abasalɔm min bara a buri wo la, wo sɔgɛ ya Mansa Dawuda bira tun.

1 Ko-Kɔrɔta-Karan 19:4

Henɔn ya a ma, anu ya Mansa Dawudala kilayɛ wonu bira. Anu ya anu dɛ masii. Wo kɔma, anu ya anuna duruku-yan-bɛnu tɛgɛ a la purunsan! Anu ya anu gben.

Yaburi 35:12

Anu ya nna ko-nyimɛ sara ko-yoge la. Wo ya n yisi tinya ka n to kelengboyɛ rɔ.

Yaburi 35:7

Anu ya yili lasigi n ye, hali n ma baga anu ma. Anu ya denkɛ tɛgɛ n ye falen, n bira-koe la.

Yaburi 38:20

Minnu bi ko-nyimɛ sarala ko-yoge la, wonu bi n kan ma bawo n bi n tayala ko-latelennɛ kɛ tinɛ.

Hɛnkilimaya-Kumɛnu 17:13

Ni mɔgɛ ya ko-nyimɛ sara ko-yogomɛ la, yakɔrɔ-mamɔɛ ti bɔ ala bɔn la.

Daniyɛli 6:10

Nba, Daniyɛli ya a lamɔɛn ko tɔn-sa-koe kɛ ara ma tonyɛ la, a tara a warɛ bɔn la. A yɛlɛta ala san-bon-burɛ do rɔ min wundan yɛ-lamununnɛ Yerusalɛm waralɛ la. Iko a duruta Alla matarala nya min kinyama sawa tele la, a ya ala wundan-dɛ laka ka Alla matara.

Luka 23:34

Yisa ko, “N Fa, nyama kɛ makoto bawo anu bi min mala, anu ma a lɔn!” Kɛlɛ-dannu ya ala kurɛnu fara anu nyɔgɔn tɛma koron-nakɛ fɛ.

Yɔni 10:32

Yisa ya a fɔ anu ye ko, “N Fa ya n sɔ ka kɛwɔli-nyimɛ siyaman kɛ wo ye. Wo ya wonu yen serr! Kɛwɔli-nyimɛ kɛ bɛɛsi rɔ, wo ye nyinina n mabonna nyamintanna ko la?”

2 Kɔrɛnti 12:15

N si sewa ka n bolo-fan bɛɛ ni wola ko la, hali ka n nyɛrɛ niyi fanan sa a kuma wo dɛnbɛn-koe la. Nta keninteyɛ ye koloyala wo ye min kɛ, wo si a ma, wota keninteyɛ ma ni to yigila n bara la, wa?