1 E, Alla, n bi i tantola. I radeni kana to n na
Nta Alla le ile la n si baraka bira min ye. N si i makawa-koe rakaran kan tinɛ bɛɛ rɔ.
E, n natankalɛ Mari, n bi dila i dala n dɛnbɛn-koe la. I wɔlɔ matɔlɔ n di-kɛ-kan la. Ni ile ma n yabi, n basantoe le lakira-mɔgɛnu na.
E, Alla, i radenɛ kana to. I mayiginɛ kana to dɔi! I sɛbɛ don.
I kolan lata i yogo-murutiyanɛnu ma. I ma di minnu ye, wonu wulinɛ i kan ma.
Ma kisilɛ le mata Mari la min si ma kunyɛ bɔ gbaran rɔ. Ma fanuta Alla le, ma si min gbiliya. Ma nyɛrɛta Alla le, ma si min tanto.
Alla ko bi ko ma, a radeni de! A ma fenfen fɔ. A biranɛ-a-rɔ. Kɔnɔ ala ko-ladan-tumɛ ara ke! A ye worondola iko nyaganɛ buyi wa a lamaga.
Mari, ni i ya n nakɛndɛya, wo tenbira lakɛndɛyɛ bɛɛ la. Ni ile ya n nakisi, wo tenbira lakisiyi bɛɛ la. Mari, n bi ile le kelen pe matɔgɔla.
Wo ni a tanto bawo ale le wota Mari Alla la. A ya kabana-ko-wɛ minnu kɛ wo ye, wo ara wonu yen wo nyɛrɛ yɛ la.
