Yaburi 102:8 - ALLALA KUMƐ

⁸ Telen-gbɛn, n yogenu bi n manyinina. Minnu bi n mɔɛnna, wonu bi n tɔgɛ mala dankali-kɛ-fan la.

Yaburi 102:8 Iomraidhean Croise

Yaburi 2:1

Nfenna sibolo-gbɛrɛnu bi yanfɛ kirila Mari kan ma? Nfenna mɔgɛnu bi ko-fuyinu tabɛnna a ma?

Yaburi 41:5

N yogenu bi kuma-yogomɛnu fɔla nna ko rɔ. A sɔgɛ ye anu na, n ni faga alako mɔgɛnu ni nyina n ko salon!

Yaburi 55:3

N yogenu kuman-kan makilanta. N yisi tinyanɛ karagbɛlɛnuna ko la. Anu bi a mala, tɔrɔyɛ ye buila n ma wati bɛɛ. Nna ko siginɛ anu sɔn ma, ado n gbo anu ye lass!

Yaburi 69:20

Anu bi n mamɔɛnna nya min, wo ara n yisi tinya pɔ, ado wo ara a ma, n yigi ara tɛgɛ gbati! N ya a lɔn nun ko do si hina n na nun kɔnɔ n ma mɔgɔ-den-kelen yen min si hina n na anu tɔ.

Yaburi 77:5

N sa n mirila tele-tenbinɛnu dɔrɔn ma de kɔnɔ n bi n mirila san-tenbinɛnu fanan ma.

Yaburi 89:51

E, Mari, i yogenu bi nde, ita mansa-yabɔnɛ lafɛyala. N ba ta kan-bo-kan, anu bi n manyinina le.

Aiseya 65:15

Wole karagbɛlɛnu tɔgɔ-ratɛgɛ mani de ala wɔli-kɛlɛnu bolo iko mɔɛn, ado ale Mari Alla nyɛrɛ le ye wo fagala. Kɔnɔ ale si ata wɔli-kɛlɛnu kele tɔgɔ-gbɛrɛ la.

Yɛrɛmaya 29:22

Anu bara sɔn-yogoya-siyaman kɛ Isirɛla mɔgɛnu tɛma. Anu yilikinɛ ka a tɛgɛ yɛlɛnyɛ ma anu sigi-nyɔgɔ-musi keni, kɔni. Wo kɔma, anu bi foninyɛ fɔla, ado anu bi a fɔla ko Mari nyɛrɛ kan le. Mari ko a ma fenfen fɔ anu ye. A ko anu bara ko-yogomɛ min bɛɛ kɛ, ale Mari ye wo kalama, ado Mari ko sere le ale la anu kan ma. Ka a tɛgɛ wo ma, wole Yuda kɛ minnu bi biralɛ rɔ, wo si dankali kɛ ko, “Alamɛ Mari ya wo bira iko Babilɔn mansɛ ya Sɛdɛkaya anubɛ Ehabu mintan nya min gburr, anu bi anu kɛndɛ la tumɛ min.” Mari kan le kɛ la.

Luka 6:11

Nba, tɔn-karan-mɔgɛnu anubɛ Farisinu diminyara bɛrɛkɛ! Anu burunta a fɔla anu nyɔgɔn tɛma anu si min ma Yisa la.

Kɛwɔlɛnu 26:11

N ya anu tɔrɔ mata dina-bɔnnu na kinyama siyaman. N ya n taya ko anu ni anuna dɛnkɛninyɛ boloka. N yisi bɔra anu kan ma ha n tara sibolo-gbɛrɛnuta soenu tɔ anu tɔrɔ tinɛ.

Kɛwɔlɛnu 7:54

Yahudiyanuna kun-tigi wonu ya kumɛ wo lamɔɛn tumɛ min, anu yisi bɔra Sitifen kan ma dɔgɔma-ma-de! Diminyɛ wo ya a ma, anu ya anu nyin makin.

Romu 15:3

ado Kirasiti ma a raya a nyɛrɛ-hɛnɛ-koe la. A sɛbɛnɛ Yaburi kitabu rɔ ko, “Anu bi mɔɛn-kumɛ minnu natala ile Alla ma, wo ye sɛgila nde, ala wɔli-kɛlɛ le ma.”