Yaburi 102:6 - ALLALA KUMƐ

⁶ N kuman-kan manɛ iko gbingbinnyagantɛ min bi wula-da-rakolɔn rɔ. N makinikininɛ iko kɛrɛn-kona.

Yaburi 102:6 Iomraidhean Croise

Yobu 19:20

N fɛrɛ bɛɛ ara ka n kole ma. Fɔ mabɛ n darɔ-nyin min tonɛ.

Aiseya 38:14

N kan ma ara dɔgɔya. N kan mani de iko kangbo-kan. N yɛ ara bandan san-mafɛlan la. Mari, i ni n kunyɛ bɔ tɔrɔyɛ kɛ rɔ.

Maika 1:8

Maika nyɛrɛ ya a fɔ ko, “Min bi a tola, n bi wɔrɔndɔla di-kɛ-tinɛ bawo Samariya ye nala tinyana. Min si a to, mɔgɛnu ni a lɔn ko kinikinɛ ara don n tɔ, n si n gbu-makolonya, n kin-takolɔn si tagama. N si n kuli mayɛlɛ di-kɛ-tinɛ iko gbingbinnyagan tenbi kumala.

Sɛfanaya 2:14

A so-tɛma-sogo wo, a bintɔ-sogo wo, nyɔ si ma anu sa-tinɛ la. Bon-kore wonu si ma gbingbinnyagannu sa-tinɛ la. Wonu kuman-kan si to bɔla wundan-korenu na. Mansa-wala-konanu si to kumala bonda-da-korenu na. Fɛrɛn-hakikɛ minnu bi anuna dandan ma, anu yogenu si to wonu madununa.

Lankɛnimayɛ 18:2

A gbele-gbelenta kan-ba la ko, “A ara bui! Babilɔn-so-belebele ara bui fogbo! A ara ma nyinɛnu anubɛ nyina-kɔsɔnɛnu barɛ la gbɛ! Koni-yogoma-su bɛɛ anubɛ koni-haramunɛnu denu gbansan ladɛnnɛ a rɔ kaka.