Yaburi 102:4 - ALLALA KUMƐ

⁴ N yisi gbalanɛ iko anu bara binyɛ min dɛn. Dɔn-fen-sɔgɔ-wo-sɔgɔ sa n birala.

Yaburi 102:4 Iomraidhean Croise

2 Samuwɛli 12:17

Ala mɔgɔ-banu kɛnɛna tala a madiyala fen-dɔn-koe ma kɔnɔ hali wo, a ti sɔn a lasɔ-koe ma anubɛ ka fen dɔn wonu fɛ.

Ɛsira 10:6

Nde, Ɛsira ya n bɔ Bato-Bɔn dafɛ nyɔ ka ta ki Ilayasibala den Yɛhohanan barɛ. N ma sɔn fenfen na. Hali yi, n ma a min bawo n yisi kɔrɔtɔnɛ mɔgɔ-birani-kɔrɛ wonu sɔn-yogomɛla ko la.

Yobu 10:1

N niyi-sɔgɛ la ara bɔ n na. Wo ni wo tole masɔ nta yasere-masa-yogomɛ la.

Yobu 30:30

N fɛrɛ la ara fin ka wolɔn. Kimɛ ara keri n kun na.

Yobu 33:20

A ti ke fen dɔnna, ado hali dɔn-fen-hakikɛ, a ti diya a da rɔ.

Yobu 6:4

Alla Sɛnbɛ-Bɛɛ-Tigi ara n bon kalabɛnnu na, ado kalabɛn wonu marɛ ara n bira. Alla ara ko-gbɛlɛmɛnu nana n kan ma ha n kun ma ara kɔ.

Yaburi 102:11

N siyi-fɛ ara wuruya iko wurala-ninɛ. N bara gbala n kin kun na iko bin-gbalɛ.

Yaburi 102:9

Ta-gbangban le manɛ nna dɔn-fan la. N tenbi n minna, n ya-yi ye kɛla yi-lafɛ rɔ

Yaburi 37:2

Anu na si gbala tiriya iko bin-wurunnɛ si faga nya min.

Yaburi 42:6

N bi n yogenu bolo min kɛ, n yisi tinyanɛ bawo kɛlɛ ara ta n na. Wo le ya a ma, n ya n miri nta Alla ma. Alla ara yakɔrɔ-mamɔɛ lana n ma iko wasa-belebele-wɛ tenbi sɔnkɔla kurinu kuma. A kuman-kan manɛ iko wasɛ min bi bɔla Hɛrɔman anubɛ Misa kɔnkɛnu kuma ka ta a labila Yorodan bɛ ma.

Yaburi 69:20

Anu bi n mamɔɛnna nya min, wo ara n yisi tinya pɔ, ado wo ara a ma, n yigi ara tɛgɛ gbati! N ya a lɔn nun ko do si hina n na nun kɔnɔ n ma mɔgɔ-den-kelen yen min si hina n na anu tɔ.

Yaburi 77:3

N ba n miri Alla ma, fɔ di-kɛ-sumɛ si sigi n ma. N ba n miri a ma wɛ kɛ, fɔ n si ma kɔrɔn!

Aiseya 40:7

Mari wa fɔnyɔ latugu anu ma tumɛ min, binyɛnu na si fɔsɔ, kɔn-ferenu si bɔ anu su la, ado mɔgɛnu siyi-fɛ ti yanya binyɛtɛ ko.

Nimisa Koe 3:13

A ara ala kalabɛnnu nakɛ n ma. Wonu tununta n tɔ poɛ!

Nimisa Koe 3:20

Ni n tora n mirila nna tɔrɔyɛ dama ma n burɔ, n yisi si tinya pɔ!

Kɛwɔlɛnu 9:9

Tele sawa, a ma ke fen yenna. A ma fenfen dɔn hali ka a min wo wati mumɛ bɛɛ kɔrɔ.