Yaburi 102:16 - ALLALA KUMƐ

¹⁶ Mari wa Yerusalɛm sɔ a kurɛ la tun, ata gbiliyɛ si bɔ gbɛ rɔ wo rɔ.

Yaburi 102:16 Iomraidhean Croise

Yaburi 147:2

Mari ye Yerusalɛm sɔla a kurɛ la ka ala mɔgɔ-birani-kɔrɛnu nana a rɔ.

Yaburi 51:18

E, Alla, i ni ko-nyimɛ kɛ mata so-karantan ye, Yerusalɛm, kɔni. I ni a tarɛ sɔ kura kɛ tun.

Yaburi 69:35

A si Yerusalɛm lakisi ka so-nɛnu sɔ-kura-kɛ tun Yuda nyamanɛ rɔ. Ata mɔgɛnu si sigi nyɔnu tɔ ka nyamanɛ wo bi.

Yaburi 97:6

San-kole fanan bi ala telenbagaya-koe fɔla. Sibole bɛɛ ye ata gbiliyɛ yenna.

Aiseya 14:26

A ko miriya kɛ le a bolo duninyala ko la. A ara a kɔɛn kɔrɔbi sibole mumɛ tɔrɔ-koe la.

Aiseya 59:19

Wo si a ma, tele-yigi warala-mɔgɛnu ni kilan Mari la. Tele-bɔɛ-warala-mɔgɛnu ni a gbiliya. Mari si na tiriya iko bɛ fanɛ ye yigila a burila nya min, ado Mari karata fɔnyɔ le ye a mala, bɛ ye yigila fanka la wo nya na.

Aiseya 60:3

Sibolenu si na ita wan-takanɛ wo kɔrɔ. Mansɛnu si na ita banda-ka-da-kurɛ mafɛlɛn tinɛ.

Aiseya 60:7

Kedari kɛnuta sagɛ bɛɛ si ma itɛ la. Anu si na Nebayɔti kɛnuta saga-yiginu na ka anu di i ma. Wonu si ma saraka-mintan-suma-diyamɛ la Marita saraka-mintan-tinɛ kuma. A ko a si a Bato-Bɔn rabɛn yɔnyɔn, ka tenbi a fɔlɔtɛ la.

Aiseya 61:3

A ya n sɔ mɔgɔ-makinikininɛ denu ma Yerusalɛm soe burɔ. Mari ko a si mansaya-fulɛ don wo kunyɛ la ta-gbangban gbɛ rɔ. A ko a si lasewa-tuli don wo ma yisi-lafinyɛ gbɛ rɔ. A ko a si tantoli-duruki don wo kan na yisi-tinyɛ gbɛ rɔ. Wo si ma iko Mari nyɛrɛta kɔlɔma-kinɛ. Wo si ata fanka-makawanɛ mayira.

Aiseya 66:18

Mari ko a ya anu miriya-yoge anubɛ anu kɛ-nya-yoge lɔn. Woletɔ a ko a ye nala anu tɔrɔla. A si kan-siyamɛ-mɔgɛnu nadɛn kan-tina-kelen ala gbiliyɛ yen-koe la.

Yɛrɛmaya 31:4

A ko a si wole, a diyana-mɔgɛnu nasɔ kurɛ kɛ tun. Wo si wola wasanbɛ bi ka tolɔn buta a ma tun.

Yɛrɛmaya 33:7

A ko a si a ma, Yerusalɛm anubɛ Yuda kɛ tomɛnu ni ma-a-la. A ko a si anu ma iko anu bi nya min nun fɔlɔ.

Maika 2:9

Wo ye bɔnnu bila kɛɛ-musinu bolo kensunteyɛ la. A bɛnta, wonuna dannu ni minnu sɔrɔn Mari bolo, wo ara wonu bɔ kelennɛ wonu bolo wola kensunteyɛ la feu!

Malakayi 1:14

Kensuntenu bi yili-madiyɛ kɛla ko anu si na saraka-hakikɛ la ka bɔ anuna wɔrɛnu tɔ kɔnɔ yaga, anu sa nala fenfen na fɔ saraka-manyimanɛnu. Alla ko a si wo danka wola ko la. Mari ko mansa-makawanɛ le ale la. Duninya mumɛ bɛɛ ye kilanna ale le la.