Yaburi 102:12 - ALLALA KUMƐ

¹² Kɔnɔ Mari, ile le mansɛ la tolon! Mɔgɛ bɛɛ si to a mirila i ma burubukai!

Yaburi 102:12 Iomraidhean Croise

Yobu 14:2

Anu si koloya kɔnɔ anu ti mɛ. Anu ma si fɔsɔ iko kɔn-fere. Iko ninɛ, anu si tunu yen!

Yobu 8:9

bawo male sɔrɔn-san le, ado ma hɛnkili dafani ma. Maleta wati manɛ tele-dande la duninya kɛ rɔ iko ninɛ si tenbi nya min.

Yaburi 109:23

A ara to sɛ, n bara-koe ni ka-a-la iko wurala-ninɛ. Fɔnyɔ ye tala n na iko kɔinkian.

Yaburi 135:13

Mari, i mankan si to fɔla. I wara-koe la ti nyina ma kegeyɛnu na muk!

Yaburi 9:7

Habadan-mansɛ le Mari la min bara ala mansaya-waganɛ rabɛn mɔgɛnu kiti-koe la.

Yaburi 90:6

tele rɔ, a ni fere kɔnɔ wurɛ la, a ni gbala nyawo!

Bɔ-Koe-Iyipiti 3:15

“Ta a fɔ Isirɛla mɔgɛnu fanan ye ko nde, anu benbanuta Mari Alla, Iburayimata Alla, anubɛ Isiyakata Alla, anubɛ Yakobata Alla, kɔni, wo le ya i kilaya anu ma. N tɔgɛ le ‘N bi nya min, n bi wo nya na le.’ I ni a fɔ Isirɛla mɔgɛnu ye wo nya le ko min tɔgɛ NDE LE, wo le ara i kilaya anu ma. Nta habadan-tɔgɛ le wo la. N tɔgɛ wo si ma tamasere la kebilɛ bɛɛ ye.

Aiseya 44:6

Mari min bi maralɛ kɛla ka male Isirɛla mɔgɛnu kumafunfan, Mari Sɛnbɛ-Bɛɛ-Tigi, kɔni, wo ko, Alla fɔlɔtɛ anubɛ a laban le ale la. Alla-wo-alla sa nyɔ ale kɔma.

Aiseya 60:15

Lunyɛ do, i sɔgɔ labɔra anu na. Anu ya i rakolonya. Hali ka tenbi i rɔ, mɔgɔ ma a ma. Kɔnɔ a ko ka a bi bi ma, i mankan ma si to yɛlɛla. I si ma sewa tinɛ la tolon!

Nimisa Koe 5:19

Kɔnɔ ile Mari, habadan-mansɛ le ile la, ado i si to mansayɛ la ma kuma burubukai!

Tɔn-Fɔɛ-Fila-Nyɔgɛ 33:27

Alla le wo dɛnbɛnɛ la kɛlɛ rɔ. Wo ye wo gbɔnkunna a rɔ. A ye wo kɔrɔbila. Wo tenbi tala, a ye wo yogenu gbenna wo yarɔ alako wo ni anu faga.

Hiburunu 13:8

Yisa Kirasiti ye nya min kunu, a ye wo nya na bi, ado a si to wo nya na burubukai!