Yaburi 101:5 - ALLALA KUMƐ

⁵ N si tɔn sigi wɛwɛ-salɛnu na minnu si nyɔgɔn-kɔma-kumɛ fɔ. N ti ke n muinna mɔgɔ-wasini fenfen kɔrɔ.

Yaburi 101:5 Iomraidhean Croise

Yaburi 138:6

Hali i ye san ma pon, mɔgɔ-famayiginɛnuna hinɛ ye i rɔ. Wasintenu ti ke anu dogonna i ma.

Yaburi 15:3

A ti mɔgɔ rafɔ, a ti ko-yogoma ma a diyana-mɔgɔ la, a ti a sigi-nyɔgɔla ko rakaran.

Yaburi 18:27

Min famayiginɛ, ale le ye wo lakisila kɔnɔ ni mɔgɛ min wasira, a si wo wara-koe mayigi.

Yaburi 50:20

Hali wo na-kelen-nyɔgɔ-bɛrɛnu, wo ye karamɛ layɛlɛla anu ma ka fɛɛ sa anu na.

Bɔ-Koe-Iyipiti 20:16

“Wo kana foninya-sereyɛ bɔ.

Bɔ-Koe-Iyipiti 23:1

“Wo kana foninyɛ ranyɛnsɛn mɔgɛnu tɛma. Mɔgɛ ka sɔ wunduyoge fɛ foninyɛ rɔ.

Hɛnkilimaya-Kumɛnu 10:18

Mɔgɔ-wo-mɔgɔ min si a ta-nyɔgɛla koninteyɛ sigi a burɔ, foninya-fɔlɛ le wo tigi la, ado mɔgɔ-wo-mɔgɔ min si a ta-nyɔgɛ tɔgɔ tinya, yuwɛ le wo la.

Hɛnkilimaya-Kumɛnu 20:19

Ko-rafɔlɛ ti ke gbundi marala. I masɛgi kuma-pɔrɔtɔparata-fɔlɛ la.

Hɛnkilimaya-Kumɛnu 21:4

Karagbɛlɛ si a nyɛrɛ kɔrɔbi ka wasi, ado hakɛ le wo la.

Hɛnkilimaya-Kumɛnu 25:23

Iko fɔnyɔ si bɔ bandɛ la kantɔɛ wara la nya min, nafigi si kɛlɛ-nyɔgɔnyɛ lana wo nya na le.

Hɛnkilimaya-Kumɛnu 30:13

Mɔgɛ donu fanan bi nyɔ, wonuna wasinteyɛ le gbuyɛ sanɛ anu yakɔrɛ ma.

Aiseya 2:11

Wati ye nala, hadama-dannuna wasinteyɛ si ban. Anuna nyɛrɛ-kɔrɔtɛ si kasara. A ye tola Marita gbiliyɛ kelen pe le ma.

Isikiyɛli 22:9

Donu bi tɔgɛ sala anu ta-nyɔgɛnu na alako anu ni wonu faga. Donu bi bɛsi-kɔ-fannu dɔnna. Donu bi nyɔ ka kisimiriya-koenu nadan tolon!

Daniyɛli 4:37

“Nba, woletɔ nde, Nɛbukanasa, n si Arinyɛnɛ-Mansɛ gbiliya ka a tanto bawo ale ya ko-wo-ko ladan, wo kin, ado a telenta. Min sanɛ wo kuma, ale le ye mɔgɔ-wasinɛnu famayigila. Nde, Nɛbukanasa ya kɛ sɛbɛ.”

Saraka-Masɔlɛnuta Tɔnnu 19:16

Wo kana belenna wo nyɔgɔn tɔgɔ tinyana foninyɛ kuma. Ni mɔgɛ do ye a niyi kumafunfanna mɔgɔ-banu barɛ, ni mɔgɛ do ya a lɔn ko ala sereya-bɔɛ si a ta-nyɔgɛ wo bɔ le nanparan wo rɔ, a ni ta ala sereyɛ bɔ a ye worɔ. Nde, wota Mari Alla ya kɛ le fɔ wo ye.

Luka 18:14

N bi a fɔla wo ye, duti-makelelɛ kɛ, a latelennɛ sɛgira a warɛ Alla yala, Farisi wo ma de, ado min ba a nyɛrɛ kɔrɔbi, wo la si yigi. Min ba a nyɛrɛ famayigi, wo la si yɛlɛ.”

1 Kɔrɛnti 5:11

N bi min ma nun, wo le ko ni yɛlan le, ni wasabɛlɛ le, ni bɛsi-kɔlɛ le, ni min bi nafigiyɛ kɛla, ni min bi baan-minyɛ kun na, ni kankan le—ni mɔgɛ wo ye a fɔla ko wo na-kelen-nyɔgɛ le ale la dɛnkɛninyɛ rɔ, wo kana wo bole layigi miran kelen tɔ lefan wo mɔgɔ-sufanu fɛ.

1 Timoti 3:11

Anuna musinu fanan ni ma sɔn-nyima-tiginu na. Anu kana ma mɔgɔ-dan-tinyanɛnu na. Anu ni ma sɛbɛna-mɔgɛnu na ka lanayɛ kɛ koe bɛɛ rɔ.

Taita 2:3

A fɔ musu-kɔrɛnu fanan ye wo nya ko anu ni anu tagama-nya sɛninya iko a bɛnnɛ musu-sɛnimɛnu ma nya min. Anu kana ma mɔgɔ-tɔgɔ-tinyalɛnu na, ni wo ma, baan-minnɛnu. Anu ni ma ko-nyima-karan-mɔgɛnu na.

1 Samuwɛli 2:3

“Wo ni wo fara nyɛrɛ-kɔrɔbiyinu na. Mari Alla, wo le ya koe bɛɛ lɔn. Ale le ye mɔgɛnu kiti tɛgɛla.