Yaburi 10:4 - ALLALA KUMƐ

⁴ Alla bɔrɔ sa karagbɛlɛnu ye. Anuna miriya ma ke ale Alla ma anuna wasinteyɛla ko la.

Yaburi 10:4 Iomraidhean Croise

Ko-Dabirɛnu 6:5

Mari ya a yen min kɛ mɔgɛnuna ko-yogomɛ da ra ara koloya duninya rɔ, ado anu miriya bɛɛ manɛ ko-yogomɛ la tun tun,

Yobu 22:17

Karagbɛlɛnu ya a fɔ Alla ma ko, “Fara ma la. Alla Sɛnbɛ-Bɛɛ-Tigi ti ke ko-wo-ko mala ma la.”

Yaburi 101:5

N si tɔn sigi wɛwɛ-salɛnu na minnu si nyɔgɔn-kɔma-kumɛ fɔ. N ti ke n muinna mɔgɔ-wasini fenfen kɔrɔ.

Yaburi 18:27

Min famayiginɛ, ale le ye wo lakisila kɔnɔ ni mɔgɛ min wasira, a si wo wara-koe mayigi.

Yaburi 27:8

Mari, i ya a fɔ n ma wati min ko n ni i bato, n ma n kun tadu. N nara le.

Yaburi 36:1

Kumɛ do ye n yisi rɔ ka a tɛgɛ mɔgɔ-yogenuna wunduyogoyɛ ma. A si a ban Alla la. Kilan sa a rɔ Alla wara la muk!

Yaburi 53:1

Kun-takolɔn kɛnɛna a fɔla a nyɛrɛ ma ko, “Alla-wo-alla sa nyɔ.” Anu denu bi ko-yogomɛ-gbansan le mala. Anu bara karagbɛlɛyɛ lafafa. Hali mɔgɔ-den-kelen sa anu tɔ min si ko-nyimɛ kɛ.

Yaburi 73:11

Anu kɛnɛna a fɔla ko, “Alla ti kɛ lɔn. Alla ti kɛ fɛ gbɛ!”

Bɔ-Koe-Iyipiti 5:2

Mansɛ wo ko, “Mari kɛ ye yon na, n bi min kuman-kan birala ka Isirɛla mɔgɛnu boloka? N ma Mari wo lɔn hali! N ti Isirɛla mɔgɛnu boloka muk!”

Hɛnkilimaya-Kumɛnu 21:4

Karagbɛlɛ si a nyɛrɛ kɔrɔbi ka wasi, ado hakɛ le wo la.

Hɛnkilimaya-Kumɛnu 30:13

Mɔgɛ donu fanan bi nyɔ, wonuna wasinteyɛ le gbuyɛ sanɛ anu yakɔrɛ ma.

Hɛnkilimaya-Kumɛnu 30:9

Bawo ni n mara fugarɛ la, tumado, n si kankanyɛ kɛ ka ma ile lafɛya-koe la. Ado nfan, ni n mara bana la fanan, tumado, n si a fɔ ko n mako sa ile Alla la.”

Makawandili Kumɛnu 8:11

Mɔgɛnu bi tola karagbɛlɛyɛ kɛla bawo anu sa anuna tɔrɔyɛ sɔrɔnna yona.

Aiseya 2:11

Wati ye nala, hadama-dannuna wasinteyɛ si ban. Anuna nyɛrɛ-kɔrɔtɛ si kasara. A ye tola Marita gbiliyɛ kelen pe le ma.

Aiseya 3:9

Hali anu yala-yen si a yira ko anu yilikinɛ. Anu hakɛ sanɛ gbɛ rɔ iko Sɔdɔm kɛnutɛ mara nya min. Anu tinya-koe ara to a ma, ado anu nyɛrɛ gbɛ le wo la, yɔ!

Aiseya 59:7

Anu si anu buri tala ko-yogoma-kɛ-tinɛ tiriya! Anu natiri hakɛbɔnɛnu fagala. Anu miri bɛnnɛ ma fenfen ma fɔ wunduyogoyɛ. Anu ya anu kun telen kan-bo-kan na, fenfen ti taran nyɔ fɔ kasarɛ anubɛ halakiyi.

Aiseya 65:2

A ko telen-gbɛn, a kɔɛn rasiginɛ mɔgɔ-murutiyanɛ wonu ye. Minnu bi sɛgila a ma, a rabɛnnɛ wonu tabira-koe la. Kɔnɔ anu kɛ-nya manɛ nya min, wo ma kin. Min ba diya anu ye, anu bi wo le mala.

Yɛrɛmaya 2:31

Wole Isirɛla mɔgɛnu, wo ni wo tole masɔ ale Mari kan la! A ko a mani ma wo ye nun iko wula-da-rakolɔn. A ko a mani ma wo ye iko nyamani-makilanni-tapinpini-bɛ. A ko nfenna wo rɔ wo ye a fɔla ko min di wole ye, wo ye wo le mala? Nfenna wo ye a fɔla ko wo ti sɛgi a ma tun?

Yɛrɛmaya 4:14

Wole Yerusalɛm kɛnu, wo ni ko-yogomɛ bɔ wo yisi rɔ alako wo si na kisi nya min. Wo ni wo fara miriya-yogoma-rabɛn la.

Sɛfanaya 1:12

Mari ko wo wati wa ke, a si lɛnpu bi ka a yɛ lakalan Yerusalɛm soe tonke bɛɛ rɔ. Ni a ya mɔgɔ-wo-mɔgɔ taran min wasinɛ, ado a lanɛ a nyɛrɛ la, Mari ko a si wo tigi tɔrɔ. Wo tigi ye belenna a fɔla a nyɛrɛ ma ko, “Mari ti ko-wo-ko sigi a ma, a mara a nyima la wo, a mara a yogoma la wo.”

Sɛfanaya 2:3

Wole min bɛɛ famayiginɛ nyamanɛ kɛ rɔ ka Marita tɔnnu bira, wo na Mari ma. Wo ni ko-latelennɛnu kɛ ka wo famayigi Mari ye. Tumado, Mari si kinikini wo ma ala kiti-tɛgɛ-lunyɛ rɔ.

Maraka 7:21

Miriya-yogomɛ minnu si mɔgɔ don kisimiriya-koe rɔ, wo le kankanyɛ wo, mɔgɔ-fagɛ wo, yɛlɛnyɛ wo, nata-yogomɛ wo, ko-yogoma-su bɛɛ wo, yanfɛ wo, ko-kɔsɔnɛ wo, keliyɛ wo, mɔgɔ-rafɔɛ wo, wasinteyɛ wo, anubɛ kalokalonteyɛ. Wonu denu si bɔ mɔgɔ yisi rɔ.

Kɛwɔlɛnu 8:22

I ni miriya-yogomɛ kɛ boloka ka Mari madiya. A ni i makoto miriya sifa kɛla ko la.

Romu 1:21

Anu ya Alla lɔn kɔnɔ anu ma a gbiliya, ado anu ma baraka bira a ye hali! Anu miriyɛ bɛɛ manɛ fufafuyi la! Anu hɛnkili rabasannɛ pirikali!

Romu 1:28

A ma di anu ye, anu ni Alla lɔn a kilɛ fɛ min kɛ, woletɔ Alla ya anu to anuna kisimiriya-koe wonu tɔ, ado wo le ya a ma, anu ya ko-su wonu ma minnu ma bɛn mɔgɛnu tɛma mumɛ!

Ɛfɛsa 2:12

Wo ye nya min nun fɔlɔ, wo ni wo hɛnkili to wo ko. Wo wati ya a taran, wo ma ma wɛ Kirasititɛ la. Wo ye sibolo-gbɛrɛyɛ la nun. Wo sa Allata mɔgɔ-yabɔnɛnu tɛma nun. Wo kɔma, Alla ya sarama-kan min kiri anubɛ ala mɔgɛnu tɛma, wota fenfen sa wo rɔ nun. Wo tumɛ ya a taran, Alla sa wo bolo nun, ado yigi sa wo ma mumɛ!

Tɔn-Fɔɛ-Fila-Nyɔgɛ 8:14

wonu ka a ma, wo ni wasi ka nyina wota Mari Alla ko min ya wo labɔ yɔɔnyɛ rɔ Iyipiti nyamanɛ rɔ.