Yaburi 10:12 - ALLALA KUMƐ

¹² E, Mari Alla, karagbɛlɛ kɛnu tɔrɔ. Minnu bi tɔrɔyɛ rɔ, i ni i fonde lamiri wonu ma.

Yaburi 10:12 Iomraidhean Croise

Yaburi 13:1

E, Mari, i si to nyinala n ko ha wati nyamintan? I si to i dogonna n ma ha wati nyamintan?

Yaburi 17:13

Mari, i lawuli n yogenu kan ma ka anu nɔ. N yogenu tagborokan. I ni n nakisi wunduyogenu ma.

Yaburi 17:7

Ila keninteya-dannatɛgɛbɛlɛ yira n na ka n nakisi. Ni n bi i dafɛ, n nakananni de n yogenu ma worɔ.

Yaburi 3:7

E, Mari Alla, na n nakisi tinɛ. I ni n yoge bɛɛsi dɛ ratii ka anu nyin murundu anu da rɔ alako anu kana na ko ma n na.

Yaburi 7:6

Mari, i lakɔɛnma. Ila fondo-labɔɛ yira n yogenu na. N yogenuna yisi-bɔɛ min kɛnɛ n kan ma, i ni tɔn sigi wo la. I ni tonyɛ di tonya-tigi ma.

Yaburi 74:19

I kana i ban ita mɔgɛnu na ka anu don anu yogenu bolo. I kana nyina ila mɔgɔ-tɔrɔnɛnu ko.

Yaburi 77:9

Alla ara a ban kinikinina ma ma le, wa? Ala fondo-bɔɛ ara ala hinanteyɛ-gbɛ bi ma bolo le, wa?”

Yaburi 9:12

Alla fonde ye mɔgɔ-tɔrɔnɛnu ko. A si a wɔlɔ matɔlɔ anu di-kɛ-kan la ka wonu tɔrɔ minnu bi ata mɔgɔ-tɔrɔnɛnu yakɔrɔ-mamɔla.

Yaburi 9:13

Mari, kinikini n ma. I kolan lana ka a yen, n yogenu bi n tɔrɔla nya min. E, Mari, n nakanan saya-kilɛ ma

Yaburi 9:19

E, Mari, i lakɔɛnma. I kana sɔn, hadama-dan ni i nɔ. I ni kafiri wonu nana i yakɔrɔ ka anu yiliki.

Yaburi 94:2

Duninya-mɔgɛ bɛɛ kiti-tɛgɛlɛ le ile la. I lakɔɛnma ka wasintenu sara iko anuta wasinteyɛ ye nya min.

Aiseya 26:11

Mari, i yogenu ma a lɔn mumɛ, ko i si anu tɔrɔ dɛɛ! Anu namiliya le serr, anu ni tɔrɔ. I ya tɔrɔ-dagɛ min namara anu ye, i ni wo rawuya anu kunyɛ ma. Ita mɔgɛnu di i ye nya min, i ni wo yira anu na.

Aiseya 33:10

Mari nyɛrɛ ye a fɔla sibolo-gbɛrɛnu ye ko a si atɛ ma. A ko ale si a yira anu na ala fanka ye nya min.

Maika 5:9

Isirɛla mɔgɛnu si anu yogenu nɔ ka anu nato dogbe!

Kɛlɛ-Kurugbɛnu 16:28

Samsin ya Mari rakele ko, “E, n tigi Alla, n bara i madiya, i miri n ma. Nna fanka lasɛgi n ma kɛ kelan rɔ alako n ni n tayili sara Filisiti kɛ kɛnu na minnu bara n ya-filɛ tii kɛ la.”