Yaburi 1:6 - ALLALA KUMƐ

⁶ Mari sɔnɛ mɔgɔ-telennɛnu yarɔ ka anu natanka kɔnɔ karagbɛlɛnu, wonu kunyɛ telennɛ kasara-kilɛ le ma.

Yaburi 1:6 Iomraidhean Croise

Yobu 23:10

Kɔnɔ hali wo, n bi ko-wo-ko kun na, Alla kolan bɛnnɛ n ma. Ni a ya n kɔrɔbɔ, a si a lɔn ko telenbaga le nde la.

Yaburi 112:10

Ni karagbɛlɛ ya mɔgɔ-sufa kɛ yen, tɛ si sigi a yisi la. A si a yakɔrɛ sisi. Wo si a ma, a fɛrɛ ni ban a ma feufeu! Yigi-wo-yigi ti taran a bolo tun.

Yaburi 142:3

Tɔrɛ wa n tabɔ tumɛ min, ale Mari si a lɔn n si min ma. N yogenu bara gbɛrɛ ladu n gbere la.

Yaburi 142:4

N ba n yɛ lasɛgi tumɛ min, n ti n dɛnbɛna fenfen yen. N buri-kɛ-tina-wo-tina sa. Mɔgɔ-wo-mɔgɔla ko sa nna ko rɔ.

Yaburi 146:9

Mari kɛnɛna kɛɛ-musinu anubɛ kelennɛnu dɛnbɛna. A si sibolo-gbɛrɛnu natanka minnu bi ma tɛma kɔnɔ a si karagbɛlɛnu nata anu kasara tinɛ.

Yaburi 9:6

I wara anuna soenu wurun ka anu tinya ka anu ma habadan-tonbɔnnu na. Mɔgɛ bɛɛ si nyina anu wara-koe la don!

Hɛnkilimaya-Kumɛnu 14:12

Tumado, mɔgɛ donu si a lɔn ko anu bi kila-nyimɛ le fɛ kɔnɔ yaga, kanbarɔ-ta-kilɛ le wo la.

Hɛnkilimaya-Kumɛnu 15:9

Karagbɛlɛ kɛ-nya ma di Mari ye kɔnɔ mɔgɛ min bi ko-latelennɛ mala, wo le di Mari ye.

Nehami 1:7

Mari nyimayanɛ feu! A si ala mɔgɛnu kumafunfan tɔrɔya-wati rɔ. Ni mɔgɛ min ya a ya-lamunun a la, a si to wo kumafɛlɛnna.

Matiyu 7:13

“Wo ni don da-dɔgɔmanɛ la bawo kilɛ min bi tala nyahanama rɔ, wo don-dɛ kolo. A tagama-ko ma gbɛlɛ, ado mɔgɔ siyaman bi tala wo le fɛ.

Yɔni 10:14

“Saga-fɛ-birala-nyimɛ le nde la. N Fa Alla ya nde lɔn nya min, nde fanan ya a lɔn wo nya le, ado n ya nna sagɛnu lɔn wo nya na le. Anu fanan ya nde lɔn. N si sɔn ka faga anuna ko la.

Yɔni 10:27

Nna sagɛnu si anu tole masɔ n kan la. N ya anu lɔn, ado anu si bila n fɛ.

2 Timoti 2:19

Kɔnɔ Alla ara chɔchi min ma dɛnkɛninya-kurukɛ-sɛnbɛ la, wo la ti maga mumɛ! Kumɛ kɛnu denu sɛbɛnɛ chɔchi ma ko, “Mari ya a nyɛrɛtɛ lɔn.” Wo kɔma, a sɛbɛnɛ ko, “Min bi a fɔla ko Maritɛ le ale la, wo ni fara ko-yogoma-kɛ la.”

2 Pita 2:12

Anu ma koe minnu nya-yen, anu bi wonu nafɛyala. Anu manɛ iko firarɔ-soge minnu ti anu miri anuna ko-ladan-nyanu ma fɔ ka bila anu kun fɛ. Anu nadannɛ anu bira-koe anubɛ anu faga-koe le la tun, ado anu si na halaki iko firarɔ-sogenu.

1 Samuwɛli 2:9

“Ale le si ata mɔgɔ-latelennɛnu niyi latanka kɔnɔ karagbɛlɛnu na si to pinpi rɔ dogbe, bawo mɔgɔ nyɛrɛta sɛnbɛ dɔrɔn ti a ma, a ni ta yarɔ.