Yaburi 1:3 - ALLALA KUMƐ

³ Mɔgɔ-sufa wo mani de iko kɔlɔma-kuri min kinɛ yi da la. A si gbɔ a tumɛ rɔ. A yanba-kunyɛ fanan ti gbala mumɛ! Mɔgɛ wo wa a bole don fenfen tɔ, wo ti sɛgi kɔma.

Yaburi 1:3 Iomraidhean Croise

Ko-Dabirɛnu 39:23

Kun-tigi wo ma hɔn fenfen na tun. A ya yelela-koe bɛɛsi to Yusufu bolo kamasɔrɔn a ara a lɔn ko Mari ye Yusufu fɛ. Yusufu ya min bɛɛ kɛ, Mari ya wo lasabati.

Ko-Dabirɛnu 39:3

A tigi wo ya a yen ko Mari ye Yusufu fɛ koe bɛɛ rɔ bawo Yusufu wa a bole don fenfen tɔ, Mari si wo lasabati.

2 Mansɛnu 18:7

Mari tora a fɛ. Mansa Hɛsakaya ya koe min bɛɛsi ma, wonu ya a munanfaga. Ale ma sɔn donna Asiriya mansɛta tɔnnu kɔrɔ fɔ a murutiyɛ min kɛra a ma. A sɔra a ye iko tele.

1 Ko-Kɔrɔta-Karan 22:11

Mansa Dawuda ya a fɔ tun ko, “Nna den, alamɛ ita Mari Alla tora i fɛ. A ni ala lanyiri latɔnbagaya i ye alako i ni ata Bato-Bɔn sɔ.

1 Ko-Kɔrɔta-Karan 22:13

Mari ya tɔn min bɛɛsi di Nɛbi Musa ma, ni i ya wonu bira, i wara-koe si ta yarɔ. I yisi gbɛlɛya ka i kerinteya. Fenfen kana a ma, i ni kilan.

2 Ko-Kɔrɔta-Karan 31:21

A wara-koe tara yarɔ bawo a ya min bɛɛsi ma Bato-Bɔn mabɛn-koe rɔ anubɛ ka tɔn bira a kilɛ fɛ, a ya wo bɛɛsi ma a yisi bɛɛ la Alla ye.

2 Ko-Kɔrɔta-Karan 32:23

Mɔgɔ-siyaman nara kɔ-fannu na Mari ye anubɛ fen-kolomɛnu na Mansa Hɛsakaya ye Yerusalɛm soe burɔ. Ka a dabira wati wo ma, sibolo-gbɛrɛnu tora Mansa Hɛsakaya gbiliyala kosɛbɛ!

Yobu 14:9

kɔnɔ yi wa kɛ a ma, a si a matii tun.

Yobu 22:28

I wa i bole don fenfen tɔ, i si wo tɔnɛ sɔrɔn. Wan-takanɛ si taran ila kilɛ la tumɛ bɛɛ.

Yaburi 128:2

Ala wɔlɛ si a makoe bɛɛ nyinya. A sewanɛ si ta yarɔ.

Yaburi 129:8

Mɔgɔ-wo-mɔgɔ tenbira anu dafɛ, wo fenfen ti a fɔ ko, “Marita duwɛ ni yigi wo kuma. Mari ni to wo fɛ.”

Yaburi 92:14

Hali anu bara kɔrɔya, anu si gbɔ iko kɔlɔma wonu. Anu nɔrɔnnɛ, ado anu tagbɛlɛyani de tolon!

Yaburi 92:15

Wo si a yira ma la ko Mari telenta. N natankalɛ wo, a radu-tina-wo-tina sa.

Aiseya 27:11

Nyɔ-kɔlɔmanu nafɔsɔnɛ, anu bolɔnnu kerikerinɛ. Musinu si nyɔ ma sɔgɔ-nyini-tinɛ la. Mari ya mɔgɛ wo minnu dan, anuna hina-wo-hina ma taran ale rɔ bawo anu ya anu ban a nya-yen-koe ma.

Aiseya 3:10

Mɔgɔ-telennɛnu si sewa, ado anu bara-koe si ta yarɔ. Anu si anu tɔrɔ-gbɛnu tɔnɛ sɔrɔn.

Aiseya 44:4

Anu si to sabatila iko yi tenbi binyɛ kɔrɔ anubɛ kɔlɔma min kinɛ yi dɛ la.

Aiseya 58:11

Mari si to sɔla wo yarɔ. Wo ye nyinina min ma, a si wo wasa maka wonu na. A si wo kolo gbɛlɛya fanan. Wo si ma iko yi ye sundi min kɔrɔ. Wo si ma iko tenke-gbalabɛlɛ.

Yɛrɛmaya 17:8

Mɔgɛ wo ra si gbɛlɛya gbon, iko yi-dafɛ-kɔlɔma. Kɔlɔma wo sulinu si yigi saru, ado a si yi sɔrɔn duk! Hali tele fafara a ma nya-wo-nya, wo ti kilan. A nɔrɔnni de tuma-wo-tuma. Hali san tenbira a kun na fɛlɛlɛ, banda ma na, wo ti a tɔrɔ. A gbɔɛ ye a la wati bɛɛ.

Isikiyɛli 17:8

Ki-fan wo kinɛ nun dugu-hakikɛ le tɔ. Ni a tora nyɔ nun, a si nɔrɔn a kilɛ fɛ ka gbɔ-siyaman kɛ, ado a mafɛlɛn si diya.

Isikiyɛli 19:10

Nɔnbɛ le anu na la min kinɛ yi-dɛ la. Ka a tɛgɛ yi-banba-wɛ wo ma, nɔnbɛ wo la ti kolonya a yanba-koe anubɛ a gbɔ-koe rɔ.

Isikiyɛli 31:5

Bawo yi siya ale kɔlɔma rɔ min kɛ, a yanyara ka tenbi kɔlɔma wo bɛɛ la ka a bolon-kunbayanɛnu sɔ a ma, ado anu yan.

Isikiyɛli 47:12

Kɔlɔma minnu bi bɛ wola foolɛ rɔ, wonu si to gbɔla tisikiri! Anu yanba-kunyɛ ti gbala, ado anu gbɔɛ ti dasa anu na ka a tɛgɛ yi-nɛ wo ma min bi bɔla Bato-Bɔn kɔrɔ. Karɛ-wo-karɛ, anu si anu gbɔ-kurɛ sigi anu na. Kɔlɔma wonu si dɔn-fan labɔ nima-fannu ye, ado anu yanba-kunyɛ si ma bɛsɛ la mɔgɛnu ye.”

Yilan-Yilan Koe 24:6

Anuna fani-bɔnnu sɔnɛ tala anu sansan-yili ma iko tin-kurinu. Anu kin iko nakɔɛ minnu bi bɛ dafɛ. Anu kin iko lɛnkɛ-gbɔngbɔn Marita nakɔɛ rɔ iko bandan-kuru-wɛ min bi yi dala.

Matiyu 13:6

Tele bɔra tumɛ min, a mafɔsɔra ka gbala bawo a suli ma yigi dugi rɔ bɛrɛkɛ!

Matiyu 21:19

A ya toro-kuri yen kilɛ dafɛ. A tara ke kɔlɔma wo ma kɔnɔ a ma fenfen yen a la fɔ yanba-kunyɛnu gbansan! Woletɔ a ya a fɔ toro-kuri ma ko, “Ile, i ti gbɔ tun!” Toro-kuri wo mafɔsɔra kelenna!

Matiyu 21:34

Anu gbɔ-keri-wati kera tumɛ min, a ya ala wɔli-kɛlɛnu nata anu ma ko anu ni atɛ don wonu bolo.

Matiyu 21:41

Anu ya a yabi ko, “A si mɔgɔ-yogomɛ wonu faga serr, ka mɔgɔ-gbɛrɛnu sinka a la minnu si atɛ di a ma a keri-wati rɔ.”

Yɔni 15:6

Minnu ti to nde rɔ, n Fa Alla si wonu nakɛ a rɔ iko mɔgɛ si kɔlɔma-bolon-gbalɛnu nadɛn nya min. Anu si to gbalala. Mɔgɛnu si bolɔn wonu nadɛn ka anu nakɛ tɛ rɔ anu si mintan kan min.

Tɔn-Fɔɛ-Fila-Nyɔgɛ 28:8

“Marita duwɛ si taran wola wɔlɛnu tɔ, hali wola bondɔnnu ta ti kolonya dɔn-fannu na. Wota Mari Alla ye nala nyamanɛ min dila wo ma, ata duwɛ si taran nyɔ rɔ.

Yude 1:12

Wole denkɛninya-mɔgɛnu ba bɛn fen dɔn tinɛ, mɔgɛ kɛnu manyimanɛ wo tɛma. Anu bi hɔnna anu nyɛrɛ le dɔrɔn na anuna milibɛlitaya-fen-dɔn la anu bolo. Anu manɛ iko fɔnyɔ siginɛ banda-finyɛ min kɔrɔ. Anu manɛ iko kɔlɔma minnu ti gbɔ mumɛ, hali anu gbɔ-tumɛ kenɛ. Anu manɛ iko kɔlɔma minnu suli labɔnɛ dugi rɔ feu! Anu bara faga don!

Lankɛnimayɛ 22:2

A ye yigila soe tɛma den! Nimaya-kɔlɔmanu bi bɛ wo tɔnkɔn bɛɛ rɔ. Anu bi gbɔla kinyama tan-ni-fila san kɔrɔ. Anu yanba-kunyɛnu bi sibolenu nakɛndɛyala.