Taita 3:8 - ALLALA KUMƐ

⁸ Tonyɛ le kɛ la. N bi a fɛ, i ni karan wonu bira bɛrɛkɛ, woletɔ minnu dɛnkɛninyanɛ Alla ma, wonu si to ko-nyimɛ kɛla wati bɛɛ. Wo kin, ado a bɛnnɛ mɔgɛ bɛɛ ma.

Taita 3:8 Iomraidhean Croise

Yaburi 78:22

bawo anu ma la a la. Anu ma la a la ko a si ke anu kisila le.

Hɛnkilimaya-Kumɛnu 21:28

Ni foninya-fɔlɛ ya sereyɛ bɔ, a si kasara kɔnɔ telenbagɛta kumɛ si to a gbɛ rɔ.

Matiyu 20:4

A ya a fɔ anu ye ko, ‘Wole fanan ni ta wɔli-kɛ-tinɛ nna sɛnɛ rɔ. N si wo sara iko a bɛnta, n ni wo sara nya min.’

Yɔni 12:44

Yisa kumara a kulu-mayɛlɛnɛ la ko, “Min ba dɛnkɛninya n ma, a ma dɛnkɛninya nde ma dɔrɔn, fɔ min ya n sɔ fanan.

Yɔni 5:24

“N bi tonyɛ fɔla wo ye, min ba nna kumɛ lamɔɛn ka dɛnkɛninya n Fa Alla ma min ya n sɔ, habadan-nimayɛ ye wo bolo. Kiti sa wo tigi ma. A manɛ iko mɔgɛ min bara faga nun kɔnɔ kaka, a ara niyi-kurɛ sɔrɔn tun.

Kɛwɔlɛnu 12:15

Anu ya a fɔ a ye ko, “I ma ara yuwaya! I foni!” Kɔnɔ a kirita a ma ko tonyɛ le. Woletɔ anu ya a yabi ko, “A yiyɛ le dɔrɔn.”

Romu 4:5

Mɔgɔ ti ke wɔli-wo-wɔli kɛla min si a ma, a ni telen Alla yala. Alla si mɔgɔ-yilikinɛnu ma fɛɛbɔnɛnu na bawo a si wonu natelen a nyɛrɛ ma anuta dɛnkɛninyɛ fɛ.

2 Kɔrɛnti 4:13

A sɛbɛnɛ Allata kitabu rɔ ko, “N bara dɛnkɛninya, woletɔ n kumara.” Dɛnkɛninya kelan wo ye male fanan bolo. Woletɔ ma ye kawandili bɔla bawo

Ɛfɛsa 4:28

Ni min bara duru kankanyɛ la, wo ni kankanyɛ boloka ka a sɛbɛ don wɔlɛ ma. Wo si a ma, a ni ke a nyɛrɛ-beli-fannu sɔrɔnna ka bolo-kolɔnnu fanan dɛnbɛ.

1 Timoti 1:15

A bɛnnɛ, bɛɛ ni la kuma kelen pe kɛ la ka a bira gben, ko, “Yisa Kirasiti nara duninya rɔ alako hakɛ-tiginu ni kisi,” tonya-kumɛ le wo la, ado nde ya hakɛ kɛ ka tenbi bɛɛ la.

1 Timoti 2:8

Wo wa wo ladɛn Alla bato tinɛ tuma-wo-tuma, n bi a fɛ, wole keinu ni madiyali kɛ ka wo bole rasigi Alla ye. Wo ni ma mɔgɔ-sɛninyanɛnu na Alla ye, ado wo tenbi madiyali kɛla, diminyɛ anubɛ sɔsɔli kana taran wo tɛma.

1 Timoti 5:10

Ni mɔgɛnu bi musi wo matɔgɔla ala kɛwɔli-nyimɛnuna ko la, anu ni a tɔgɛ sɛbɛ. A ni ma musi la min bara ala dannu makolo a kin na ka sundannu yiya a warɛ. A ni famayigiya-wɔlɛ kɛ a ta-nyɔgɛ dɛnkɛninya-mɔgɛnu ye ka mɔgɔ-tɔrɔnɛnu fanan dɛnbɛ. A ni a nyɛrɛ di kɛwɔli-nyimɛ-sufa-bɛɛ ma.

2 Timoti 1:12

Wo le ya a to, n tɔrɔnɛ ka. Kɔnɔ n miliyani ma Yisala ko la bawo n bara dɛnkɛninya ale min ma, n ya wo lɔn. N lanɛ a la ko a ara tonyɛ min kerifa n na, ale si ke wo marala ha tele-laban-lunyɛ.

Taita 1:9

A ni kiri lanaya-kumɛ wonu ma minnu bɛnnɛ karan-kɛndɛ ma. A si ke worɔ ka donu makawandi tonya-karan kɛ fɛ anubɛ minnu bi tonya-karan kɛ masɔsɔla, a ni wonu natelen.

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

Taita 2:7

Ile nyɛrɛ ni ma misalɛ la anu ye koe bɛɛ rɔ kɛwɔli-nyimɛ ladan tinɛ. I ni ma lanaya-mɔgɛ la anubɛ sɛbɛna-mɔgɛ ila karan rɔ.

Taita 3:1

I ni ila mɔgɛnu hɛnkili bila ko anu ni sonnɛya kun-tiginu anubɛ sɛnbɛ-tiginu ye. Anu ni wonuna kumɛ bira. Anu ni anu tabɛn kɛwɔli-nyimɛ-bɛɛ kɛ tinɛ.

Taita 3:14

I ni ila mɔgɛnu karan ko-nyima-kɛ la alako anu ni mɔgɛnu dɛnbɛ anu mako-nyinyɛ la. Anu kana ma mɔgɔ-fuyinu na.

Failiman 1:11

A ma ko-wo-ko nyinya i ma fɔlɔ-nun kɔnɔ kaka, a ye ko nyinyala ma dama ma, ile wo, nde wo.

Hiburunu 10:24

Ma ni ma hɛnkili lamiri ma si ke ma nyɔgɔn kenina nya min anubɛ ma si ma nyɔgɔn dɛnbɛ nya min ko-nyima-kɛ-tinɛ.

1 Pita 1:21

Wo dɛnkɛninyanɛ Alla ma ale le baraka rɔ. Alla min ya a lawuli ka a bɔ furinu tɛma, wo le ya gbiliyɛ di ale ma. Woletɔ wola dɛnkɛninyɛ anubɛ wo yigi sanɛ ale Alla kuma.