Taita 2:8 - ALLALA KUMƐ

⁸ I wa mɔgɛnu karan, i ni kuma-latelennɛnu fɔ alako ko-yogoma wo ko-yogoma kana taran anu yisi rɔ malela ko la. Ni i tora kuma-latelennɛnu fɔla, anu si miliya bawo anuna kumɛ, kolo sa a rɔ.

Taita 2:8 Iomraidhean Croise

Nihɛmaya 5:9

Wo kɔma, n ya a fɔ anu ye ko, “Wo ye min kun na, wo ma telen. Wo ni Alla sako kɛ ka ko-telennɛ ma. Wo si a ma, sibolo-gbɛrɛnu ti ma mayɛlɛn-kunya sɔrɔn.

Aiseya 66:5

Wole min bi Marita kumɛ birala, wo ni wo tole masɔ a kan la. A ko wo gboyara wo na-kelen-nyɔgɛnu ye. Anu wulita wo kan ma bawo wo bilanɛ ale Mari fɛ. Anu bi wo rasɛ-kumɛnu fɔla ko, “Nba, alamɛ ata fanka ya wo lakisi, woletɔ ma si to wo sewanɛ yenna.” Kɔnɔ Mari ko fɔ mɔgɔ-mayɛlɛnnɛ kɛnu ba tɔrɔ le serr!

Maraka 12:17

Nba, Yisa ya a fɔ anu ye ko, “Romu nyamani-kun-tigitɛ ye min na, wo ni wo di ale ma. Allatɛ ye min na, wo ni wo di Alla ma.” Anu kawara a ma bɛrɛkɛ!

Maraka 12:28

Tɔn-karan-mɔgɛ do ye nyɔ nun min ya anuna sɔsɔli-sɛ lamɔɛn. A ya a yen ko Yisa ara Sadusinu yabi a kin na! Woletɔ ale fanan nara Yisa wara ka a manyinika ko, “Tɔn nyamintan kolo tɔn bɛɛ ko?”

Maraka 12:32

Tɔn-karan-mɔgɛ ya a fɔ Yisa ye ko, “Karan-mɔgɔ, i ya tonyɛ le fɔ wo la yati, ko Mari kelen pe le ye Alla la, ado Alla-gbɛrɛ sa ale kɔma.

Maraka 12:34

Yisa ya a lɔn ko a ara a yabi a kilɛ fɛ min kɛ, a ya a fɔ a ye ko, “I fɛ-ma-yan Allala mansayɛ la.” Ka a bi wo wati ma, mɔgɔ-wo-mɔgɔ ma sisi Yisa manyinikala nyinikali-gbɛrɛ la tun.

Luka 13:17

Yisala yabilɛ kɛ ya a yoge bɛɛ lamiliya. Kɔnɔ a ara kabana-koe minnu bɛɛ ma, nyama bɛɛ sewara wonuna ko la.

2 Tɛsalonaika 3:14

Ma ya kumɛ min sɛbɛ kɛdi kɛ rɔ, mɔgɛ do si taran nyɔ min ti wo bira. Wo ni wo yili to anu ko. Ko-wo-ko kana taran wo tɛma, woletɔ anu si miliya.

1 Timoti 5:14

Woletɔ min fisa, kɛɛ-musu-fonikenu ni sigi furi rɔ ka to dannu sɔrɔnna. Anu ni anuna bɔnnu fɛ-bira alako ma kana fɛrɛ di ma yogenu ma ka kuma-yogomɛ fɔ ma ma,

1 Timoti 6:3

Ni mɔgɔ-wo-mɔgɔ ya karan-gbɛrɛ do kɛ, ado a ma sɔn Mari Yisa, Allata-Mɔgɔ-Yabɔnɛta kumɛnu ma, hali maleta dina-karan wara-koe rɔ,

Taita 3:14

I ni ila mɔgɛnu karan ko-nyima-kɛ la alako anu ni mɔgɛnu dɛnbɛ anu mako-nyinyɛ la. Anu kana ma mɔgɔ-fuyinu na.

1 Pita 2:12

Wo ni wo kɛ-nya-nyimɛ yira Alla-batobɛlɛnu na. Woletɔ anu tenbi wo maburila tumɛ min ko ko-yogoma-kɛlɛ le wole la, anu si wola kɛwɔli-nyimɛnu yen, ado Alla wa na lunyɛ min, anu si a tanto tele wo rɔ.

1 Pita 2:15

ado Alla sako le wo la. A ye a fɛ, wo ni yuwaya-kuma-fɔlɛnu dɛ lakiri wola ko-nyimɛnu na.

1 Pita 3:16

Kɔnɔ wo tenbi a faranfasila, wo ni a kɛ dinyɛ anubɛ gbiliyɛ rɔ. Wo sɔndɔma-sɛninyanɛ ni to, woletɔ anu ba wo manyini tumɛ min, minnu bi kuma-yogomɛ fɔla wo ma wo kɛ-nya-nyimɛla ko la Kirasiti rɔ, wonu si miliya anuna kumɛ wonuna ko la,