Taita 2:10 - ALLALA KUMƐ

¹⁰ ado anu kana fen kankan wonu ma. Kɔnɔ anu ni anuna nyimayɛ anubɛ lanayɛ yira wonu na tumɛ bɛɛ. Woletɔ ma kisilɛ Allata karan si gbiliyɛ sɔrɔn anuna kɛ-nya-bɛɛ rɔ.

Taita 2:10 Iomraidhean Croise

Yaburi 101:6

Minnu telennɛ Alla ye, wonu di n ye. Wonu ni sigi n barɛ bolɔn la. Mɔgɔ-lasɔlɔnnɛnu si wɔli n ye.

Aiseya 12:2

Nna kisilɛ le Alla la. N si la a la, ado n ti kilan tun. Mari ye fanka anubɛ sɛnbɛ dila n ma. Nna kisilɛ le ale la.

Matiyu 24:45

“Wɔli-kɛla-latelennɛ anubɛ hɛnkilimɛ ye yon na wo tɛma? Ale le wo la, min tigi ara a sigi wɔli-kɛlɛnu kun na alako a ni anuna dɔn-fan di anu ma a wati-bɛnnɛ rɔ.

Matiyu 5:16

Iko lɛnpu si waan raka mɔgɛ ma nya min, wo ni wola kɛwɔlɛ yira mɔgɛnu na wo nya na le. Anu si wo kɛ-nya-nyimɛnu yen worɔ ka wo Fa gbiliya min bi Arinyɛni tɔ.

Luka 1:47

N niyi sewanɛ nna kisilɛ Allala ko la

Luka 1:80

Dan wo koloyara ka sɛnbɛ sɔrɔn Alla wara-koe rɔ. A tora wula-da-rakolɔn rɔ ha a bɔ tumɛ kera gbɛ rɔ Isirɛla mɔgɛnu ye tumɛ min.

Luka 16:10

Minnu telennɛ ko-mɛsɛnu tɔ, wo si lanayɛ kɛ ko-wɛnu fanan tɔ. Min kensunyanɛ ko-mɛsɛnu tɔ, wo si kensunyɛ kɛ ko-wɛnu fanan tɔ.

Yɔni 12:6

Yudasi ma kɛ fɔ bawo a ye hɔnna bolo-kolɔnnu na kɔnɔ bawo kankan le ale la nun, ado ale le ye wodi-bɔrɛ dununa Yisala karan-dannu ye. Nba, a ye do bila wodi wo rɔ nun a nyɛrɛ makoe la.

1 Kɔrɛnti 4:2

ado fan kerifanɛ min na, a bɛnta, wo ni lanayɛ kɛ a tigi ye.

Ɛfɛsa 4:1

Woletɔ nde, Pɔli min bi yele la Marita wɔlɛla ko la, n bi wo madiyala ko wo ni tagama iko a bɛnta, Allata mɔgɔ-yabɔnɛnu ni tagama nya min.

Filipai 1:27

Nba, ko-wɛ ye min na, wo le kɛ la. Wo tagama-nya ni bɛn Kirasitila kibara-nyimɛ ma. Woletɔ ni n ya fɛrɛ sɔrɔn ka ta wo yen, ni n ma ta, n si to a lamɔɛnna ko wo sɔnɛ yiri! Wo si a taran, wo ye wɔlila wo nyɔgɔn fɛ kan kelen tɔ kibara-nyimɛla ko la wo dɛnkɛninyanɛ min ma.

Filipai 4:8

Ala ban, n na-kelen-nyɔgɛnu, tonyɛ ye koe min bɛɛ la wo, tantolɛ ye min tɔ wo, koe min bɛɛ telennɛ wo, koe min bɛɛ sɛnima wo, koe min bɛɛ kin wo, koe min bɛɛ bɛnnɛ wo, koe min bɛɛ kɛndɛ wo, gbiliyɛ ye min bɛɛ rɔ wo, wo ni wo hɛnkili to wonu denu ma tolon!

1 Timoti 1:1

Nde, Pɔli le ye kɛdi kɛ sɛbɛla, Kirasiti Yisala kilayɛ, kɔni. Ma kisilɛ Alla le ya n sɔ ko n ni wɔlɛ kɛ ma, ado ma yigi sanɛ ale Yisa Kirasiti kuma.

1 Timoti 5:17

Chɔchi-mɔgɔ-ba minnu bi kun-tigiya-wɔlɛ kɛla a kilɛ fɛ, a bɛnnɛ, wonu ni gbiliyɛ anubɛ sara-kɛndɛ sɔrɔn, katarala minnu bi wɔlila bɛrɛkɛ kawandili bɔ tinɛ anubɛ mɔgɔ karan-tinɛ,

1 Timoti 6:1

Yɔɔn bɛɛ ni a lɔn ko a bɛnta, anu ni anu tigi gbiliya. Ni anu ya wonu gbiliya, mɔgɔ-wo-mɔgɔ ti kuma-yogomɛ fɔ Alla anubɛ mala karan ma.

1 Timoti 6:3

Ni mɔgɔ-wo-mɔgɔ ya karan-gbɛrɛ do kɛ, ado a ma sɔn Mari Yisa, Allata-Mɔgɔ-Yabɔnɛta kumɛnu ma, hali maleta dina-karan wara-koe rɔ,

Taita 1:3

A wati bɛnnɛ rɔ, Alla ya sarakanɛ kɛ labɔ gbɛ rɔ ma ye ata kumɛ rɔ. Alla ya wɔlɛ wo kerifa nde la iko ale, ma kisilɛ Alla ya a fɔ n ye nya min. A ko n ni a lake mɔgɛnu ma.

Taita 3:4

Kɔnɔ ma kisilɛ, Allata nyimayɛ anubɛ keninteyɛ bɔra gbɛ rɔ ma ye tumɛ min,

1 Pita 2:12

Wo ni wo kɛ-nya-nyimɛ yira Alla-batobɛlɛnu na. Woletɔ anu tenbi wo maburila tumɛ min ko ko-yogoma-kɛlɛ le wole la, anu si wola kɛwɔli-nyimɛnu yen, ado Alla wa na lunyɛ min, anu si a tanto tele wo rɔ.

1 Pita 3:16

Kɔnɔ wo tenbi a faranfasila, wo ni a kɛ dinyɛ anubɛ gbiliyɛ rɔ. Wo sɔndɔma-sɛninyanɛ ni to, woletɔ anu ba wo manyini tumɛ min, minnu bi kuma-yogomɛ fɔla wo ma wo kɛ-nya-nyimɛla ko la Kirasiti rɔ, wonu si miliya anuna kumɛ wonuna ko la,

2 Yɔni 1:9

Min ti to Kirasitila karan rɔ fɔ ka do sa a kuma, Alla sa wo bolo. Kɔnɔ min tonɛ karan wo rɔ, ma Fa Alla anubɛ ala den Yisa, anu fila bɛɛ ye wo le bolo.

1 Samuwɛli 22:14

Saraka-Masɔla Ahimɛlɛki ya a fɔ a ye ko, “Dawuda telenta ka tenbi ila kun-tigi bɛɛ la, ado i biran-kei le ale la. I makandannɛnuna kun-tigi le ale la. Ila mɔgɛ bɛɛ ye a gbiliyala.”

1 Samuwɛli 26:23

Lanaya-mɔgɛ minnu si ko-latelennɛ kɛ, Mari si wonu barayi. Mari min ya i ma mansɛ la, wo ya i don n bolo bi kɔnɔ n ma ko-wo-ko ma i la.