Taita 1:7 - ALLALA KUMƐ

⁷ Fɛɛ kana taran chɔchi-mɔgɔ-ba la bawo Allala wɔlɛ kerifanɛ ale le la. A kana ma nyɛrɛ-sako-kɛlɛ la. A yisi kana bɔ tiriya! A kana ma baan-minnɛ la anubɛ kɛlɛ-tɛgɛlɛ anubɛ tɔnɔ-yogo-nyininɛ.

Taita 1:7 Iomraidhean Croise

Ko-Dabirɛnu 49:6

N ti basan wo la gbundu-koe fɔ tinɛ hali ka ntɛ fɔ wota ladɛn kuma. Ni wo yisi magboyara doni bɛrɛni, wo si mɔgɛnu faga. Ni yɛlɛn-sɔgɛ ya wo bira, wo si turɛnu kin-kɔma-fasɛnu natɛgɛ alako wo ni anu mayɛlɛn. Woletɔ n ti kofu wo ma mumɛ, wola gbundinu tɔ.

Hɛnkilimaya-Kumɛnu 14:17

Mɔgɛ min yisi lakala, a si kuntanya-koe ladan kɔnɔ hallintore kusan a yisi birala.

Hɛnkilimaya-Kumɛnu 15:18

Mɔgɛ min yisi lakala, a si a ma, kɛlɛ ni ta yarɔ tiriya kɔnɔ min si a munyu, wo si kɛlɛ-wuyan bɔ a la.

Hɛnkilimaya-Kumɛnu 16:32

Yanni i ni sɛnbɛ sɔrɔn ka so-kun kelan gbesi, a fisa, i ni kun i nyɛrɛ ma ka i nyɛrɛ mara.

Makawandili Kumɛnu 7:9

I yisi kana bɔ tiriya bawo kuntan le yisi lakala.

Aiseya 28:7

A nɛbi wo, a saraka-masɔla wo, wo bɛɛ ye tonko-tankanna gbɛɛ-minyɛ bolo. Anu bara baan-su bɛɛ min ha anu bi tola anu nyɛrɛ mabondanna. Alla ye ko-rayirɛ minnu nanala, anu ti ke wonu nya-yenna gbɛɛ bolo. Saraka-masɔlɛnu ti ke kiti tɛgɛla yalafinyɛ bolo.

Isikiyɛli 44:21

Yanni a ni don Bato-Bon-luyi ma, saraka-masɔla fenfen kana gbɛɛ min.

Saraka-Masɔlɛnuta Tɔnnu 10:9

“Ile anubɛ ila den-keminɛnu, yanni wo ni ta nta Fani-Bɔn la tumɛ min, wo kana baan min. Fenfen min si mɔgɔ kun tafin, wo kana wonu min. Ni wo ya wo ma, wo si faga. Tɔn le kɛ la ka a fɔlɔ ile Aruna ma ha i kegeyɛnu. Wo kana a tinya.

Matiyu 24:45

“Wɔli-kɛla-latelennɛ anubɛ hɛnkilimɛ ye yon na wo tɛma? Ale le wo la, min tigi ara a sigi wɔli-kɛlɛnu kun na alako a ni anuna dɔn-fan di anu ma a wati-bɛnnɛ rɔ.

Luka 12:42

Mari ya a yabi ko, “Wɔli-kɛla-latelennɛ anubɛ hɛnkilimɛ ye yon na wo tɛma? Ale le wo la, min tigi si a sigi wɔli-kɛlɛnu kun na alako a ni anuna dɔn-fan di anu ma a wati-bɛnnɛ rɔ.

Ɛfɛsa 5:18

Wo kana sɔn, gbɛɛ ni wo rabunden. Yanni wo ni wo ma, wo fanɛ ni to ata Ni-Sɛnimɛ la.

Filipai 1:1

Nde, Pɔli anubɛ Timoti ye kɛdi kɛ sɛbɛla. Yisa Kirasitila wɔli-kɛlɛ le male la. Kɛ sɛbɛnɛ wole, Allata mɔgɛnu ma minnu bi Filipai soe burɔ ka a lake wobɛ chɔchi-mɔgɔ-banu ma anubɛ minnu bi dɛnbɛnɛ kɛla nyɔ. Wo bɛɛ ye Kirasiti Yisa rɔ dɛnkɛninya-kilɛ fɛ.

Taita 1:5

N ya i to Kariti alako koe minnu tora anu kɛbɛlɛ la, i ni to wonu kɛla. Wo kɔma, i ni chɔchi-mɔgɔ-banu sigi soe bɛɛ rɔ. N bara min fɔ i ye nun, i hɛnkili to wo ko.

Taita 2:3

A fɔ musu-kɔrɛnu fanan ye wo nya ko anu ni anu tagama-nya sɛninya iko a bɛnnɛ musu-sɛnimɛnu ma nya min. Anu kana ma mɔgɔ-tɔgɔ-tinyalɛnu na, ni wo ma, baan-minnɛnu. Anu ni ma ko-nyima-karan-mɔgɛnu na.

1 Pita 4:10

Alla ara sanbɛ di wo kelen-kelennamɛ-bɛɛ ma wo nyɔgɔn-dɛnbɛn-koe le la. Wo ni wo ma iko Allata sanba-marala-nyimɛnu si a ma nya min.

1 Pita 5:2

N bi wo madiyala ko Alla ara mɔgɛ minnu di wo ma, wo ni wonu kandan iko saga-fɛ-biralɛ si ala saga-kurɔn kandan nya min. Wo ni anu kandan a kin na, ado wo le di Alla ye. Wo kana a kɛ fɔrɔsɛ la. Wo kana a kɛ sara-koe la. Wo ni to wɔlila sewɛ rɔ wo yisi bɛɛ la.

2 Pita 2:10

Ado minnu bi tagamana anu fɛrɛ-bɔnku-nata fɛ, hali ka Allala mansayɛ lafɛya, a si a lagbɛlɛya wonu kuma. Foninya-karan-mɔgɛ wonu wasira. Anu si anu nyɛrɛ kɔrɔbi kati! Melika-gbiliyanɛ minnu bi san ma, anu ti wonu gbiliya mumɛ, fɔ ka to wonu mɔɛnna.