Taita 1:6 - ALLALA KUMƐ

⁶ N ko fɛɛ kana taran chɔchi-mɔgɔ-ba la. A ni telen ala musi ye. Ala dannu ni ma dɛnkɛninya-mɔgɛnu na. Mɔgɛnu kana anu lɔn kalabante anubɛ kuma-birabɛlɛnu na.

Taita 1:6 Iomraidhean Croise

Ko-Dabirɛnu 18:19

N bara Iburayima ma nta mɔgɔ-yabɔnɛ la woletɔ a si ala dannu anubɛ a bɔnsɔn-mɔgɛnu karan n bara-koe ma alako anu ni ko-latelennɛ kɛ ka nna kumɛnu bira. Ni anu ya wo ma, n bara nta lanyiri min kiri Iburayima ye, n si wo latɔnbagaya.”

Hɛnkilimaya-Kumɛnu 28:7

Den-hɛnkilimɛ si tɔn bira. Kɔnɔ dan min bi mɔgɔ-rakolɔn mala a diyana-mɔgɛ la, wo si ma a fa miliya-koe la.

Isikiyɛli 44:22

Saraka-masɔla fenfen kana musi furu min bara bɔ kei-gbɛrɛkɛ bolo. Fɔ a ni Isirɛla sunkurun-nasolonɛ furu, ni wo ma, saraka-masɔlɛ dola musu-tonɛ.

Saraka-Masɔlɛnuta Tɔnnu 21:7

Mari ko saraka-masɔla wo saraka-masɔla kana musi-yɛlan furu, ni wo ma, musi min bara kei-koe lɔn, anubɛ yili-bɔ-musi bawo wole saraka-masɔlɛnu sɛninyanɛ de!

Malakayi 2:15

Alla ma wobɛ wola musinu ma fen kelen de la, wa? Nfenna Alla ya kɛ ma? A ya kɛ ma le alako wo ye dan minnu sɔrɔnna, wonu ni ma ale Alla-halalɛ la. Wo do-wo-do kana lanyiri kɛ tinya wola musinu bara la.

Luka 1:5

Kɛ bɛɛ dabirara wo tumɛ Hɛrodi ye mansayɛ la Yudiya nyamanɛ rɔ. Saraka-masɔlɛ do ye nyɔ, a tɔgɛ Sakaraya min bɔra Saraka-Masɔla Abaya bɔnsɔn rɔ. Ala musi tɔgɛ le Ilisabɛti. Wo fanan bɔra Saraka-Masɔla Aruna bɔnsɔn rɔ.

Ɛfɛsa 5:18

Wo kana sɔn, gbɛɛ ni wo rabunden. Yanni wo ni wo ma, wo fanɛ ni to ata Ni-Sɛnimɛ la.

1 Tɛsalonaika 5:14

Ma na-kelen-nyɔgɛnu, wo ni kalabantenu makawandi. Wo ni yisi-latɛgɛ di kilandɔgɛnu ma. Minnu yisi rafaganɛ, wo ni to wonu dɛnbɛna ka wo munyu wo nyɔgɔn kɔrɔ.

1 Timoti 1:9

Tɔn wonu ma sigi mɔgɔ-nyimɛnuna ko la iko i ya a lɔn nya min. Tɔn wonu sanɛ tɔn-tinyanɛnu anubɛ ko-yogoma-kɛlɛnuna ko la. Alla-lɔnbɛlɛnu wo, hakɛ-tiginu wo, dina-birabɛlɛnu wo, Alla-lafɛyalɛnu wo, minnu ya anu sɔrɔnnɛnu faga wo, mɔgɔ-gbɛrɛ-fagalɛnu wo,

1 Timoti 3:12

Chɔchi-dɛnbɛni-kɛlɛ ni telen ala musi ye. A ni ala dannu anubɛ ala bonna-mɔgɛnu mara a kin na!

Taita 1:10

Ado nfan, mɔgɔ-siyaman bi sɔsɔli kɛla alako anu ni mɔgɔ-gbɛrɛnu yanfa anuna kuma-fuyinu fɛ. Anu siyaman bi Yahudiyanuna dina rɔ nun.

1 Samuwɛli 2:11

Ɛlakena anubɛ ala musi sɛgira anu barɛ Rema soe burɔ kɔnɔ anu ya Samuwɛli wo to Saraka-Masɔla-Kun-Tigi-Wɛ Ilayi bolo Sailo soe burɔ ka Marita wɔlɛ kɛ nyɔ.

1 Samuwɛli 2:22

Ilayi ara kɔrɔya gbɛ kɔbɔkɔbɔ! Tuma-wo-tuma, ala dannu bi ko-yogomɛ minnu sigila Isirɛla mɔgɛnu ma, a ye wonu namɔɛnna. A ye a lamɔɛnna fanan ko anu bi anu sala musinu fɛ minnu bi wɔli kɛla Marita Fani-Bɔn don-dɛ dafɛ.