Taita 1:3 - ALLALA KUMƐ

³ A wati bɛnnɛ rɔ, Alla ya sarakanɛ kɛ labɔ gbɛ rɔ ma ye ata kumɛ rɔ. Alla ya wɔlɛ wo kerifa nde la iko ale, ma kisilɛ Alla ya a fɔ n ye nya min. A ko n ni a lake mɔgɛnu ma.

Taita 1:3 Iomraidhean Croise

Aiseya 12:2

Nna kisilɛ le Alla la. N si la a la, ado n ti kilan tun. Mari ye fanka anubɛ sɛnbɛ dila n ma. Nna kisilɛ le ale la.

Aiseya 45:15

Isirɛlata Alla min bi ata mɔgɛnu nakananna, anu si a fɔ ko Alla le ale la, hadama-dannu ti min yen anu yɛ la.

Aiseya 45:21

Wo na kumɛ kɛ la kiti-bɔn la. Wo fɛkalɛnu ni anu nyɔgɔn kundɛn. Koe minnu bara ma kaka, yon bara wo fɔ wo ye nun kɔrɔma la? Ale Mari Alla le ya wo fɔ, min bi ala mɔgɛnu kisila, kɔni. Alla-wo-alla sa nyɔ ale kɔma.”

Daniyɛli 11:27

Hali mansa filɛ wonu bi anu bolenu nayigila miran kelen tɔ kɔnɔ anu sɔndɔmɛ gbɛni ma anu nyɔgɔn ye feu! Anu bi foninyɛ fɔla anu nyɔgɔn ye tolon! Fenfen ti bɔ anuna yanfanteyɛ wo rɔ bawo Alla ya wati min natɛgɛ, wo ma ke wɛ.

Daniyɛli 8:23

“Nyamani nani kɛnuna wati-laban wa ke tumɛ min, ado anu hakɛ dan na ara tenbi, mansa-gbɛrɛkɛ si wuli anu tɛma nyɔ. Wo si ma mansa-wunduyoge anubɛ karagbɛlɛ anubɛ yanfante la.

Daniyɛli 9:24

“Alla ara ban a latɛgɛla nun ko fɔ san bi-wɔrɔnfila sigi tina wɔrɔnfila (490) wa tenbi yanni ila mɔgɛnu anubɛ ila so-sɛnimɛ Yerusalɛm ni bɔ anuna hakɛ kɔrɔ. Wo kɔma, Alla si anu makoto ka telenbagayɛ lasɛgi anu tɛma. Woletɔ ko-rayirɛ anubɛ wɔlɔyiyɛ min kera i ye wo la, wonu na si tɔnbagaya. Wo kɔma, Alla Bato-Bɔn si dantɛgɛ tun.

Habakuku 2:3

A sɛbɛ bawo koe min bi nala mala, wo wati ma ke wɛ. Kɔnɔ a ti mɛ tun, wati wo si ke. N bi nala koe minnu yirala i la, wonu si ma, yɔ! A si ma i yala iko a sa mala tiriya kɔnɔ a makɔnɔ tun!

Maraka 1:15

A ko, “A wati-bɛrɛbɛrɛ le kɛ la. Allala mansayɛ ara gbɛrɛn! Wo ni wo kan-kɔ sɔ wola hakɛnu na ka la Allata kibara-nyimɛ la fasai!”

Maraka 13:10

A fɛrɛ sa fɔ kibara-nyimɛ kawandilɛ kɛ ni bɔ mɔgɛ bɛɛ ye fɔlɔn.

Maraka 16:15

A ya a fɔ anu ye ko, “Wo ta duninya kan tinɛ bɛɛ rɔ ka kibara-nyimɛ lake mɔgɛ bɛɛ ma.

Luka 1:47

N niyi sewanɛ nna kisilɛ Allala ko la

Kɛwɔlɛnu 10:36

A ya kumɛ min nake Isirɛla mɔgɛnu ma ka yisi-kimɛ kibara-nyimɛ fɔ Yisa, Allata-Mɔgɔ-Yabɔnɛ baraka rɔ, wo ya wo lɔn. Bɛɛta Mari le wo la.

Kɛwɔlɛnu 17:26

A ya mɔgɔ-su bɛɛ dan ka bɔ mɔgɔ kelen tɔ ka anu nasigi dugu-kole bɛɛ kuma. Ale nyɛrɛ ya anuta watinu anubɛ anuna sigi tinɛnu dan latɛgɛ kebi fɔlɔ.

Romu 15:19

N ya tamaserenu anubɛ kabana-ko-sɛnbɛmɛnu kɛ Allata Ni-Sɛnimɛta sɛnbɛ fɛ. Woletɔ ka a dabira Yerusalɛm ha ka ta ke Ilirikim nyamanɛ rɔ, n bara tagama wo bɛɛ rɔ Kirasitita kibara-nyimɛ lake-koe la.

Romu 16:25

Ma ni gbiliyɛ di Alla ma bawo ale le si ke ka wo lasɔ wola dɛnkɛninyɛ rɔ yiri iko Yisa, Allata-Mɔgɔ-Yabɔnɛ wota kibara-nyimɛ ye nya min, n bi min nakela wo ma, kɔni, ado tonyɛ kɛ dogonnɛ wo ma nun kebi fɔlɔ

Romu 16:26

kɔnɔ kaka, tonyɛ wo ara bɔ gbɛ rɔ nɛbinuna sɛbɛlɛnu tɔ. Sibole bɛɛ nara ke gbundi wo lɔnna Allala kumɛ fɛ, ado Alla ye nyɔ habadan! Woletɔ mɔgɛnu ni dɛnkɛninya a ma ka ala kumɛ bira.

Romu 5:6

Allata-Mɔgɔ-Yabɔnɛ fagara male hakɛ-tiginu ye a wati-latɛgɛnɛ rɔ bawo ma ti ke ma nyɛrɛ dɛnbɛna.

1 Kɔrɛnti 9:17

Ni n bi wɔlɛ kɛ kɛla n nyɛrɛ sako la, n yili ye n sara-koe le ma worɔ. Kɔnɔ bawo Alla le ya wɔlɛ wo don n bolo, ni n ma sarɛ sɔrɔn, n bara sɔn wo ma.

Kalesiya 4:4

Kɔnɔ Allata wati-latɛgɛnɛ kera tumɛ min, Alla ya ala dan sɔ. A sɔrɔnta musi le bolo. A makolota Nɛbi Musata tɔn-kitabu kɔrɔ

Ɛfɛsa 1:10

Ata gbundu-koe ye min na, wo le kɛ la. A wati wa ke tumɛ min, Alla si ala ko-latɛgɛnɛ wo kanbali. Ala dali-fan min bɛɛ ye san-kole rɔ wo, min bɛɛ ye dugu-kole kuma wo, a si wonu nadɛn kan-tina-kelen alako Kirasiti ni ma wonu kunyɛ la.

Ɛfɛsa 2:17

Woletɔ Kirasiti ara kibara-nyimɛ-kawandili bɔ mɔgɛ bɛɛ ye. I mara sibolo-gbɛrɛ la min fɛ-yan Alla la nun wo, i mara Isirɛla mɔgɛ la min fɛ-ma-yan a la nun wo, kibara-nyimɛ ye ma filɛ bɛɛ ye.

Filipai 1:13

Mansa-kandannɛnu anubɛ yan-mɔgɛ bɛɛ ara a lɔn ko n bi birɛ rɔ ka a tɛgɛ Kirasiti wara-koe ma.

Kɔlɔsi 1:23

Nba, wo ni wo sɔ yiri, wola dɛnkɛninyɛ rɔ. Wo kana sɔn, wo ni maga ka bɔ yigi wo rɔ. Wo ya kibara-nyimɛ lamɔɛn tumɛ min, wo ya yigi wo sɔrɔn. Nde, Pɔli le mara kibara-nyimɛ wota wɔli-kɛlɛ la, ado kibara-nyimɛ wo ara ke duninya-mɔgɛ bɛɛ ma.

Kɔlɔsi 1:6

Kibara-nyima-kelan kɛ min nara wole ma, wo ye nyɛnsɛnna duninya kan tinɛ bɛɛ rɔ. Kebi wo ya Allata hinɛ lɔn tumɛ min a bɛrɛbɛrɛ-wɛ ma, ha bi, a ye mɔgɛnu yɛlɛmana iko a ara wole yɛlɛma nya min.

1 Tɛsalonaika 2:4

Iko Alla ara ma lakɔrɔsi nya min, a ye a fɛ, ma ni kibara-nyimɛ fɔ mɔgɛnu ye wo nya na le. A ya wɔlɛ wo bɛɛ kerifa ma la. Ma wa kuma, ma sa ma rayala ka mɔgɛnu hɛnɛ fɔ Alla min bi ma yisi lakɔrɔsila.

1 Timoti 1:1

Nde, Pɔli le ye kɛdi kɛ sɛbɛla, Kirasiti Yisala kilayɛ, kɔni. Ma kisilɛ Alla le ya n sɔ ko n ni wɔlɛ kɛ ma, ado ma yigi sanɛ ale Yisa Kirasiti kuma.

1 Timoti 1:11

N bi kibara-nyimɛ min nakela mɔgɛnu ma, tonya-karan wo si taran wo rɔ, ado a kerifanɛ nde le la. Alla min gbiliyanɛ, duwɛ ye bɔla min bolo, kɔni, kibara-nyimɛ kɛ bɔnɛ wo le bolo.

1 Timoti 2:3

Madiyali-su kɛ bɛɛ kin. A ye Alla hɛnɛna, ma kisilɛ, kɔni,

1 Timoti 4:10

Wo le ya a to, ma ye ma rayala ka Allata wɔlɛ kɛ kati, bawo ma ara ma yigi sa Alla-nimɛ kuma, mɔgɛ bɛɛ kisilɛ, kɔni, katarala male dɛnkɛninya-mɔgɛnu ma.

2 Timoti 4:17

Hali wo, Mari tora n fɛ ka n sɛnbɛ don. Woletɔ n tora Allala kumɛ bɛɛ lakela sibolo-gbɛrɛ bɛɛ ma yan tɔ. N kisira yarɛ dɛ ma.

Taita 2:10

ado anu kana fen kankan wonu ma. Kɔnɔ anu ni anuna nyimayɛ anubɛ lanayɛ yira wonu na tumɛ bɛɛ. Woletɔ ma kisilɛ Allata karan si gbiliyɛ sɔrɔn anuna kɛ-nya-bɛɛ rɔ.

Taita 2:13

Ma tenbi tele-makawanɛ wo makɔnɔna, ma ni to Alla gbiliyala duninya kɛ rɔ, ado ma yigi sanɛ tele wo kuma ko ma kisilɛ Yisa Kirasiti si na bɔ gbɛ rɔ wulɔn, mata Alla gbiliyanɛ, kɔni.

Lankɛnimayɛ 14:16

Wo kɔma, ale min siginɛ banda-finyɛ wo kuma, ale ya ala wɔrɔtɛ ladon fui-fan wo kɔrɔ dugu-kole ma. Fui-fan bɛɛ tɛgɛra duninya rɔ tɛrr!