Sakaraya 8:3 - ALLALA KUMƐ

³ A ko a si a ya-lamunun Yerusalɛm soe la ka ta a mayigi ata so-sɛnimɛ wo rɔ tun. A ko mɔgɛnu si to soe wo kelela ko Soe Min Telennɛ a ye. A ko anu si Mari Sɛnbɛ-Bɛɛ-Tigita kɔnkɛ kele ko Kɔnkɔ-Sɛnimɛ.

Sakaraya 8:3 Iomraidhean Croise

Yaburi 2:6

A ko ale ara ata mansɛ yabɔ. A ya a sigi ata kɔnkɔ-sɛnimɛ kuma Yerusalɛm soe burɔ.

Yaburi 48:1

Mari makawara. Matɔgɛ bɛnta ale le ma. Wo ni a gbiliya ata kɔnkɔ-sɛnimɛ kuma, a halala-soe ye kan min.

Bɔ-Koe-Iyipiti 29:45

N si sigi wole Isirɛla mɔgɛnu tɛma ka ma wota Alla la.

Aiseya 1:21

Yerusalɛm soe min telennɛ nun fɔlɔ, wo ara wo nyɛrɛ ma iko yɛlan. Fɔlɔ nun, a lafanɛ wole mɔgɔ-telennɛ gbansan denu na kɔnɔ kaka, wole mɔgɔ-fagalɛnu denu bi a rɔ.

Aiseya 1:26

A ko a si mɔgɔ-banu anubɛ hɛnkili-kɔlɛnu di wo ma iko fɔlɔ. Wo kɔma, bɛɛ si Yerusalɛm lɔn telenbaga-soe anubɛ lanaya-soe la.

Aiseya 11:9

Kɛnu fenfen ti ko ma anu nyɔgɔn na. Anu ti anu nyɔgɔn kasara Yerusalɛm kɔnkɔ-sɛnimɛ ma. Iko kɔgɔ-yi siya nya min, nyamanita-mɔgɛnu hɛnkili ye siyayala wo nya na le.

Aiseya 12:6

Wole minnu siginɛ Yerusalɛm, wo ni wo kan mayɛlɛ bɛti bɔ tinɛ. Isirɛlata Alla makawara. A ye a mayigila ata mɔgɛnu tɛma.”

Aiseya 32:16

Telenbagayɛ anubɛ latelan si taran kan tinɛ bɛɛ rɔ.

Aiseya 60:14

Mɔgɛ minnu bara i matanban nun, wonu si anu maburun i kɔrɔ. I sɔgɛ labɔnɛ minnu na, wonu si na anu sa i kin kɔrɔ. Wonu si i kele ko, “Marita So-Karantan.” Wonu si i kele fanan ko, “Isirɛlata Alla-sɛnimɛ warɛ,” Yerusalɛm, kɔni.

Aiseya 65:25

Yarɛ anubɛ saga-dan si anu de-nyini kan-tina-kelen. Kuli si to binyɛ dɔnna iko ninki. Duguma-fan ti ko ma mɔgɛ la tun. Mari ko fenfen yogo, wo ti taran ata kɔnkɔ-sɛnimɛ kuma.

Aiseya 66:20

Wonu tenbi sɛgila, anu si sɛgi wo ta-nyɔgɛ Isirɛla mɔgɛnu na anu bolo. Anu si to nala ata kɔnkɔ-sɛnimɛ kuma Yerusalɛm. Minnu bi nala anu dununa, wo le kɛnu na, soee wo, kirindi wo, maka wo, sofɛlɛ wonubɛ nyomɛ. Anu si ma iko fui-fen-sarakɛ mɔgɛnu bi nala min na miran-sɛnimɛ rɔ Mari Bato-Bɔn la.

Aiseya 8:18

Ale Mari ara dan minnu di n ma, mabɛ wonu bi yan. Mari Sɛnbɛ-Bɛɛ-Tigi min bi Yerusalɛm kɔnkɔ-sɛnimɛ kuma, wo le ya ma ma sarakani-sɛnimɛ la Isirɛla mɔgɛnu ye.

Yɛrɛmaya 14:9

I mani de iko anu bi mɔgɛ min natɛrɛnala kɛlɛ la. I mani de iko kɛlɛ-nyana min ti ke mɔgɛ kunyɛ bɔla ko rɔ. Kɔnɔ Mari, hali wo, i ye ma tɛma. Ma ye ila hɔrɔmɛ rɔ. Woletɔ i kana ma boloka bawo ma dɛnbɛna sa.

Yɛrɛmaya 26:18

“Mansa Hɛsakaya ye Yuda nyamanɛ kun na tumɛ min, Mɔrɔsɛti kɛ, Nɛbi Maika ya a fɔ Yuda kɛnu ye wati wo rɔ ko Mari Sɛnbɛ-Bɛɛ-Tigi ko, ‘Yerusalɛm ma si nunku iko sɛnɛ. A si to kasarala, ado tɔ-a-la, Bato-Bɔn sɔ-tinɛ si ma gbɔngbɔn la.’

Yɛrɛmaya 31:23

Mari Sɛnbɛ-Bɛɛ-Tigi, Isirɛlata Alla ko a wa mɔgɛnu nasɛgi anuna nyamanɛ rɔ tumɛ min, anu si to a fɔla nyɔ ko, “Alamɛ Marita duwɛ yigira ata kɔnkɔ-sɛnimɛ kuma, a mayiginɛ kan min, kɔni.”

Yɛrɛmaya 33:16

Yerusalɛm anubɛ Yuda kɛ toenu nakisinɛ si to, ado mɔgɛnu si soe wo nyɛrɛ kele ko, “Ma Kisilɛ Mari.”

Isikiyɛli 48:35

Tarɛ wola foolɛ bɛnta mɛli wɔrɔ ma. Ka a dabira wati kɛ ma, soe kɛ si to kelela, ‘Mari ye yan.’ ”

Daniyɛli 9:16

Kebi fɔlɔ, ile le ya ma latanka. Hali i fonde ma ma gboya Yerusalɛm soe ma bawo i halalɛ le wo la, ita kɔnkɔ-sɛnimɛ, kɔni. Ka a tɛgɛ ma benbanu anubɛ maleta hakɛ ma, sibolo-gbɛrɛ minnu bi mala foolɛ rɔ, wonu yoonɛ ma ma.

Yowɛli 3:17

A ko wole, Isirɛla mɔgɛnu si a lɔn wati wo rɔ ko wota Mari Alla le ale la. A ko ale le ye a mayigila ata kɔnkɔ-sɛnimɛ kuma. A ko Yerusalɛm soe si ma so-sɛnimɛ la. Sibolo-gbɛrɛnu ti nɔ-ko sɔrɔn a ma tun!

Maika 4:1

“Wati si na, Marita Bon-Sɛnimɛ sɔnɛ kɔnkɛ min kuma kɛ la, wo si ma kɔnkɔ-layan-bɛ la ka tenbi kɔnkɔ bɛɛsi la mɔgɛ bɛɛ yala. Sibolo-gbɛrɛkɛ-mɔgɛnu si na ke nyɔ.

Sɛfanaya 3:13

Wole Isirɛla mɔgɛ toe minnu bi tola wo niyi la yan tɔ, wo ti ko-yogoma ma mɔgɛ la, wo ti foninya fɔ, ado wo ti yanfa don. Wo si sigi yisi-kimɛ rɔ. Mɔgɔ-wo-mɔgɔ ti wo maban.

Sakaraya 1:16

Woletɔ a ara sɛgi Yerusalɛm soe burɔ ka kinikini wo ma. Mari Sɛnbɛ-Bɛɛ-Tigi ko wo si a Bato-Bɔn anubɛ ata soe sɔ-kurɛ-kɛ tun.

Sakaraya 12:6

Wo wati wa ke, a ko a si Yuda bɔnsɔn-kun-tiginu ma iko tɛ wa na a labɔ sɔgɔ-ladɛnnɛ ma. Ni wo ma, a ko anu si ma iko kala-mɛlan wa a kun nabɔ bin-gbalɛ ma. Sibole minnu bi ala foolɛ rɔ, a ko Yuda kɛnu si wonu halaki kɔnɔ anu Yerusalɛm kɛnu si to anu gbɛ rɔ yiri!

Sakaraya 14:10

Ka a bi kantɔ-wara la Kiba soe ye kan min ha ka yigi dugula wara la Rimɔn soe ye kan min, tɛngbɛnya wo dugi mumɛ bɛɛ ra si kɛnya bɛrɛtɛ! Hali wo, Yerusalɛm soe dɔrɔn si to a gbɛ rɔ kɔnkɛ kuma. Yerusalɛm soe si a dabira tara-don-dɛ ma min tɔgɛ Bɛnyamɛ. Soe wo le ye tala sɔla furr, ha tarɛ tonke don-dɛ ma min bi a sɔ-gba-kɔrɛ rɔ. A si ta fanan ha tara-layan-bɛ do ma min tɔgɛ Hananɛli. Wo kɔma, a si ta sɔla ha mansɛla nɔnbɔ-gbɔ-yi burun-tinɛ.

Sakaraya 8:16

A ko wo ye min mala, wo le kɛ la. Wo ni tonyɛ fɔ wo nyɔgɔn ye. A ko wo ni telenbagaya-bɛrɛbɛrɛ lana kiti-sa-tinɛ alako yisi-kimɛ ni to wo tɛma.

Sakaraya 8:19

A ko wo ye sunyɛ min donna san karɛ nani, anubɛ karɛ loli, anubɛ karɛ wɔrɔnfilɛ anubɛ karɛ tan ma, wonu si ma wola ladiya-ladɛn-karɛnu na Yuda kɛnu ye. Kɔnɔ a ko fɔ tonyɛ anubɛ yisi-kimɛ ni diya wo ye.

Yɔni 1:14

Ale min keleta Kumɛ, wo mara mɔgɔni-fin la. A sigira ma tɛma. Ma ya ala gbiliyɛ yen. A fanɛ hinɛ anubɛ tonyɛ la. Gbiliyɛ wo, Allatalata Den kelen pe le ale la min kɛ, a ya wo sɔrɔn a Fa bolo.

Yɔni 14:23

Yisa ya a yabi ko, “Min ba n keni, wo tigi si nna kumɛ bira. N Fa Alla si wo tigi keni. Mabɛ n Fa Alla si na a wara ka to siginɛ a fɛ.

2 Kɔrɛnti 6:16

Diyanayɛ mintan bi Alla-Bato-Bɔn anubɛ Alla-batobɛlɛnuna bɛsɛ kɔ tinɛnu tɛma? Male le Alla nimɛ Bato-Bɔn la iko Alla nyɛrɛ ya a fɔ nya min ko, “N si sigi anu fɛ ka to anu tɛma. N si ma anuta Alla la. Anu si ma nta mɔgɛ la.”

Kɔlɔsi 2:9

ado Alla wara-koe-mumɛ-bɛɛ taranta Kirasiti le tɔ.

Lankɛnimayɛ 21:10

Allala Ni-Sɛnimɛ yigira n kuma. Nba, ale melika tara n na kɔnkɔ-layan-bɛ kun tɛma pon! A ya Alla-halala-So-Sɛnimɛ, Yerusalɛm, yira n na. A ye yigila ka bɔ Arinyɛni tɔ Alla bolo.

Lankɛnimayɛ 21:27

Kɔnɔ fen-kɔsɔni wo fenfen ti don soe wo burɔ. Mɔgɛ min si kisimiriya-koe kɛ, wonu ti don soe wo burɔ mumɛ! Hali foninya-fɔlɛnu ti don. Fɔ minnu tɔgɛ sɛbɛnɛ saga-danta nimaya-buku rɔ, wonu denu dɔrɔn si don soe wo burɔ.

Lankɛnimayɛ 21:3

N ya kuman-kan-ba lamɔɛn ka bɔ mansaya-sigi-fan rɔ. A ko, “Alla mayiginɛ mɔgɛnu fɛ kaka, ado a si to anu fɛ. Anu si ma ata mɔgɛnu na. Alla nyɛrɛ si taran anu fɛ ka ma anuta Alla la.