Sakaraya 8:2 - ALLALA KUMƐ

² A ko ka a tɛgɛ ata hinɛ ma ala mɔgɛnu bara la, Yerusalɛm dɛnbɛn-sɔgɛ ye a la. Keninteyɛ min bi a bolo Yerusalɛmna ko la, wo le ya a ladiminya nyɔ-yogenu ma.

Sakaraya 8:2 Iomraidhean Croise

1 Ko-Kɔrɔta-Karan 12:19

Dawuda anubɛ Filisitinu wulita wati min ka ta Mansa Sɔli kɛlɛ tinɛ, Manasa bɔnsɔn kɛlɛ-dan donu nara kofu Dawuda ma wo wati rɔ. Kɔnɔ Filisitinuna mansɛnu ma sɔn Dawuda ni kɛlɛ kɛ bawo anu bi kilanna ko Dawuda kana na ta anu don Mansa Sɔli bolo, ala kun-tigi-kɔrɛ, kɔni. Woletɔ anu ya ale Dawuda lasɛgi a kɔma Sikilagi soe burɔ fass!

Aiseya 59:17

Marita ko-nyimɛ le manɛ a nyɛrɛta duruku-ba la. Kisi-koe le manɛ ata fulɛ la. Tayili-sarɛ le manɛ a fɛrɛya-bɔɛ la. Kerinteyɛ le manɛ ala kan-makɛ-fan la.

Aiseya 63:15

Mari, i kolan layigi ma ma dugi ma. I tenbi ita sɛninya-tina-makawanɛ rɔ, i miri ma ma. Ita keninteya-belebele-wɛ ye mintɔ? Nfenna i ye ita keninteyɛ anubɛ ita kinikinɛ dogonna ma ma?

Yowɛli 2:18

Wo wa ban tubila, Mari si a miri ala mɔgɛnuta nyamanɛ ma tun ka kinikini ala mɔgɛnu ma.

Nehami 1:2

Mari Alla ti sɔn a senɛ ma. Minnu bi a rasɛla, a si wonu tɔrɔ. A fonde bɔnɛ si a tayili sara.

Nehami 1:6

Alla fonde wa bɔ tumɛ min, yon si to a niyi la worɔ? A fondo-kaliyanɛ ye tɛ min nabɔla, yon si ke wo rakɔnɔna? Mari wa fondo-magboyɛ labɔ iko ta-mɛlan, farɛnu si ma gbangban la a kɔrɔ.

Sakaraya 8:1

Mari Sɛnbɛ-Bɛɛ-Tigi ya sarakanɛ kɛ don nde, Sakaraya bolo tun.