Sakaraya 4:9 - ALLALA KUMƐ

⁹ A ko Sarababulu ara ban Bato-Bɔn kurunna. A ko fɔ a wa a toe laban. Mari ko a wa a kundon tumɛ min, wo ye a lɔnna wo le ma ko ale le ya n sɔ wo ma.

Sakaraya 4:9 Iomraidhean Croise

Ɛsira 5:16

Anu ko woletɔ Sɛsabasa nara Bato-Bɔn kurukɛ. Ka a bi wulɔn ma ha kaka, anu bi Bato-Bon-sɔ-ko-wɔlɛ la kɔnɔ a ma ban bɛ.

Aiseya 48:16

Wo ni wo madon n na. Wo ni wo tole masɔ kumɛ kɛnu na. (Mari Min Bi Fan Bɛɛ Kun Na, wo le ya nde sɔ ata Sɛnbɛ baraka rɔ.) Kebi wɔlɔyiya-kumɛ kɛ fɔɛ dabirɛ, n sa kumala dogɔn rɔ, ado kumɛ kɛnu sa bɔla a la n kɔma.

Hegayi 2:18

Wo ara ban Marita Bato-Bɔn kurunna bi. Ka a dabira bi karɛ kɔnɔntɛ tele mogan-ni-nanɛ kɛ ma, wo si a dan-nafarɛ yen. Wo ni wo miri bi tele ma.

Sakaraya 1:16

Woletɔ a ara sɛgi Yerusalɛm soe burɔ ka kinikini wo ma. Mari Sɛnbɛ-Bɛɛ-Tigi ko wo si a Bato-Bɔn anubɛ ata soe sɔ-kurɛ-kɛ tun.

Sakaraya 2:11

Wo wati wa ke, sibolo-gbɛrɛ mɔgɔ-siyaman si yɛlɛma ka na ale Mari ma. Ale si a mayigi wo tɛma. Wo ye a lɔnna wo le ma ko ale Mari Sɛnbɛ-Bɛɛ-Tigi ya n kilaya wo ma.

Sakaraya 2:13

Bɛɛ ni a rade Mari yala bawo a ye bɔla ata kan-tina-sɛnimɛ rɔ ka na.

Sakaraya 4:8

Nde, Sakaraya ya Marita sarakani-gbɛrɛ lamɔɛn.

Sakaraya 6:15

A ko minnu bi wula-yan la pon, wonu si na wo dɛnbɛ Mari Bato-Bon-sɔɛ la. A ko Bato-Bɔn kun ba don tumɛ min, wo ye a lɔnna wo le ma ko Mari Sɛnbɛ-Bɛɛ-Tigi ya nde, Sakaraya sɔ wo ma. Kɛnu si ma, ni wo ya wota Mari Alla kan to a gbɛ rɔ.

Matiyu 16:18

N bi i tɔgɛ sala Pita. Wo kɔrɛ le farɛ. N si nta chɔchi sɔ farɛ wo kuma. Hali sayɛ ti nɔ-ko sɔrɔn a ma mumɛ!

Yɔni 17:21

N bi madiyali kɛla ko anu bɛɛ ni ma kelen na. E, n Fa! Iko i ye nde rɔ nya min, anubɛ nde ye ile rɔ nya min, anu fanan ni taran nde rɔ wo nya le. Wo le si a ma, duninya-mɔgɛnu si la a la ko ile le ya n sɔ.

Yɔni 3:17

Alla ma ala dan sɔ duninya rɔ alako a ni ma duninya-kiti-tɛgɛlɛ la, fɔ ka a ma duninya-kisilɛ la.

Hiburunu 12:2

Ma ni la Yisa la dɛɛ bawo ale le ye mala dɛnkɛninyɛ dabirɛ anubɛ ala ban la. A ma a ban faga-koe ma kɔlɔma ma! Miliyɛ wo bɔrɔ ma taran a ye. A fonde latɛgɛnɛ sewɛ wola ko la min siginɛ a yarɔ, ado a siginɛ Alla kɔɛn-nyimɛ rɔ kaka.