Sakaraya 2:3 - ALLALA KUMƐ

³ Wo kɔma, mabɛ melika min bi ko-rayirɛ kɛ kɔrɛ yirala n na, wo bɔra n dafɛ. Melika-gbɛrɛ nara wo taran.

Sakaraya 2:3 Iomraidhean Croise

Sakaraya 1:19

Ale melika min bi ko-rayirɛ kɛ kɔrɛ yirala n na, n ya wo manyinika tun, n ko, “Kere kɛnu kɔrɛ ye kama wo?” Ale ko, “Wonu denu bi duninya-fanka-tiginu tamasereyɛ la min bara a ma, Yuda anubɛ Isirɛla nyamanita-mɔgɛnu anubɛ Yerusalɛm so-burɔ-mɔgɛnu ta ara nyɛnsɛn.”

Sakaraya 2:4

Min namatoe, wo ya a fɔ doi wo ye ko, “I buri tala a fɔla fen-sumannɛ wo ye ko tarɛ ti ke minina Yerusalɛm soe ma tun bawo a la si fa mɔgɛnu anubɛ kolo-fannu na penpen!

Sakaraya 4:1

Melika min bi ko-rayirɛ kɛ kɔrɛ yirala n na, wo nara n nakunden iko n bi kinɔgɔlɛ le tɔ nun.

Sakaraya 4:5

Ale fanan ko, “I ma a lɔn?” N ko, “Ɔn-ɔn, n fa, n ma a lɔn.”

Sakaraya 5:5

Melika min bi ko-rayirɛ kɛ kɔrɛ yirala n na, wo bɔra gbɛ rɔ tun ka a fɔ n ye ko, “I yɛ lata fan do ma nala san ma.”