Sakaraya 13:3 - ALLALA KUMƐ

³ Wo kɔma, ni mɔgɔ-wo-mɔgɔ ya a tui ka wɔlɔyiya-kumɛ fɔ min kara Allatɛ ma, a sɔrɔnnɛnu si a fɔ a ye ko anu bi a fagala le bawo a ara a nyɛrɛ ma nɛbi la ka foninyɛ fɔ ale Mari tɔgɛ rɔ. A wa wɔlɔyiya-kumɛ fɔ tonya ma min na, a fa anubɛ a na ni a sɔgɔ alako a ni faga.

Sakaraya 13:3 Iomraidhean Croise

Yɛrɛmaya 23:25

Nɛbi minnu bi ale Mari tɔgɔ ratɛgɛla foninya-fɔ-tinɛ, a ko a ya wo bɛɛ lɔn. Minnu bi a fɔla ko a ara a sara anu na kiyo rɔ, a ya mɔgɛ wo bɛɛ lɔn fanan.

Yɛrɛmaya 23:34

A ko a nɛbi wo, a saraka-masɔla wo, ala mɔgɛ toenu wo, ni wo do-wo-do ya a fɔ worɔ ko, “Marita kuma-gbilimɛ le kɛ la,” mɔgɛ wo ara foninyɛ le fɔ wo la, ado wo tigi anubɛ ala denbayɛ ara kumɛ sɔrɔn.

Yɛrɛmaya 28:15

Wo kɔma, nde, Yɛrɛmaya ya a fɔ Hananaya ye ko, “I tole masɔ. Mari ma i sɔ de! I wara a ma, Yuda kɛnu bara la ila foninyɛnu na.

Isikiyɛli 13:23

Nba kaka, anuna ko-rayirɛ anubɛ anuna foninya-wɔlɔyiya-kuma-fɔɛnu bara ban. N bi nna mɔgɛnu denu porokɔlɔ-koe rɔ musi wonu bolo ka anu nakanan. Anu bi a lɔnna wo le ma ko Mari le nde la.”

Isikiyɛli 14:9

“Ni nɛbi do ya foninya-kumɛ fɔ, nde, Mari le ya a yanfa wo la. Nde nyɛrɛ-nyɛrɛ si nɛbi wo wurun Isirɛla mɔgɛnu tɛma.

Isikiyɛli 43:7

“Ile hadama-dan, nta mansaya-waganɛ le bɔn kɛ la. N si sigi yan Isirɛla mɔgɛnu tɛma ka to anu kun na yan tolon! Ka bɛsɛnu kɔ wo, ka anuna mansɛnu togon yan bara la wo, wo do-wo-do ti n tɔgɔ-sɛnimɛ lafɛya tun, a mara a Isirɛla mɔgɔ la wo, a mara a mansa la wo.

Matiyu 10:37

“Mɔgɔ-wo-mɔgɔ wa a na, ni wo ma, a fa keni ka tenbi nde la, a ma bɛn, wo tigi ni bila n fɛ. Mɔgɔ-wo-mɔgɔ wa ala dan keni ka tenbi nde la, a ma bɛn, wo tigi ni bila n fɛ.

Luka 14:26

“Mɔgɔ-wo-mɔgɔ nara nde wara, a ti ke mala nna karan-dan la fɔ a wa a kan-kɔ sɔ a na anubɛ a fa la, ala musi anubɛ ala dannu anubɛ a na-kelen-nyɔgɛnu anubɛ a nyɛrɛ fanan.

2 Kɔrɛnti 5:16

Nba, ma ti mɔgɛ mafɛlɛn tun iko hadama-dan miriya ye nya min. Fɔlɔ-nun, ma ya Kirasiti mafɛlɛn iko hadama-dan miriya ye nya min kɔnɔ ma ti wo ma tun.

Tɔn-Fɔɛ-Fila-Nyɔgɛ 18:20

Ni foninya-nɛbi min kumara Mari Alla tɔgɛ rɔ, a ma min sɔ wo wara, wo tigi si faga. Ni nɛbi min ya bɛsɛ dola koe fɔ wo ye, wo tigi fanan si faga.

Tɔn-Fɔɛ-Fila-Nyɔgɛ 33:9

I ya a lɔn, Lifayi mɔgɛ kɛnu bara ile Mari wara-koe sɔ anu yarɔ ka tenbi anuna mɔgɛnuna koenu na. Anu ya ita tɔnnu bira ka ita lanyiri latɔnbagaya.