Sakaraya 10:3 - ALLALA KUMƐ

³ Mari ko minnu bi ala mɔgɛnu kun na mansayɛ la, a fonde tɔrɔnɛ a ma wonuna ko la. A ko fɔ a wa kun-tigi wonu tɔrɔ. Mari Sɛnbɛ-Bɛɛ-Tigi ko atɛ le Yuda mɔgɛnu na. A ko anu kumafɛlɛnnɛ le ale la. A ko a si anu ma mɔgɔ-makilannɛnu na iko soee-kɛlɛ-tatalɛnu.

Sakaraya 10:3 Iomraidhean Croise

Yobu 39:25

Buru-fɛ-kan anubɛ sun-tafɛ-kan ye bɔla anu nyɔgɔn fɛ le. A ye tola wula-yan le la, a ni kɛlɛ-sumɛ mabira ka kɛlɛ-kurugbɛ sɛrɛn-kan lamɔɛn.

Bɔ-Koe-Iyipiti 4:31

Wonu fanan lara a la. Anu ya a lɔn min kɛ ko Mari ara a kolan lamunun anu na ka a lɔn anu bi tɔrɔyɛ min tɔ, anu ya anu madu dugi ma ka madiyali kɛ.

Hɛnkilimaya-Kumɛnu 21:31

Mɔgɔ si soeenu tabɛn kɛlɛ-kɛ-koe la kɔnɔ min bi kɛlɛ nɔla, Mari le ye wo latɛgɛla.

Keninteya-Siginu 1:9

N kɔntɔ-mɔgɛ, ile si a ma, keinu yisi kɔrɔ ni tugu iko so-musi si Iyipiti mansɛla so-keinu nabandan nya min minnu bi ala kirindinu saganna.

Aiseya 10:12

Kɔnɔ Mari ko min di a ye, a wa ban wo sigila Yerusalɛm kɛnu ma, a ni to a ya-lamununna Asiriya mansɛ kɛ la ka a tɛgɛ ala nyɛrɛ-matɔgɛ anubɛ ala wasinteyɛ ma.

Aiseya 24:21

Wati ye nala, Mari si duninya-kun-tiginu anubɛ san-kolo-sɛnbɛ-tiginu tɔrɔ.

Yɛrɛmaya 10:21

Nde, Yɛrɛmaya ya a fɔ wo ye ko mala kun-tiginu hɛnkili sa. Anu ti anu gbɛrɛn Mari ma anu dɛnbɛn-koe la. Woletɔ mala mɔgɛnu sa sabatila. Ma ara nyɛnsɛn mala mɔgɔ-banu ma.

Yɛrɛmaya 11:22

Mari Sɛnbɛ-Bɛɛ-Tigi ko a si Anatɔti mɔgɛnu tɔrɔ. A kemini-mɛsɛnu kunyɛ si to kɛlɛ rɔ. Kɔnkɛ si ban anuna dannu fagala.

Yɛrɛmaya 25:12

San bi-wɔrɔnfilɛ kɛ wa tenbi tumɛ min, Mari ko a ni na to Babilɔn anubɛ ala mansɛ tɔrɔla ka a tɛgɛ anuna yogoyɛ ma. A ko nyamanɛ wo kasaranɛ si to tolon!

Yɛrɛmaya 25:34

Wole kun-tigi minnu bɛnta ka ma Marita mɔgɛnu kandannɛ la, wo ni sɔnkɔ di-kɛ-tinɛ. Wo ni di ka wo forongbesi gbangban rɔ. Wo ratii-tumɛ ara ke. Anu si wo ratii iko bɔnku-dagɛ wa fɛrɛn dugi la.

Yɛrɛmaya 50:6

Mari ko ala mɔgɛ kɛnu mani de nun iko sagɛ minnu bara tunu. Anuna kun-tiginu denu ya anu nasama kilɛ ma. Anuna kun-tiginu bara anu nayilan-yilan iko sagɛ minnu bara ta anu kun fɛ kɔnkɛnu ma. Anu ma anu bɔ-tinɛ lɔn, anu ma anu ta-tinɛ lɔn.

Isikiyɛli 34:11

“Nde, i Tigi Mari ya a fɔ ko iko saga-fɛ-biralɛ si ala saga-tanyɛnsɛnnɛnu nadɛn nya min, nde nyɛrɛ si nna sagɛnu nyini ka anu fɛ-bira wo nya na le. Anu ta ara nyɛnsɛn kan tinɛ min bɛɛ rɔ kasara-tele ma, n si anu kundɛn ka bɔ nyɔnu tɔ.

Isikiyɛli 34:2

“Ile hadama-dan, wɔlɔyiya-kumɛ kɛ latenbi Isirɛla mɔgɛnuna kun-tiginu ma. Nde, anu Tigi Mari ye min fɔla, wo fɔ anu ye. Gbalo ye anu denu Isirɛla fɛ-biralɛnu ma. Anu bi anu nyɛrɛ fɛ-birala kɔnɔ anu sa anuna sagɛnu fɛ-birala, Isirɛla mɔgɛnu, kɔni.

Daniyɛli 11:32

Minnu bara anu kan-kɔ sɔ Alla la nun, ale Siriya mansɛ si yanfɛ kiri alako wonu ni sɔ a fɛ. Kɔnɔ minnu sɔnɛ Alla fɛ gben, wonu si anu ban a bolo ka a sɔsɔ.

Sɛfanaya 1:8

Mari ko a wa ma yogenu nana ma faga-tinɛ tumɛ min, tɔrɔyɛ wo da si bira mansɛla mɔgɔ-banu anubɛ ala dannu ma anubɛ minnu bi sibolo-gbɛrɛnuna namunyɛ bila.

Sɛfanaya 2:7

Yuda nyamanita-mɔgɛ toe minnu bi tola, wonu si sigi wole, Filisitinuna nyamanɛ wo rɔ. Wonu si to anuna sagɛnu fɛ-birala nyɔ ka to kila wola bɔnnu na Asikalɔn soe burɔ. Anuta Mari Alla si to anu fɛ alako anu bara-koe ni to tala yarɔ.

Sakaraya 11:17

Mari ko saga-fɛ-birala-kuntan wo si halaki pɔ bawo a ara ala sagɛnu boloka. A ko alamɛ wo bole tɛgɛra a la kɛlɛ rɔ. A bolo-nyimama-yɛ ni tii fanani.

Luka 1:68

“Ma ni Mari tanto, Isirɛlata Alla, kɔni bawo a nara ka ala mɔgɛnu dɛnbɛ ka anu hɔrɔya.

1 Pita 2:12

Wo ni wo kɛ-nya-nyimɛ yira Alla-batobɛlɛnu na. Woletɔ anu tenbi wo maburila tumɛ min ko ko-yogoma-kɛlɛ le wole la, anu si wola kɛwɔli-nyimɛnu yen, ado Alla wa na lunyɛ min, anu si a tanto tele wo rɔ.

Ruti 1:6

A ma mɛ wo kɔma, Neyomi ya a lamɔɛn ko Mari ara duwɛ layigi Isirɛla mɔgɛnu ma. Anu bara dɔn-fen-siyaman sɔrɔn. Neyomi ya a mabɛn ta-koe la Yuda nyamanɛ rɔ anubɛ a mama-nyaganɛnu. Anu bara wuli tala.