Sakaraya 10:2 - ALLALA KUMƐ

² Mɔgɛnu si ta bɛsɛnu anubɛ bolo-tafɛlɛnnɛnu bara kɔnɔ anu sa fenfen namɔɛnna nyɔ fɔ kun-takolonya-kumɛ anubɛ foninyɛ. Kiyo-kɔrɔ-takarannɛ le donu na kɔnɔ anu sa fenfen kun na fɔ ka namɛ ladu wo ye. Anu bi wo yisi-kima-koe min fɔla, wo bɛɛ fu! Woletɔ mɔgɛ bɛɛ ye yilan-yilanna iko sagɛ min bara to-a-rɔ. Anu bi nanparan rɔ bawo anu fɛ-birala sa anu bolo mumɛ!

Sakaraya 10:2 Iomraidhean Croise

1 Mansɛnu 22:17

Nɛbi Mɛkaya ya wɔlɔyiya-kumɛ fɔ a ye ko, “N bara Isirɛla kɛlɛ-dannu tanyɛnsɛnnɛ yen kɔnkɛnu kuma iko saga-fɛ-birala sa sagɛ minnu kun na. Mari ara a fɔ n ye ko, anu ni sɛgi anu barɛnu tɔ yisi-kimɛ rɔ dɔi, bawo kun-tigi sa anu kun na.”

Yobu 13:4

Wo ye tɔgɛ sala n na. Wo damasi mani de iko bɛsi-bɔlɛ min ti ke mɔgɔ lakɛndɛyala.

Yobu 21:34

Kɔnɔ kaka gbɛ, wo ye n yisi-kima-koe rɔ kuma-fufafuyinu na. Wola yabilɛ bɛɛ manɛ foninya-kumɛ le la!

Aiseya 41:29

“Fufafuyi le bɛsɛ wonu na. Anu ti ko-wo-ko nyinya. Anu dama rafaganɛ, sɛ sa bɛsɛ wonu ye.”

Aiseya 44:25

A ko a ara yi-kɔrɔ-fɛlɛnnɛnu ma kun-takolɔnnu na. Lole-lakɔrɔsilɛnu bi ko-natoe minnu fɔla, a ara wonu ma ko fuyi la. A ko minnu bi anu hɛnkili mayirala, a ara wonu sɔsɔ feu, woletɔ anu si a lɔn ko ko-fuyi le anuna hɛnkilimayɛ la.

Aiseya 44:9

Mɔgɔ-fuyi le bɛsi-ladannɛnu na. Hali bɛsɛ di mɔgɛnu ye, fufafuyi le bɛsɛ wonu na. Minnu bi bɛsɛ wonu kɔla, fiyɔn anubɛ kun-takolɔn le wonu na. Anuna kun-takolonyɛ si a laban anu bolo yarabiyi ma.

Aiseya 46:5

Mari ko wo si kɛ ale sankala nfen ma? Anubɛ yon takɛn?

Yɛrɛmaya 10:8

Hɛnkilimɛ wonu hɛnkili sa, ado kuntan le anu na. Anuna hɛnkilimayɛ wonu bɔnɛ anuna bɛsi-fuyi wonu denu tɔ.

Yɛrɛmaya 14:13

Kɔnɔ nde, Yɛrɛmaya ko, “E, ma Tigi Mari, foninya-nɛbinu bi kuma-gbɛrɛkɛ fɔla ila mɔgɛnu ye ko anu ti tɔrɔya-wo-tɔrɔya sɔrɔn anu yogenu bolo. Nɛbi wonu ko kɔnkɔ ti sa anu ma. Anu ko ile ko ila mɔgɛnu si yisi-kimɛ sɔrɔn nyamanɛ rɔ tolon!”

Yɛrɛmaya 14:22

Sibolo-gbɛrɛnuta bɛsɛnu si ke bandɛ lanala le, wa? San-kole si ke bandɛ lanala a nyɛrɛ ma, wa? Ade fɔ ile mata Mari Alla kelan min si wo ma. Ma yili-madiyanɛ ile kelen pe le ma. Ile le kelen pe si ko sufa kɛnu ma.

Yɛrɛmaya 23:17

Wole minnu ya wo ban wo tolo-masɔ-koe ma ale Mari kan la, nɛbinu bi a fɔla wo ye ko, “Koe bɛɛ ye tala a kilɛ fɛ.” Wole minnu tolo-gbɛlɛ, nɛbinu kɛnɛna a fɔla mɔgɛ wonu ye ko kasara-sumɛ ti sigi wo ma.

Yɛrɛmaya 23:32

Mari ko wo ni wo tole masɔ a la. Nɛbi minnu bi kiyo-rakaran la, wonu burɛ lafanɛ foninyɛ le la. Mari ko a ye wonu kɛlɛla le. Anu bi kiyo-rakaran la alako ka wole, ata mɔgɛnu kunyɛ bɔ ale, Marita kilɛ ma. Fenfen ma wo la fɔ nyɛrɛ-matɔgɛ anubɛ foninyɛ. A ko ale ma anu sɔ mumɛ! A ko anu tɔnɔ-wo-tɔnɔ sa wole, Marita mɔgɛnu ma hali! Ale Mari kan le kɛ la.

Yɛrɛmaya 27:10

Foninya-nɛbi wonu bi anu yanfa-tinɛ le. Wonu si a ma, anu ni ta nyamani-gbɛrɛnu tɔ, ado ale Mari ko a si anu gben ka anu kasara.

Yɛrɛmaya 27:14

Foninya-nɛbi minnu bi a fɔla ko i ni murutiya Nɛbukanasa ma, i kana i wɔlɔ matɔlɔ wonu na de! Anu bi i bolo-labira-tinɛ le.

Yɛrɛmaya 27:9

N ya a fɔ kilayɛ wonu ye ko anu ni n kan natenbi ko anuna mansɛnu kana anu tole sigi foninya-nɛbinu anubɛ bolo-tafɛlɛnnɛnu kan kɔrɔ minnu bi a fɔla ko anu ni anu ban Babilɔn mansɛ la. Ni kiyo-rakarannɛnu kumara anu ye yarɔ-koenu fɔ-tinɛ, ni wo ma, ka yarɔ-koenu fɔ iko furinu denu ya a fɔ anu ye, ni wo ma, ka yarɔ-kumɛnu fɔ kofo-denyɛ rɔ, anu kana anu tole masɔ wo do-wo-do la.

Yɛrɛmaya 28:15

Wo kɔma, nde, Yɛrɛmaya ya a fɔ Hananaya ye ko, “I tole masɔ. Mari ma i sɔ de! I wara a ma, Yuda kɛnu bara la ila foninyɛnu na.

Yɛrɛmaya 29:8

Mari Sɛnbɛ-Bɛɛ-Tigi, Isirɛlata Alla ko wola foninya-nɛbinu anubɛ wola bolo-tafɛlɛnnɛnu kana wo bolo labira. Wo kana wo tole masɔ anuna kiyo-kannu na.

Yɛrɛmaya 37:19

Nɛbi minnu ya foninyɛ fɔ ko Babilɔn kɛnu ti na wo kɛlɛ, wonu bi mintɔ gbɛ?

Yɛrɛmaya 50:17

Mari ko Isirɛla mɔgɛnu mani de iko yarɛ wa sagɛnu tanyɛnsɛn. Asiriya mansɛ fɔlɔn ya anu dɔn dabira. Wo kɔma, Babilɔn Mansa Nɛbukanasa tora anu kolenu masusunna.

Yɛrɛmaya 6:14

Mari ko wo ye wola mɔgɛnuna tɛlɛ-wɛnu dandanna iko wo si purupurɛ dandan nya min. Wo ye tola a fɔla ko a ma yogo. Kɔnɔ tonyɛ, a yogo ha ka a dan-natenbi.

Yɛrɛmaya 8:11

Mari ko wonu bi wole, ala mɔgɛnuna tɛlɛ-wɛnu dandanna iko anu si purupurɛ dandan nya min. Anu bi tola a fɔla ko a ma yogo. Kɔnɔ tonyɛ, a yogo ha ka a dan-natenbi.

Nimisa Koe 2:14

Ila nɛbinu sa fenfen fɔla i ye fɔ foninyɛ gbansan! Anu ma sɔn ila mɔgɛnu hakɛ yirala anu na min si a ma nun, anu kana ta biralɛ rɔ. Ka wo sɔn wo hakɛ la, anu bi a mala wo bɔrɔbɔnɛ wo ye.

Isikiyɛli 21:21

Babilɔn mansɛ wa ke kila-tangbɛ wo ma, a si nya-nyini-kɛ kalabɛnnu na alako a ni a lɔn, ni a si ta kilɛ min fɛ. Wo kɔma, a si ala bɛsɛnu manyinika ka bolo-tafɛlɛn benya la alako ni a si kilɛ lɔn nya min.

Isikiyɛli 21:29

“Wole Amonnu, wo ya ko-rayirɛ minnu yen, tonya sa wonu tɔ. Wo ye sinan-kumɛ minnu fɔla, foninyɛ le wo bɛɛ la. Wo wunduyogo kosɛbɛ, ado wati ye nala, wo si wota tɔrɔya-laban sɔrɔn. Faan ye nala wo kunyɛnu tɔnbɔnna a daga rɔ.

Isikiyɛli 34:5

Saga-fɛ-birala sa sagɛnu kun na min kɛ, woletɔ anu mara sogenu harayɛgɛ la.

Isikiyɛli 34:8

Nde, Mari min bi n niyi la, n bara n keli n nyɛrɛ rɔ ko fɔ anu ni anu tole masɔ le serr! Sogo-feremɛnu bara nna sagɛnu dɔn bawo anu fɛ-birala sa. Nna saga-fɛ-biralɛnu ma anu nyɛrɛ tɔrɔ sagɛnu nyinina lefan! Anu bi anu nyɛrɛ le dɔrɔn fɛ-birala, sagɛnu ma de!

Hoseya 3:4

Alla ko Isirɛla mɔgɛnu bi mala le iko musi kɛ. Anu si mɛ sigini, kun-tigi ti taran anu kun na. Anu ti saraka-wo-saraka bɔ. Hali anuna Alla-sako-lɔn-fannu, wonu ti taran anu bolo.

Maika 2:12

“Mɔgɔ-toe minnu tora Isirɛla nyamanɛ rɔ, Mari ko a si wonu kundɛn iko sagɛ minnu bi donna kulɛ rɔ. Wola nyamanɛ kɛ si fa mɔgɛnu na tun iko sagɛnu si saga de-nyini-tinɛ lafa nya min.”

Habakuku 2:18

Tɔnɔ-nyamintan ye bɛsɛnu na? Mɔgɛnu denu ya bɛsɛ wonu nadan. Bɛsɛ wonu bi foninyɛ le dɔrɔn fɔla wo ye. Ni bɛsi-tigi ya a yigi sa ala bɛsi-kumabɛlɛ wo rɔ, wo si tɔnɔ-nyamintan di a ma?

Sakaraya 11:17

Mari ko saga-fɛ-birala-kuntan wo si halaki pɔ bawo a ara ala sagɛnu boloka. A ko alamɛ wo bole tɛgɛra a la kɛlɛ rɔ. A bolo-nyimama-yɛ ni tii fanani.

Yilan-Yilan Koe 27:17

Isirɛla mɔgɛ kɛnu kana ma iko sagɛ minnu kandanna sa.”

Matiyu 9:36

A ya nyama yen tumɛ min, a yisi lafara kinikinɛ la anuna ko la bawo anu kɔndɔfilinɛ. Anu ti ke anu nyɛrɛ fɛ-birala iko sagɛ minnu fɛ-birala sa.

Maraka 6:34

Yisa bɔra kulɔn rɔ tumɛ min, a ya nyama-belebele-wɛ wo yen. A yisi fara kinikinɛ la anuna ko la bawo anu manɛ iko saga-fɛ-birala sa sagɛ minnu fɛ. Wo le ya a ma, a wulita anu karanna ko siyaman na.

Tɔn-Fɔɛ-Fila-Nyɔgɛ 13:2

alako wo ni bɛsɛ donu kɔ, wo ma duru minnu kɔla nun, wo mɔgɔ-su ye wo kɔndɔfili-koe le tɔ. Hali a si ke le ka kabana-koenu nadan iko a ya a fɔ nya min,

Kɛlɛ-Kurugbɛnu 18:14

Ko-lakɔrɔsila mɔgɔ loli wo minnu tara Leyisa soe lakɔrɔsi-tinɛ, wonu ya a fɔ anu ta-nyɔgɛnu ye ko, “Wodi-gbɛ sanɛ anuna bɛsi-kɔlɔma do ma bɔn do la yan. Fɔlɔnfalan do ye nyɔ fanan mɔgɔ si Alla sako lɔn min fɛ. Bɛsi-dogbɛrɛnu bi nyɔ. Ma si nfen ma wona?”