Ruti 3:9 - ALLALA KUMƐ

⁹ Bowasi ya a manyinika ko, “Yon bi kɛ la?” Ruti ya a yabi ko, “N fa, ila wɔli-kɛlɛ Ruti le. Bawo nna kei na-kelen-nyɔgɛ le ile la, ile le ye n dunɛ bila gbɛ! I yandi, n furu.”

Ruti 3:9 Iomraidhean Croise

Isikiyɛli 16:8

“ ‘Nde, Mari tenbimatoe tun, n ya i taran nkɛkuna, n ya i yen ko i wara ke. Woletɔ n ya nna duruki-ba-tɔnkɔn lata ka a mamɔrɔ-mɔrɔ i gbu-makolɔn ma bawo i di n ye. N ya lanyiri kiri ka a tɛgɛ i furu-koe ma. Ile mara ntɛ la. Nde, i Tigi Mari kan le kɛ la.

Luka 14:11

ado min bɛɛ si a nyɛrɛ kɔrɔbi, wo ma si yigi. Min ba a nyɛrɛ famayigi, wo la si yɛlɛ.”

Ruti 2:20

Neyomi duwara Bowasi ye ko, “Alamɛ Marita duwɛ yigira Bowasi kuma. Ma ara a yen Mari ara ata lanyiri latɔnbagaya furi anubɛ kɛndɛwaganu ye nya min. Nba, min ya kɛ di i ma kɛ la, nna kei na-kelen-nyɔgɛ do le wo la min si ma dunɛ bi gbɛ!”

Ruti 3:10

Bowasi ya a fɔ a ye ko, “Alamɛ i ya Marita duwɛ sɔrɔn. I ya i mama fɛ-bira nya min wo, i ya min fɔ n ye kɛ la wo, wo ya a yira ma la ko mala kebilɛ di i ye. A mara bolo-kolɔn la, a mara fen-tigi la, i ya ma bɔ kemini-mɛsɛ-gbɛrɛkɛ la.

Ruti 3:12

I ya min fɔ, tonyɛ le wo la ko mabɛ ila kei gbɛrɛnnɛ ma nyɔgɛ ma kɔnɔ n na-kelen-nyɔgɛ do ye nyɔ anubɛ min gbɛrɛnta anu nyɔgɔn ma ka tenbi nde la.

Ruti 3:8

Su-talɛ gbɛrɛnnɛ, Bowasi kundenta, a ya a yɛlɛma, a tɛrɛnara musi la nyɔ.

Ruti 4:4

A fisa, ile fanan ni ko lɔn wo rɔ. Ni a san-sɔgɛ ye i la, ile ni a san mɔgɔ-ba kɛnu yala. Ni a san-sɔgɔ sa i la, nde si a san kɔnɔ nyɔ-san-sereya ye i bolo ka tenbi nde la.” Kei wo ya a fɔ ko, “Tumado n bi nyinina a ma.”

Ruti 4:6

Kei wo ya a fɔ ko, “Nba, ni wo le, n ma la a la ni n bi a sanna bawo kɛɛ-dugi wo ti to nna dannu ye. Nde ara n bolo bɔ a rɔ. Ile ni a san.”

1 Samuwɛli 25:41

Abigɛli ya a laburun a ma wɔli-kɛlɛ wonu kɔrɔ. A ya a fɔ anu ye ko, “Ala wɔli-kɛlɛ le nde la. N tabɛnnɛ de ka ala wɔli-kɛlɛnu kian maku.”