Ruti 2:4 - ALLALA KUMƐ

⁴ A ma mɛ wo kɔma, Bowasi fanan nara ala wɔli-kɛlɛnu gba ma sɛnɛ rɔ ka bɔ Bɛtalehɛm. A ya anu wɔlɛ bɔ, a ko, “Alamɛ Alla tora wo fɛ.” Anu fanan ya a labira, anu ko, “Alamɛ Alla tora ile fanan fɛ.”

Ruti 2:4 Iomraidhean Croise

Ko-Dabirɛnu 18:19

N bara Iburayima ma nta mɔgɔ-yabɔnɛ la woletɔ a si ala dannu anubɛ a bɔnsɔn-mɔgɛnu karan n bara-koe ma alako anu ni ko-latelennɛ kɛ ka nna kumɛnu bira. Ni anu ya wo ma, n bara nta lanyiri min kiri Iburayima ye, n si wo latɔnbagaya.”

Ko-Dabirɛnu 28:3

Alamɛ Alla Sɛnbɛ-Bɛɛ-Tigita duwɛ tora i kuma alako i ni yiri boi! Alamɛ i mara bɔnsɔn-kunyɛ la.

1 Ko-Kɔrɔta-Karan 2:51

Ala dan fila nyɔgɛ Salama ya Bɛtalehɛm soe datɛgɛ. Ala dan sawa nyɔgɛ Harɛfa ya Bɛti-Gedɛri soe datɛgɛ.

Yaburi 118:26

Min bi nala Marita sɛnbɛ rɔ, alamɛ wo ya Allata duwɛ sɔrɔn. Ma si baraka bira a ye Mari Bato-Bɔn la.

Yaburi 134:3

Mari min ya san-kole anubɛ dugu-kole dan, alamɛ wota duwɛ tora yigila wo kuma ka bɔ Yerusalɛm soe burɔ.

Yɛrɛmaya 31:23

Mari Sɛnbɛ-Bɛɛ-Tigi, Isirɛlata Alla ko a wa mɔgɛnu nasɛgi anuna nyamanɛ rɔ tumɛ min, anu si to a fɔla nyɔ ko, “Alamɛ Marita duwɛ yigira ata kɔnkɔ-sɛnimɛ kuma, a mayiginɛ kan min, kɔni.”

Yilan-Yilan Koe 6:24

‘Alamɛ Marita duwɛ yigira wo kuma ka wo kandan.

Luka 1:28

Melika nara a wara ka a fɔ a ye ko, “I yisi sa! Mari ye i fɛ. A ara ata duwɛ layigi i kuma!”

2 Tɛsalonaika 3:16

Mari nyɛrɛ min bi yisi-kimɛ dila ma ma, alamɛ wo ya yisi-kimɛ di wo ma tumɛ bɛɛ, nya bɛɛ ma. Mari ni to wo dama fɛ.

1 Timoti 6:2

Wole minnu bi dɛnkɛninya-mɔgɛnu kɔrɔ, wo kana wo tiginu nafɛya bawo wo na-kelen-nyɔgɛ le wonu na. Wo ni wɔli kɛ anu ye bɛrɛkɛ, bawo anu bi tɔnɛ sɔrɔnna wola wɔlɛ wonu fɛ, ado wo diyana-dɛnkɛninya-mɔgɛ le wonu na. I ni koe kɛnu karan ka mɔgɛnu makawandi.

2 Timoti 4:22

Mari ni i niyi kandan. Allala hinɛ ni to wo dama fɛ.

Yasowa 24:15

Kɔnɔ ni wo rabɛnni ma ka Mari bato, wo si min bato worɔ, wo ni wo latɛgɛ bi. Tumado wo benbanu ya bɛsɛ minnu kɔ Yufereti bɛ kɔgɔma nun, ni wo ma, wo siginɛ Amora minnu tɛma, wo ye a fɛ ka wonuna bɛsɛnu kɔ kɔnɔ mabɛ nta denbayɛ si Mari kelen pe le bato.”

Kɛlɛ-Kurugbɛnu 6:12

Melika wo ya a nyɛrɛ yira ale Kidiyɔn la. A ko, “Sɛnbɛ-tigi anubɛ kerinte le ile la. Nde, Mari ye i fɛ.”

Kɛlɛ-Kurugbɛnu 6:16

Mari ya a fɔ Kidiyɔn ye ko, “I si a nɔ le bawo nde, Mari le ye i dɛnbɛna. I si Midiyan kɛnu tatɛn iko mɔgɔ kelan tenbi i kɔrɔ.”

Ruti 2:3

Woletɔ Ruti fanan tara wɔli-kɛlɛnu fɛ sɛnɛ rɔ. A donta sangban-matɔnbɔn rɔ mɔgɛnu gba ma. Yaga, a tara Bowasila sɛnɛ le tɔ wo la.

Ruti 2:5

Bowasi ya wɔli-kunyɛ manyinika ko, “Yonna mɔgɛ le musi wo la?”

Ruti 4:11

Mɔgɔ-ba wonu ya a fɔ ko, “Male ara ma i sereyɛ la.” Mɔgɔ-ba wonu ya duwɛ dabira Bowasi ye, anu ko, “Alamɛ ila musi Ruti yirita iko ma benba Yakobata musinu Resɛli anubɛ Liya yirita nya min. Alamɛ ile mara bana la Ɛfarati kebilɛ la ka ma tɔgɔ-tigi la Bɛtalehɛm soe kɛ rɔ.

1 Samuwɛli 17:37

Mari ara n matanka yarɛ anubɛ sogo-ferema-masibɛ ma, ado fɔ a wa n tanka Filisiti-kei kɛ masibɛ ma fanan.” Mansa Sɔli ko, “Tana ma wo la. Ta. Alamɛ Mari tora i fɛ.”