Ruti 1:2 - ALLALA KUMƐ

² a tɔgɛ Ilimilɛki. Ɛfarati kebila-mɔgɛ do le. Kei wonubɛ ala musi anubɛ ala den-kemini filɛ tara anu sigi Mohabu nyamanɛ rɔ kɔnkɔ sa kan min. Ala musi wo tɔgɛ le Neyomi. Anuna den-kemini filɛ wonu tɔgɛ le Malɔn anubɛ Kaliyɔn.

Ruti 1:2 Iomraidhean Croise

Maika 5:2

Mari ko Bɛtalehɛm soe min bi Ɛfarati sigisɔn rɔ, wo dɔgɔ ka tenbi Yuda nyamanɛ soe bɛɛ la. Hali wo, Mari si kun-tigi-belebele do labɔ Bɛtalehɛm so-dɔgɔmanɛ wo rɔ min si kun-tigiyɛ kɛ Isirɛla mɔgɛnu kuma Mari ye. Kun-tigi kɛ kebila-mɔgɛnu, mɔgɔ-malɔnnɛ le anu na kebi fɔlɔfɔlɔ.

Kɛlɛ-Kurugbɛnu 17:7

Wo wati rɔ, Lifayi bɔnsɔn keminɛ-mɛsɛ do siginɛ Bɛtalehɛm soe burɔ Yuda nyamanɛ rɔ.

Kɛlɛ-Kurugbɛnu 3:30

Isirɛla mɔgɛnu ya Mohabunu nɔ. Wo kɔma, san bi-segin, Isirɛla mɔgɛnu yisi kimanɛ tora.

Ruti 1:3

Anu tora nyɔ, anu fa kɛmɔgɛ fagara. A ya musi wonubɛ ala dannu to kelengboyɛ rɔ.

Ruti 1:5

Anu san tan nyɔgɛ ma nyamanɛ wo rɔ, den-kemini filɛ wonu fanan fagara. Neyomi kelen pe tora nyɔ gbɛ!

Ruti 2:1

Neyomila kei kebila-mɔgɛ do ye nyɔ, nɔnfuli ye a bolo anubɛ fanka. Kei wo tɔgɛ le Bowasi.

Ruti 4:9

Bowasi ya a fɔ mɔgɔ-ba wonu ye ko, “Wole ara ma sereyɛ la bi. Fan minnu bi Ilimilɛki bolo anubɛ ala den-kemini filɛ, Kaliyɔn anubɛ Malɔn bolo, n bara wo damasi san Neyomi ma bi.

1 Samuwɛli 1:1

Ifɛrɛm bɔnsɔn-mɔgɛ do ye nyɔ min tɔgɛ Ɛlakena. A siginɛ Rema soe burɔ Ifɛrɛmta kɔnkɔ-nyamanɛ rɔ. A fa tɔgɛ le Yɛroham. Yɛroham wo fanan fa tɔgɛ le Ɛlihu. Ɛlihu wo fanan fa tɔgɛ Tohu. Tohu wo fanan fa tɔgɛ le Sufu.

1 Samuwɛli 17:12

Dawuda fa Yɛsi, Ifɛrɛm bɔnsɔn-mɔgɛ do le ale la. A siginɛ Bɛtalehɛm soe burɔ Yuda nyamanɛ rɔ. Den-kei mɔgɔ segin de Yɛsi bolo. Sɔlita mansayɛ ya a taran, Yɛsi ara kɔrɔya.

1 Samuwɛli 17:21

Filisiti kɛlɛ-dannu sɔnɛ kan-tina-kelen. Isirɛla kɛlɛ-dannu fanan sɔnɛ kan-tina-kelen. Anu yɛ lamununnɛ anu nyɔgɔn na.