Romu 9:4 - ALLALA KUMƐ

⁴ Allala mɔgɔ-yabɔnɛ le anu denu na. A ya anu ma ala dannu na ka ata gbiliyɛ yira anu na. Anubɛ Alla ya sarama-kannu kiri. A ya ala tɔn-kitabu di anu denu ma fanan. A sɔnta ko anu denu ni a bato a kilɛ fɛ, ado anu bara Allala lanyirinu sɔrɔn.

Romu 9:4 Iomraidhean Croise

Ko-Dabirɛnu 15:18

Tamasere le wo la Mari ya lanyiri min kiri anubɛ Burama tɛma tele wo nyɛrɛ rɔ ko, “N bara nyamanɛ kɛ di i bɔnsɔn ma. Kenanuna nyamanɛ anubɛ Kɛnasinuna nyamanɛ anubɛ Kadimɔnanuna nyamanɛ anubɛ Hɛtinuna nyamanɛ, anubɛ Perasanuna nyamanɛ anubɛ mɔgɔ-layan-bɛnuta nyamanɛ anubɛ Amoranuna nyamanɛ anubɛ Kenannuna nyamanɛ anubɛ Kagasanuna nyamanɛ anubɛ Yebusinuna nyamanɛ, ka a dabira Iyipiti bɛ ma ha ka ta ke Yufereti bɛ ma, n si wo bɛɛsi latenbi ile bɔnsɔnnu ma.”

Ko-Dabirɛnu 17:10

Wobɛ i bɔnsɔnnu bi minnu birala mabɛ tɛma wona, lanyiri wo tamasere le kɛ la, kei bɛɛ ni kemininya.

Ko-Dabirɛnu 17:2

N si nta lanyiri kiri mabɛ ile tɛma ka i bɔnsɔn siyaya bɛrɛkɛ!”

Ko-Dabirɛnu 17:7

N si nta lanyiri latɔnbagaya mabɛ ile anubɛ i bɔnsɔn anubɛ wonu fanan bɔnsɔnnu tɛma. A si ma habadan-lanyiri la alako n ni ma woleta Alla la.

Ko-Dabirɛnu 32:28

Kei wo ya a fɔ a ye ko, “I tɔgɔ ma tun Yakoba. I tɔgɛ le gbɛ Isirɛla bawo wo kɔrɛ le iko mɔgɔ wa a fɔ ko ‘Minnubɛ Alla ya turunɛ kɛ.’ Wobɛ Alla ya turunɛ kɛ anubɛ mɔgɛnu, ado i wara anu nɔ.”

Nihɛmaya 13:29

E, nta Alla, i fonde lamiri saraka-masɔlɛ kɛnu ma bawo anu bara saraka-masɔ-wɔlɛ lafɛya ka anuta lanyiri tinya Alla ya min kiri anubɛ Lifayinu tɛma ka a tɛgɛ sibolo-gbɛrɛkɛ-musu-furu-koe ma.

Yaburi 147:19

A ye ala sarakanɛnu natala ala mɔgɛnu ma. A ye ala tɔnnu anubɛ ala sereyanu dila Isirɛla mɔgɛnu ma.

Yaburi 63:2

I yen-sɔgɛ ye n na ila Bato-Bɔn la. Ila sɛnbɛ anubɛ ila gbiliyɛ yen-sɔgɛ ye n na.

Yaburi 73:1

Alla nyimayanɛ Isirɛla mɔgɛnu ye, katarala yisi-sɛninyani-tiginu ma.

Yaburi 78:61

A ya a ma, anu yogenu ya tɔn-kenkirɛ bi ala mɔgɛnu bolo, ata sɛnbɛ anubɛ ata gbiliya tamasere, kɔni.

Yaburi 89:3

I wara sarama-kan kiri ita mɔgɔ-yabɔnɛ Dawuda ye. I wara ale, ita wɔli-kɛla yili-madiya ko

Yaburi 89:34

I ti ila sarama-kan tinya a wara la mumɛ! Hali i kuman-kan kelan, i ti a bɔ a gbɛ rɔ.

Yaburi 90:16

I ni a ma, ma ni ita kabana-koenu yen ma yɛ la. Ma kegeyɛnu ni ita gbiliya-makawanɛnu yen.

Bɔ-Koe-Iyipiti 12:25

Mari ya lanyiri kiri wo ye nyamanɛ minna ko la, wo wa ke nyɔ tumɛ min, wo ni ladɛn kɛ dabira ka a ma tɔn la wo bolo nyɔ.

Bɔ-Koe-Iyipiti 34:27

Mari ya a fɔ Musa ye ko, “I ni nta kumɛ kɛnu sɛbɛ kamasɔrɔn n bara lanyiri min bɛɛsi kiri mabɛ Isirɛla mɔgɛnu tɛma bi, wo bɛɛ ye tɔn kɛnu tɔ.”

Bɔ-Koe-Iyipiti 4:22

I ni a fɔ mansɛ ye ko ale Mari ko, ‘Ata den-kei fɔlɔtɛ le Isirɛla mɔgɛnu na.’

Bɔ-Koe-Iyipiti 40:34

Marita banda-fin-gbɛ wo ya Fani-Bɔn wo yamatogon. Marita wan-takanɛ donta Fani-Bɔn wo la.

Aiseya 41:8

Kɔnɔ Marita wɔli-kɛlɛ ye Isirɛla mɔgɛ minnu na, a ara wonu denu yabɔ. A diyana-mɔgɛ Iburayima kebilɛ le wole la.

Aiseya 46:3

Wole Yakoba kebila-toe min tonɛ, wo ni wo tole masɔ. Mari ko ka a bi wola denninya-wati ma, a ye wo fɛ-birala,

Aiseya 5:2

A ya kan tinɛ wo rasin ka kurinu tɔnbɔn a rɔ. A ya ki-fen-hakikɛnu ki nyɔ. A ya bɛndɛ-layan-bɛ sɔ nyɔ tɛma a makandan-koe la. A ya bondɔn sɔ ki-fan wonu gbɔɛla ko la. A ya a to ha kɔn-gbɔɛ wonu mɔra a kin na kɔnɔ kɔn-gbɔɛ wonu kuna iko kotuli.

Aiseya 60:19

Wo mako ti taran teleta wan-takɛ la. Wo mako ti taran karɛta wan-takɛ la. Ni i ya a yen wo ye mala bawo Mari le ye ita waan la burubukai! Ale ita Allata gbiliyɛ si waan raka i ma.

Yɛrɛmaya 31:20

Mari ko a diyana-den-bɛrɛbɛrɛ le Isirɛla mɔgɛnu na. A ko anu di a ye kosɛbɛ! A ko a nɛn-naban anu tɔgɔ ratɛgɛla, anuna keninteya ara don a rɔ. A ko a hɛnkili ti bɔ anu ko, ado anuna hinɛ si to a burɔ.

Yɛrɛmaya 31:33

A ko sarama-kan-kurɛ min bi taranna anubɛ wole, Isirɛla mɔgɛnu tɛma, wo le kɛ la. A ko a si ata tɔnnu sɛbɛ wo yisi rɔ. Ale si ma wota Alla la. Wole si ma ata mɔgɛnu na.

Yɛrɛmaya 31:9

A ko wole, ala mɔgɛnu si sɛgi dila nyagalen bolo. Wo namato, a si wo niyi radiya. Wo ye bɔla kilɛ min fɛ, wo kan na ti gbala nyɔ. Wo ye bɔla kilɛ min fɛ, wo ti wo kian natugu nyɔ. Mari mani de wole, Isirɛla mɔgɛnu ye iko wo fa. Ala sarɛ le wole, Ifɛrɛm mɔgɛnu na.

Isikiyɛli 1:28

ado a yabasannɛ iko san-yili, bandɛ wa ka tumɛ min. Wan-belebele kɛ su ti taran kan-bo-kan fɔ Alla ye kan min ka a tɛgɛ Marita gbiliyɛ ma. Kɛ yen n bolo, n ya n naburun a ma dugu ma. Wo kɔma, n ya kuman-kan lamɔɛn.

Hoseya 11:1

Mari ko, “Fɔlɔ nun, wole Isirɛla bɔnsɔn dɔgɔ tumɛ min, wo diyara n ye iko n halala-dan! N ya wo kele ka bɔ Iyipiti.

Yilan-Yilan Koe 7:89

Musa tara Marita Fani-Bɔn la tumɛ min ka kuma Mari ye, a ya Mari kuman-kan lamɔɛn bɔla tɔn-kenkirɛ kuma melikanuna muninya filɛ tɛma.

Matiyu 21:33

Yisa ko, “Wo ni wo tole masɔ tili-gbɛrɛ la. Dugu-tigi do ye nyɔ nun min ya ki-fannu ki ka a masansan. A ya gbere-kole ladan ka bɛndɛnu sɔ. Wo kɔma, a ya mɔgɛ donu sinka nyɔ la. A bɔra a warɛ ka ta tagama rɔ.

Yɔni 1:17

Alla ya tɔn don Nɛbi Musa bolo kɔnɔ hinɛ anubɛ tonyɛ, ale Yisa Kirasiti le nara wonu na.

Yɔni 1:47

Yisa ya Nataniyɛli yen nala a wara tumɛ min, a ya kɛ fɔ ala ko la. A ko, “Ma benba Isirɛla bɔnsɔn mɔgɔ-bɛrɛ le ye nala kɛ la. A raduni ma hali doni!”

Kɛwɔlɛnu 2:39

Alla ya lanyiri wo kiri wobɛ wola dannu ye hali minnu bi wula-yan la, ma Mari Alla ye min bɛɛ kelela a wara, kɔni.”

Romu 3:2

A tɔnɛ kolo a nya ma! A fɔlɔtɛ, Alla ya ala sarakanɛ don Yahudiyanu denu bolo.

Romu 8:15

Wo ti wo ma yɔɔn la min si a ma, wo kuma ni kɔ kɔnɔ a ara wo ma a diyana-dannu na. Nba, Allata Ni-Sɛnimɛ baraka rɔ, ma ye dila Alla tole tɔ ko, “N Fa! N Fa!”

Romu 9:6

N sa a fɔla ko Allala lanyiri ma ko-nyinya n ma bawo Isirɛla kɛnu damasi ma ma Allala mɔgɔ-bɛrɛ la,

2 Kɔrɛnti 11:22

Hiburunu le anu na, wa? Wo le nde fanan na. Anu bi Yahudiyanuna dina rɔ, wa? Nde fanan bi a rɔ. Iburayima bɔnsɔn le anu na, wa? Wo le nde bɛrɛni na.

Kalesiya 3:16

Nba, Alla ara lanyiri kiri Iburayima anubɛ a bɔnsɔn do ye, ado a ma sɛbɛ ko lanyiri wo kirinɛ a bɔnsɔn bɛɛ le ye fɔ mɔgɔ kelen pe, Kirasiti, kɔni.

Ɛfɛsa 2:12

Wo ye nya min nun fɔlɔ, wo ni wo hɛnkili to wo ko. Wo wati ya a taran, wo ma ma wɛ Kirasititɛ la. Wo ye sibolo-gbɛrɛyɛ la nun. Wo sa Allata mɔgɔ-yabɔnɛnu tɛma nun. Wo kɔma, Alla ya sarama-kan min kiri anubɛ ala mɔgɛnu tɛma, wota fenfen sa wo rɔ nun. Wo tumɛ ya a taran, Alla sa wo bolo nun, ado yigi sa wo ma mumɛ!

Tɔn-Fɔɛ-Fila-Nyɔgɛ 14:1

“Bawo Mari Allata mɔgɛ le wole la, wo kana wo kunyɛnu sii ka wo fɛrɛnu mafarafara saya-koe kuma iko sibole doinu bi a mala nya min saya-di-kɛ tinɛ.

Tɔn-Fɔɛ-Fila-Nyɔgɛ 29:1

Kuma-kolomɛ le kɛnu na Mari ya minnu lanyiri kiri Musa ye wo tumɛ Isirɛla mɔgɛnu bi Sinayi kɔnkɛ dafɛ. Kaka, a ye nala kumɛ wo le makofuli-kɛla Mohabu nyamanɛ rɔ.

Tɔn-Fɔɛ-Fila-Nyɔgɛ 29:14

A sa lanyiri kɛ kirila wole dɔrɔn ye bi. Wole minnu sɔnɛ yan anubɛ wo kegeyɛnu ye minnu ma sɔrɔn bɛ, a ye lanyiri kɛ kirila wole ye.

Tɔn-Fɔɛ-Fila-Nyɔgɛ 31:16

Mari ya a fɔ Musa ye nyɔ ko, “Musa, i sa mɛla so-sɛgi-kɛla tun. I wa so-sɛgi-kɛ tumɛ min, mɔgɛ kɛnu si n boloka ka sarama-kan tinya ka don lanyiri-nyamanɛ bɛsi-kɔ-koenu tɔ anu bi tala kan min.

Tɔn-Fɔɛ-Fila-Nyɔgɛ 4:13

A ya a fɔ wo ye wo si ata sarama-kan bira nya min. A ya ata tɔn tan minnu sɛbɛ kuru-walan fila ma, wo ni wonu natɔnbagaya.

Tɔn-Fɔɛ-Fila-Nyɔgɛ 7:6

Wo ye wo damasi mala bawo Mari Allatɛ le wole la. A ya wole ma mɔgɔ-yabɔnɛnu na duninya-mɔgɛnu tɛma ka wole ma a halala-mɔgɛnu na.

Hiburunu 9:1

Alla ya sarama-kan-fɔlɔtɛ min kiri anubɛ ata mɔgɛnu tɛma, tɔn siyaman bi a rɔ mɔgɛ si a bato nya min. Hadama-dannu si Allata fani-bɔn sɔ nya min, anu si a lawɔli nya min, wo bɛɛ sɛbɛnɛ tɔn wonu tɔ.

Hiburunu 9:10

bawo wonu bi dɔn-fen-koe anubɛ minni-fen-koe anubɛ fɛrɛ-sɛninya-koe denuna ko la dɔrɔn. Tɔn le wonu na dɔrɔn minnu siginɛ ha Alla ni koe bɛɛ yɛlɛma tumɛ min.

Hiburunu 9:3

Yorolan kɔma, nyɔ tɔgɔ le, “Sɛnima-Sɛnima-Tinɛ.”

Hiburunu 9:5

Melikala muninyɛnu sɔnɛ kenkirɛ wo da-latogɔn kuma. Wonu bi Allata gbiliyɛ yirala. Anu kanbannu tafulennɛ kenkirɛ da-latogɔn kuma mɔgɛnu hakɛ yama si togon kan min. Hali n ma koe wo bɛɛ faranfasi kelen-kelenyɛ ma kaka.

Hiburunu 9:6

Wonu bɛɛ siginɛ fani-bɔn burɔ a kilɛ fɛ tumɛ min, saraka-masɔlɛnu si don fani-bɔn dinkira-fɔlɔtɛ wo burɔ tele-wo-tele ka anuta wɔlɛ kɛ nyɔ.