Romu 8:3 - ALLALA KUMƐ

³ Ka a tɛgɛ hadama-danta sɛnbɛbɔninyɛ ma, Nɛbi Musata tɔn-kitabu ma ke min mala, Alla nyɛrɛ le ya wo ma. A ya a nyɛrɛta dan, Yisa lana ka hakɛ yiliki, ado ala dan wo nara hadama-danla muninyɛ rɔ alako a ni tɔn sigi hakɛ ma.

Romu 8:3 Iomraidhean Croise

Yilan-Yilan Koe 21:9

Musa fanan ya silɛɛ ladan iko duguma-fan. A ya a layɛlɛ san ma kɔlɔma la. Ni sagan-fan ya mɔgɛ min kin, wo tigi wa a yɛ layɛlɛ san ma ka duguma-fanla muninyɛ wo mafɛlɛn, wo tigi si beli.

Yilan-Yilan Koe 28:22

Wo wa ban kɛnu bɔla tumɛ min, wo si baa-kɔrɔn kelen bɔ hakɛ-sarakayɛ la min si ma wo hakɛ-yamatogon-fan la. Wo si wo sɛninya Mari yala iko tɔn ya a fɔ nya min.

Maraka 15:27

Minnu bi buila mɔgɛnu ma ka anuna bolo-fannu bi, anu ya wo filɛ gbangban kɔlɔmanu ma Yisa tɔnkɔnnu tɔ, kelen a bolo-nyimɛ rɔ, kelen a maran rɔ. [

Yɔni 1:14

Ale min keleta Kumɛ, wo mara mɔgɔni-fin la. A sigira ma tɛma. Ma ya ala gbiliyɛ yen. A fanɛ hinɛ anubɛ tonyɛ la. Gbiliyɛ wo, Allatalata Den kelen pe le ale la min kɛ, a ya wo sɔrɔn a Fa bolo.

Yɔni 9:24

Kei min sɔrɔnta fiyonyɛ rɔ, anu ya wo kele tun ka a fɔ a ye ko, “Tonyɛ fɔ ma ye wobɛ Alla tɛma! Hakɛ-tigi le kei wo la. Ma ya wo lɔn feu!”

Romu 3:20

ado hali mɔgɔ ya a raya tɔn-bira-koe ma, wo tigi ti ma mɔgɔ-telennɛ la Alla yala mumɛ! Tɔn-kitabu wo sɛbɛra le alako bɛɛ ni hakɛ-kɔrɛ lɔn.

Romu 6:6

ado ma ya a lɔn ko ma sɔn-kɔrɛ wo, wo ara faga Kirasiti fɛ ata kɔlɔma ma. Wo mara le alako hakɛ kana sɛnbɛ sɔrɔn ma kuma tun ka ma to hakɛ-yɔɔnyɛ kɔrɔ.

Romu 7:18

N ya a lɔn ko ko-nyima wo ko-nyima sa nta hadama-denyɛ rɔ, ado hali ko-nyimɛ kɛ-sɔgɛ ye n na, n ti ke a mala.

Romu 8:32

A ma a nyɛrɛta dan, Yisa yamasansan fɔ ka a bɔ sarakɛ la ma damala ko la. Ni a ara ala dan di ma ma, a ti fan bɛɛsi di ma ma fanan, wa?

2 Kɔrɛnti 5:21

Kirasiti ma hakɛ-wo-hakɛ kɛ kɔnɔ Alla ya a bira iko hakɛ-tigi ma hakɛnuna ko la alako ma ni ma mɔgɔ-latelennɛ la Alla yala.

Kalesiya 3:13

Nba, Kirasiti sɔnta mala dankɛ bila min kɛ, a ya ma hɔrɔya mala dankɛ wo ma min sɛbɛnɛ tɔn-kitabu rɔ. A sɛbɛnɛ Allala kitabu rɔ ko, “Mɔgɔ-wo-mɔgɔ furi dunnɛ kɔlɔma la, wo tigi ye Marita dankɛ kɔrɔ”

Kalesiya 3:21

Nba, Nɛbi Musata tɔn-kitabu ye Allata lanyiri kan ma, wa? Ade, a sa wo nya na de! Ni tɔn do ya niyi di mɔgɛnu ma nun, mɔgɔ si telen Alla ye tɔn-birɛ fɛ nun.

Filipai 2:7

A ya wo bɛɛ boloka a nyɛrɛ sako la ka kɔrɔ-wɔli-kɛlɛ sɔn bi. A sɔrɔnta iko mɔgɛ ka bɔ gbɛ rɔ mɔgɔyɛ muninyɛ rɔ.

Hiburunu 10:12

Kɔnɔ Kirasiti ara saraka kelen pe bɔ hakɛla ko la ka dan wo ma! Wo ban, a ya a mayigi Alla kɔɛn-nyimɛ rɔ.

Hiburunu 10:14

A ara mɔgɛnu sɛninya anu hakɛ ma ka anu natelen Alla yala ata saraka kelen pe le fɛ habadan!

Hiburunu 2:14

Nba, dan wonu, fɛrɛ-bɔnkɛ anubɛ yele le anu na. Yisa nyɛrɛ mara iko anu denu ka anuna mɔgɔyɛ-nyɔgɔn bi. A ya wo ma alako a si Setanɛta sɛnbɛ kasara nya min ata sayɛ fɛ, ado sɛnbɛ ye Setanɛ bolo nun ka mɔgɛnu faga.

Hiburunu 2:17

Woletɔ fɔ a ni ma iko male, a na-kelen-nyɔgɛnu, koe bɛɛ rɔ. A ni wo ma alako a si kinikini ma ma nya min ka wɔli Alla ye a yisi bɛɛ la. A mara mala Saraka-Masɔla-Kun-Tigi-Wɛ la min kɛ, a ya sarakɛ bɔ ma ye ma hakɛnuna ko la.

Hiburunu 4:15

ado mata saraka-masɔla-kun-tigi-wɛ kɛ, a si ke kinikinina mala sɛnbɛbɔninyɛ ma. Mala saraka-masɔla-kun-tigi-wɛ kɛ magbɛrɛnkɛnta nya bɛɛ ma iko male kɔnɔ ale ma hakɛ si kɛ.

1 Pita 2:24

Male ya hakɛ min bɛɛ kɛ, Kirasiti nyɛrɛ ya wo dunɛ bi a nyɛrɛ-fɛrɛ-bɔnkɛ rɔ kɔlɔma ma alako ma ni hakɛ boloka ka ko-telennɛ kɛ. Ala bosa-gbɛ le ya a ma, ma ara kɛndɛyɛ sɔrɔn.