Romu 8:1 - ALLALA KUMƐ

¹ Wole minnu bi Kirasiti Yisa rɔ kaka, yiliki-wo-yiliki sa wo ma

Romu 8:1 Iomraidhean Croise

Aiseya 54:17

Kɔnɔ a ko kɛlɛ-kɛ-fan wonu ti ko-wo-ko tinya ile Yerusalɛm ma. I si i maburilɛnu yabi-bole lɔn. A ko a si ala wɔli-kɛlɛnu kumafunfan ka nɔlɛ di anu ma.

Isikiyɛli 18:9

Mɔgɔ-su wo si nna tɔnnu bira a kilɛ fɛ le. Mɔgɔ-telennɛ le a la, ado a si to a niyi la. Nde, wo Tigi Mari kan le kɛ la.

Yɔni 14:20

Wo tele wa ke tumɛ min, wo si a lɔn ko n bi n Fa Alla rɔ, wole fanan bi nde rɔ iko n bi wole rɔ nya min.

Yɔni 15:4

Wo ni to nde rɔ, nde fanan si to wole rɔ. Ni wo ma to nde rɔ, wo ti ke gbɔla. Wo si ma iko bolɔn min tugunni ma kɔlɔma-kuri la, wo sa gbɔla nya min.

Yɔni 5:24

“N bi tonyɛ fɔla wo ye, min ba nna kumɛ lamɔɛn ka dɛnkɛninya n Fa Alla ma min ya n sɔ, habadan-nimayɛ ye wo bolo. Kiti sa wo tigi ma. A manɛ iko mɔgɛ min bara faga nun kɔnɔ kaka, a ara niyi-kurɛ sɔrɔn tun.

Romu 16:3

N bi Pusila anubɛ Akuwila kɔndɔnna, mabɛ minnu bi wɔlila Kirasiti Yisa ye.

Romu 16:7

Andonaika anubɛ Yuniya kɔndɔn n ye. N Yahudiya-nyɔgɛ le wonu na minnu bi yele la n fɛ nun. Anu malɔnnɛ bɛrɛkɛ kilayɛnu tɛma, ado anu fɔlɔn dɛnkɛninyara nde ko.

Romu 5:1

Ma ara telen Alla ye dɛnkɛninyɛ fɛ min kɛ, yisi-kimɛ ye mabɛ Alla tɛma ma Mari Yisa, Allata-Mɔgɔ-Yabɔnɛ baraka rɔ.

Romu 5:16

Nba, dan-nafarɛ ye Allata sanbɛ anubɛ ma benba Hadama wola hakɛ tɛma. Aleta hakɛ nara yiliki-koe la. Kɔnɔ Allata sanbɛ sa wo nya. Mɔgɛnu yulumu warata tumɛ min, Alla ya ata sanbɛ lana alako mɔgɛnu na ni telen a ye.

Romu 7:17

Nde sa ko kɛnu mala n nyɛrɛ ma fɔ hakɛ min bi n tɔ.

Romu 7:20

N sa a fɛ ka minnu ma, ni n ya wonu ma, wo kɔrɛ le ko nde sa wonu mala n nyɛrɛ ma fɔ hakɛ min bi n tɔ.

Romu 8:11

Allata Ni-Sɛnimɛ ya ale Yisa lawuli ka bɔ furinu tɛma. Ni ata Niyi siginɛ wo rɔ, ale le si niyi di wo bagbu-faganɛ fanan ma Allala Ni-Sɛnima wo baraka rɔ.

Romu 8:14

Allata Niyi ye kilɛ yirala minnu na, Allata dan le wonu na.

Romu 8:2

bawo Allata Ni-Sɛnimɛ min bi niyi dila ma ma, wo ara ma hɔrɔya Yisa Kirasiti baraka rɔ. A ya ma hɔrɔya ka ma bɔ hakɛta sɛnbɛ kɔrɔ min si na sayɛ la ma kuma.

Romu 8:34

Yon si ke wonu yilikila worɔ? Kirasiti Yisa ti ma yiliki bawo wo le fagara ma ye. A wulita tun ka niyi sɔrɔn ka ta a sigi Alla kɔɛn-nyimɛ rɔ, ado ale le ye Alla madiyala ma ye.

Romu 8:39

koe minnu bi san ma wo, koe minnu bi yi kɔrɔ wo, wonu fenfen sa dali-fannu tɛma min si ke mabɛ Allata keninteyɛ farala, ado matɛ le keninteyɛ wo la ma Mari Yisa, Allata-Mɔgɔ-Yabɔnɛ baraka rɔ.

Romu 8:4

Alla ya kɛ ma le alako male ni tagama iko Allata tɔn-kitabu ya min fɔ yati! Ma sa ko ladanna tun iko ma sɔndɔmɛ ye nyinina a ma nya min kɔnɔ ma ye ko ladanna iko Allata Ni-Sɛnimɛ ye nyinina a ma nya min.

Romu 8:9

Kɔnɔ wo sa ko ladanna tun iko wo kɛ-nya-kɔrɛ ye a fɔla wo ye nya min. Ni Allata Ni-Sɛnimɛ ye wo yisi rɔ, wo si ko ladan iko ale Ni-Sɛnimɛ ye min fɔla wo ye. Kɔnɔ Kirasitita Niyi sa mɔgɛ min tɔ, Kirasitita ma wo la.

1 Kɔrɛnti 1:30

Alla ara mabɛ Yisa Kirasiti ma kelen na. Kirasiti baraka rɔ, Alla ara ata hɛnkilimaya-bɛrɛ yira ma la. Ma ara telen Alla ye wo le fɛ, ado ma ara ma Allata mɔgɛnu na wo le fɛ. Ma ara sɛninya wo le fɛ. Ma ara hɔrɔya wo le fanan fɛ.

1 Kɔrɛnti 15:22

Ado nfan, mɔgɛ bɛɛ bɔra ma benba Hadama le tɔ ka faga. Iko wonu bi fagala nya min, minnu bɛɛ ara dɛnkɛninya Kirasiti ma, wo bɛɛ la si wuli wo nya na le ka habadan-nimayɛ sɔrɔn.

2 Kɔrɛnti 12:2

A ara san tan-ni-nani bɔ gbɛ, dɛnkɛninya-mɔgɛ do layɛlɛta san-kole bɛɛ kuma pon! (Ni a nyɛrɛ le yɛlɛta, ka, ni a ya ko-rayirɛ le yen dɔrɔn, n ma wo lɔn. Alla kelen pe le ya wo lɔn.

2 Kɔrɛnti 5:17

Mɔgɔ-wo-mɔgɔ wa ma Kirasiti halalɛ la, mɔgɔ-kurɛ le wo tigi la. Ko-kɔrɔmɛnu bara tenbi, nba, koe bɛɛ ara ma a kurɛ la gbɛ!

Kalesiya 3:13

Nba, Kirasiti sɔnta mala dankɛ bila min kɛ, a ya ma hɔrɔya mala dankɛ wo ma min sɛbɛnɛ tɔn-kitabu rɔ. A sɛbɛnɛ Allala kitabu rɔ ko, “Mɔgɔ-wo-mɔgɔ furi dunnɛ kɔlɔma la, wo tigi ye Marita dankɛ kɔrɔ”

Kalesiya 3:26

Wo dama ara ma Allala dan la ka a tɛgɛ wola dɛnkɛninyɛ Yisa Kirasiti ma.

Kalesiya 3:28

Woletɔ dan-nafara mumɛ sa Yahudiyanu anubɛ sibolo-gbɛrɛnu tɛma worɔ. Hɔrɛ anubɛ yɔɔn wo, keinubɛ musinu wo, wo dama ara ma fen kelen na Yisa Kirasiti rɔ.

Kalesiya 5:16

N bi min ma, wo le kɛ la. Ni wo bilara Allata Ni-Sɛnimɛ fɛ, wo ti wo fɛrɛ-bɔnkɛ diyana-koenu kɛ worɔ.

Kalesiya 5:25

Allata Ni-Sɛnimɛ ara ni-kurɛ di ma ma min kɛ, a fɛrɛ sa fɔ ma ni to ala sɛnbɛ kɔrɔ.

Ɛfɛsa 1:1

Nde, Pɔli le ye kɛdi kɛ sɛbɛla. Nde mara Yisa Kirasitita kilayɛ la iko Alla ya a latɛgɛ nya min. Kɛ sɛbɛnɛ Alla batolɛnu ma Ɛfɛsa soe burɔ minnu sɔnɛ Kirasiti Yisa ye yiri!

Filipai 3:9

N bi a fɛ, n ni tugun ale la feu! N nyɛrɛta telenbagayɛ wo fenfen sa n bolo tun. Mɔgɛ si tɔnɛ sɔrɔn koe minnu fɛ iko tɔn-birɛ, n bara n kan-kɔ sɔ wonu na. N bara telenbagayɛ min sɔrɔn Kirasiti rɔ, wo le ye n bolo kaka. Telenbagayɛ wo bɔnɛ Alla le bolo. A suli ye dɛnkɛninyɛ le tɔ.