Romu 7:6 - ALLALA KUMƐ

⁶ Hali wo kaka, ma ara hɔrɔya ka bɔ tɔn-kitabu wo kɔrɔ bawo min ya ma bira fɔlɔ-nun ka ma ladon yɔɔnyɛ rɔ, ma ara faga ka bɔ wo kɔrɔ. Ma ma to ma sɔn-kɔrɛnu da kun tɔ fɔ Allata Ni-Sɛnimɛ ye sɔn-kurɛ minnu dila ma ma.

Romu 7:6 Iomraidhean Croise

Isikiyɛli 11:19

N si a ma, anu sɔndɔmɛ ni sa anu nyɔgɔn kuma ka miriya-nyimɛ di anu ma. Sɔndɔmɛ min gbɛlɛyanɛ iko kuri, n si wo bɔ anu burɔ ka tɔn-bira-sɔn di anu ma.

Isikiyɛli 36:26

N si a ma, anu sɔndɔmɛ ni sa anu nyɔgɔn kuma ka miriya-nyimɛ di anu ma. N si anuna sɔndɔma-gbɛlɛyɛ bɔ anu burɔ ka anu ma kuma-biralɛnu na.

Romu 1:9

N sere le Alla la ko n bi min fɔ tinɛ, tonyɛ le. N bi wɔlila Alla le ye n yisi bɛɛ la ka ala danta kibara-nyimɛ wara-koe fɔ. Alla ya a lɔn ko wati bɛɛ, n bi n mirila wo ma

Romu 12:2

Wo kana wo raya ka wo nyɛrɛ kɛnya duninya kɛ koenu ma fɔ wo ni sɔn ko Alla ni wo sɔndɔmɛ yɛlɛma ka hɛnkili-kurɛ di wo ma. Wo si a ma, wo ni ke Alla sako lɔnna. Alla ye nyinina min ma, wo kin, wo si a diya don a rɔ, ado mɔgɛ ti ke fɛɛ yenna a la.

Romu 6:11

Wo ni wo miri wo nyɛrɛ ma iko wo faganɛ, woletɔ hakɛ ti nɔ-ko sɔrɔn wo ma. Wo ni Alla sako kɛ kaka Kirasiti baraka rɔ.

Romu 6:19

(N ya yɔɔnya-koe ma misalɛ la wo ye bawo wo si wo le nya-yen, ado wo rafaganɛ Alla wara-koe rɔ.) Fɔlɔ-nun, wo ya wo nyɛrɛ to ko-yogomɛ anubɛ sɔn-yogoyɛ kɔrɔ iko yɔɔn. Kɔnɔ kaka, fɔ wo ni wo nyɛrɛ to ko-sɛnimɛ anubɛ telenbagayɛ kɔrɔ iko yɔɔn alako wo si ma Allata mɔgɔ-kɛndɛnu na nya min.

Romu 6:2

Ade! A manɛ iko ma ara faga alako hakɛ kana sɛnbɛ sɔrɔn ma kuma tun. Ma si to hakɛ kɛla kama worɔ tun?

Romu 6:22

Kɔnɔ kaka, wo ara hɔrɔya hakɛ ma ka ma Allala yɔɔnnu na. Woletɔ wo si tɔnɛ min sɔrɔn, wo le sɛninyɛ la Alla ye, ado tɔ-a-la, wo si habadan-nimayɛ sɔrɔn.

Romu 6:4

Ma batasira tumɛ min, mabɛ Yisa togonta ma nyɔgɔn fɛ. Wo le, iko Kirasiti wulita nya min ka bɔ furinu tɛma ma Fa Allata gbiliyɛ anubɛ sɛnbɛ fɛ, male fanan ni to ni-kurɛ rɔ wo nya na le.

Romu 7:1

N na-kelen-nyɔgɛnu, n bi a fɛ ka min fɔ wo ye, wo si wo nya-yen bawo wo dama ya tɔn wara-koe lɔn. Ma tenbi ma niyi la, furu-tɔn siginɛ ma kuma.

Romu 7:2

Kei-wara-sigi-musi si ma kɛ misalɛ la ma ye. Fananta ala kei ye a kɛndɛ la, anubɛ ala kei ti fara muk! Kɔnɔ ni a fagara, ala musi ara bɔ tɔn wo kɔrɔ.

Romu 7:4

N na-kelen-nyɔgɛnu, wole fanan bi wo nya le. A manɛ iko wole ara faga ka bɔ tɔn-kitabu kɔrɔ ka kofu Kirasiti ma. Kaka, wo ara ma aletɛ la, ado a wulita ka bɔ furinu tɛma alako wo ni ma gbɔ-nyimɛ la Alla ye.

2 Kɔrɛnti 3:6

Ale le ya sɛnbɛ di ma ma ko ma ni ma sarama-kan-kurɛta wɔli-kɛlɛnu na, min sɛbɛnɛ anubɛ ala mɔgɛnu tɛma. Sarama-kan-kurɛ kɛ sɛbɛni ma kɔnɔ a nanɛ ata Ni-Sɛnimɛ bolo. Tɔn-sɛbɛnɛ si na sayɛ la mɔgɛnu ye kɔnɔ ata Ni-Sɛnimɛ si niyi di mɔgɛnu ma.

2 Kɔrɛnti 5:17

Mɔgɔ-wo-mɔgɔ wa ma Kirasiti halalɛ la, mɔgɔ-kurɛ le wo tigi la. Ko-kɔrɔmɛnu bara tenbi, nba, koe bɛɛ ara ma a kurɛ la gbɛ!

Kalesiya 3:13

Nba, Kirasiti sɔnta mala dankɛ bila min kɛ, a ya ma hɔrɔya mala dankɛ wo ma min sɛbɛnɛ tɔn-kitabu rɔ. A sɛbɛnɛ Allala kitabu rɔ ko, “Mɔgɔ-wo-mɔgɔ furi dunnɛ kɔlɔma la, wo tigi ye Marita dankɛ kɔrɔ”

Kalesiya 6:15

Ni mɔgɔ kemininyara wo, ni a ma kemininya wo, tana-wo-tana ma wo la. Kɔnɔ min kolo, alako dɔrɔn ma ni ma mɔgɔ-kurɛ la Kirasiti ye.

Ɛfɛsa 4:24

Fɔ wo ni kɛ-nya-kurɛ bi min nadannɛ iko Allatɛ ye nya min. Mɔgɛ min si kɛ-nya-kurɛ bi, wo si gbɛ ko wonu telennɛ Alla yala, ado wo bɛɛ sɛninyani de!

Filipai 3:3

ado male ara kemininya-bɛrɛ sɔrɔn. Anu denu ma de! N bi wo fɔla bawo male ye Alla batola ata Ni-Sɛnimɛ baraka rɔ. Male ara nyagalen ma tagama-nyala ko la Yisa Kirasiti rɔ. Mɔgɛnu bi min mala anu fɛrɛnu na, male ti ma yigi sa wo kuma hali doni!

Kɔlɔsi 3:10

Wo ara ko-kurɛ bila wo kan na. Ko-kurɛ kɛ ladanta Alla le bolo, ado a ye tola wo lakurayala alako a ni to wo lakanbalila Yisa-nyɛrɛ-lɔn-koe rɔ. Ale le ya ko-kurɛ kɛ ladon wo yisi rɔ.