Romu 7:10 - ALLALA KUMƐ

¹⁰ ado tɔn wara-koe min bɛnta ka niyi di n ma, wo nara sayɛ la nde ye

Romu 7:10 Iomraidhean Croise

Isikiyɛli 20:11

N ya nna sereyanu fɔ anu ye ka anu karan nna tɔnnu ma, ado ni min ya wonu bira, wo si siyimayɛ sɔrɔn.

Isikiyɛli 20:13

Kɔnɔ hali n ke anu na wulɛ wo rɔ, anu ya n bɔrɔbɔ. Anu ya anu ban nna sereyanu birala ka anu kan-kɔ sɔ nna tɔnnu na, ado ni min ya wonu bira, wo tigi si siyimayɛ sɔrɔn. Anu ya Sulen-Tele lafɛya pɔ! Woletɔ n tabɛnnɛ nun ka nna diminyɛ mumɛ yira anu na wulɛ wo rɔ nyɔ alako anu wara-koe ni ka-a-la.

Isikiyɛli 20:21

“Kɔnɔ fonike wonu fanan sɛgira n bɔrɔbɔla tun. Anu ya nna tɔn anubɛ sereyanu tinya feu, ado ni min ya tɔn wonu bira, wo si siyimayɛ sɔrɔn. Wonu fanan ya nna Sulen-Tele wo bɔrɔbɔ. Woletɔ n tabɛnnɛ nun ka nna diminyɛ mumɛ yira anu na wulɛ wo rɔ nyɔ.

Saraka-Masɔlɛnuta Tɔnnu 18:5

Wo ni nta tɔnnu bira ka a ma iko n ya a fɔ wo ye nya min. Ni wo ya wo ma, wo si kisi. Nde le wota Mari la min bi kɛ fɔla wo ye.”

Romu 10:5

Nɛbi Musa ya kɛ le sɛbɛ ka a bɛn telen-koe ma Alla yala tɔn-birɛ fɛ. A ko, “Ni min bi a fɛ ka to a niyi la, fɔ a ni tɔn-kitabu bɛɛ bira minnu sɛbɛnɛ Allala kitabu rɔ.”

Romu 4:15

Nɛbi Musata tɔn-kitabu wara-koe ara a ma, Allala diminyɛ ara yigi ma kan ma. Kɔnɔ Allata tɔn-kitabu sa kan min, tɔn-tinyɛ sa nyɔ hali!

Romu 7:9

Yanni n ni tɔn wara-koe lamɔɛn, n bi n niyi la nun. Kɔnɔ n ya tonyɛ lɔn tumɛ min, hakɛ wulita n yisi rɔ ha n fagara,

2 Kɔrɛnti 3:7

Nɛbi Musa ya tɔn min sɛbɛ kuru-walan ma, wo nara sayɛ la a bolo. Kɔnɔ a dira mɔgɛnu ma tumɛ min, Allala gbiliyɛ bɔra gbɛ rɔ, ado Nɛbi Musa yakɔrɛ malanta ha Isirɛla mɔgɛnu ma ke anu yɛ gbangbanna a rɔ hali gbiliya-tamasere min bi malan-malanna a yakɔrɛ ma, wo kɔ fagara.

Kalesiya 3:12

Dɛnkɛninyɛ mako sa tɔn wara-koe la. Iko a sɛbɛnɛ Allala kitabu rɔ nya min ko, “Ni min si tɔn mumɛ bɛɛ bira, wo tigi si nimayɛ sɔrɔn tɔn-birɛ wo fɛ.”