Romu 7:1 - ALLALA KUMƐ

¹ N na-kelen-nyɔgɛnu, n bi a fɛ ka min fɔ wo ye, wo si wo nya-yen bawo wo dama ya tɔn wara-koe lɔn. Ma tenbi ma niyi la, furu-tɔn siginɛ ma kuma.

Romu 7:1 Iomraidhean Croise

Ɛsira 7:25

“Alla ara hɛnkili min di ile Ɛsira ma, i si wo lawɔli. Minnu bi ita Allata tɔn birala Yufereti bɛ tele-yigi wara la, ile Ɛsira si kun-tiginu anubɛ kiti-tɛgɛlɛnu yabɔ wonu tɔ, ado ni minnu ma Allata tɔn lɔn, i si wonu karan a la.

Hɛnkilimaya-Kumɛnu 6:23

Anuna kumɛ si waan raka i ma waran! Anuna karan si ma i ye iko kuru-lɛnpu. Anuna makumɛ wo si i kɛ-nya latelen.

Romu 1:13

N na-kelen-nyɔgɛnu, wo ni a lɔn ko tumɛ siyaman, n bara n tabɛn ka ta wo kɔndɔn tinɛ kɔnɔ koe do ye n nasɛgila wo bɛɛ rɔ. N bi a fɛ ka mɔgɛnu nana Yisa ma wole fanan tɛma iko n bara a ma sibolo-gbɛrɛ doinu tɛma nya min.

Romu 10:1

A sɔgɛ ye n na bɛrɛbɛrɛ-wɛ-kɛ ko n na-kelen-nyɔgɔ Yahudiyanu ni kisi! N bi Alla matarala anu ye dɛɛ!

Romu 10:4

Nba, Kirasiti ara na min kɛ, sɛnbɛ sa Nɛbi Musala tɔn-kitabu la tun. Woletɔ dɛnkɛninyɛ ye min bɛɛ yisi rɔ, wonu bara telen Alla yala.

Romu 6:14

ado nɔ-wo-nɔ sa hakɛ bolo wo kuma tun bawo wo sa Nɛbi Musata tɔnnu kɔrɔ tun fɔ Allata hinɛ.

Romu 6:3

Ado nfan, wo ya kɛ lɔn serr, ko ma dɛnkɛninyara Yisa, Allata-Mɔgɔ-Yabɔnɛ ma tumɛ min ka batasi a tɔgɛ rɔ, mabɛ wo mara mɔgɔ kelen na ala sayɛ fɛ.

Romu 7:6

Hali wo kaka, ma ara hɔrɔya ka bɔ tɔn-kitabu wo kɔrɔ bawo min ya ma bira fɔlɔ-nun ka ma ladon yɔɔnyɛ rɔ, ma ara faga ka bɔ wo kɔrɔ. Ma ma to ma sɔn-kɔrɛnu da kun tɔ fɔ Allata Ni-Sɛnimɛ ye sɔn-kurɛ minnu dila ma ma.

1 Kɔrɛnti 9:8

N sa kɛ fɔla hadama-danta hɛnkili la bawo a sɛbɛnɛ tɔn-kitabu rɔ wo nya na le fanan.

Kalesiya 4:21

Wole minnu bi a fɛ ka to Nɛbi Musata tɔn-kitabu kɔrɔ, n ni wo manyinika koe do ma. Tɔn-kitabu ya min fɔ, wo ma wo lamɔɛn, ba?