Romu 5:3 - ALLALA KUMƐ

³ Nba, ma sewanɛ fanan mala tɔrɔyɛnu tɔ bawo ma ya a lɔn ko tɔrɔyɛ si ma labila dinyɛ ma.

Romu 5:3 Iomraidhean Croise

Habakuku 3:18

kɔnɔ hali wo, n si nyagalen ka sewa bawo Mari Alla le nna kisilɛ la.

Luka 21:19

Wo ni wo sɔ yiri bawo wo si ni-bɛrɛ sɔrɔn wo le fɛ.

Kɛwɔlɛnu 5:41

Kilayɛnu bɔra mɔgɔ-banu tɛma tumɛ min, anu sewara bɛrɛkɛ, ko Alla ara a fonde lamiri anu ma ko a bɛnnɛ anu ni fɛyɛ sɔrɔn Yisa tɔgɛla ko la.

Romu 5:11

Kɔnɔ a dama ma wo la, ma sewanɛ bawo ma Mari Yisa, Allata-Mɔgɔ-Yabɔnɛ ara ma ma Alla diyana-mɔgɛ la.

Romu 8:23

Kɔnɔ dali-fan dɔrɔn ma. Allala sanba fɔlɔtɛ le ata Ni-Sɛnimɛ la. Hali wo taranta ma bolo, ma ye Alla makɔnɔna tumɛ min, male fanan bi kurunna alako ma ni ma ala dannu na. Min tenbira wo la, a si ma hɔrɔya ka fɛrɛ-bɔnku-kurɛ di ma ma.

Romu 9:10

Ado nfan, a dama ma wo la. Rɛbɛkala den filɛ, anu bi fa kelen de ma, ma benba Isiyaka, kɔni.

2 Kɔrɛnti 4:17

Nba, ma ara tɔrɔya-kundu-ni kɛ sɔrɔn min ti a laban kɔnɔ wo si habadan-gbiliya-belebele di ma ma, min kolo tɔrɔyɛ wo ko pirr!

2 Kɔrɛnti 8:19

Min tenbira wo la, chɔchinu bara a yabɔ ko a ni tagama ma fɛ. A si keninteya-wɔlɛ kɛ kɛ Marita gbiliyɛla ko la. Ma ye a fɛ ka a yira wo la ko wo dɛnbɛn-sɔgɛ ye ma la.

Ɛfɛsa 3:13

Woletɔ n bi wo madiyala ko n bi tɔrɔyɛ min kɛla wola ko la, wo kana a ma, wo yisi ni tinya bawo wota tɔnɛ le tɔrɔyɛ wo bɛɛ la.

Filipai 1:29

Wo ara fɛrɛ sɔrɔn ka dɛnkɛninya Kirasiti ma. Kɔnɔ a ma dan wo dɔrɔn ma. Wo ara fɛrɛ sɔrɔn ka tɔrɔ fanan ala ko la.

Yemesi 1:12

Mɔgɔ-sewanɛ le wo mɔgɛ la min si lanayɛ kɛ kɔrɔbɔlɛ rɔ bawo ala kɔrɔbɔlɛ wa ban tumɛ min, a si barayi min sɔrɔn, wo le a niyi-bɛrɛ la. Minnu bara Alla keni, Alla ara lanyiri kiri wonu ye ko a si barayi di anu ma.

1 Pita 3:14

Kɔnɔ hali wo tɔrɔta bawo wo ye ko-telennɛ kɛla, mɔgɔ-sewanɛ le wo la worɔ! Wo kana kilan mɔgɛnu na, ado wo kana hɔn anuna ko la.