Romu 5:2 - ALLALA KUMƐ

² Dɛnkɛninyɛ fɛ, Yisa ara ma lana Allala hinɛ kɔrɔ, ado ha kaka, ma ye hinɛ wo le kɔrɔ. Ma sewanɛ fanan bawo ma ya a lɔn ko wati do, ma si ala gbiliyɛ wo diya bɔ.

Romu 5:2 Iomraidhean Croise

Yaburi 17:15

Kɔnɔ sɔn sa n na min kɛ, fɔ n ba i yen. N ba n yɛ laka, i yen-koe si a diya don n tɔ.

Yaburi 73:24

I ye n nabila-kilɛnu sala n kɔrɔ. Tɔ-a-la, i si n matɔgɔ ka n sɛnibɔ Arinyɛni tɔ.

Hɛnkilimaya-Kumɛnu 14:32

Karagbɛlɛla karagbɛlɛyɛ si a labui kɔnɔ hali sayɛ wa gbɛrɛn tumɛ min, mɔgɔ-latelennɛnu na si fɛrɛ.

Habakuku 3:18

kɔnɔ hali wo, n si nyagalen ka sewa bawo Mari Alla le nna kisilɛ la.

Matiyu 25:21

“A tigi ko, ‘Wɔli-kɛla-nyimɛ, lanaya-mɔgɛ, i wara ko-nyimɛ kɛ! I wara lanayɛ kɛ ko-dɔgɔmanɛ rɔ, woletɔ n si a kinama-wɛ don i bolo. I ni don, ma ni sewa ma nyɔgɔn fɛ!’

Yɔni 10:7

Wo le ya a ma, Yisa ya a fɔ anu ye tun ko, “N bi tonyɛ fɔla wo ye, saga-kulɛla don-dɛ le nde la.

Yɔni 10:9

Nde le anu don-dɛ la. Min ba don nde fɛ, wo si kisi. A si ta-ni-sɛgi kɛ a de-nyini tinɛ.

Yɔni 14:6

Yisa ya a yabi ko, “Kilɛ le nde la anubɛ tonyɛ anubɛ niyi. Mɔgɔ-wo-mɔgɔ ti ta n Fa Alla warɛ nde kɔma.

Yɔni 5:24

“N bi tonyɛ fɔla wo ye, min ba nna kumɛ lamɔɛn ka dɛnkɛninya n Fa Alla ma min ya n sɔ, habadan-nimayɛ ye wo bolo. Kiti sa wo tigi ma. A manɛ iko mɔgɛ min bara faga nun kɔnɔ kaka, a ara niyi-kurɛ sɔrɔn tun.

Kɛwɔlɛnu 14:27

Anu kera Antiyaki tumɛ min, anu ya Mari Yisata mɔgɛ bɛɛ ladɛn. Alla ya koe min kɛ anu ye, anu ya wo bɛɛ fɔ nyɔ-mɔgɛnu ye katarala a ya kilɛ laka sibolo-gbɛrɛnu ye nya min alako anu fanan ni dɛnkɛninya Mari ma.

Romu 11:20

tonyɛ le kɔnɔ wo hɛnkili ni to kɛ ko. Anu kerita a la le bawo anu ma dɛnkɛninya Alla ma. Wole ara to anu gbɛ rɔ bawo wo ara dɛnkɛninya a ma. Kɔnɔ wo kana wasi wola ko la fɔ wo kun ma ni kɔ.

Romu 12:12

Yigi min bi wo rɔ, wo ni wo mara sewɛ rɔ. Wo ni wo munyu wola tɔrɔyɛnu kɔrɔ ka Alla madiya tumɛ bɛɛ.

Romu 14:4

Yon bi ile la min bi mɔgɔ-gbɛrɛla wɔli-kɛlɛ rasɛla? Ni a buira wo, a sɔra wo, wo bɛɛ tonɛ a tigi le ma, ado wɔli-kɛlɛ wo si ke a sɔla bawo Alla min bi ma tigi la, wo si ke a mala, a ni sɔ.

Romu 15:13

Ma yigi siginɛ Alla min tɔ, alamɛ wo ya wo lafa sewɛ anubɛ yisi-kimɛ la wola dɛnkɛninyɛ fɛ. Wola yigi min bi Yisa rɔ, wo ni to warala Allata Ni-Sɛnimɛ baraka rɔ.

Romu 2:7

Mɔgɛ donu bi bonyɛ anubɛ gbiliyɛ anubɛ habadan-nimayɛ nyinina Alla bolo min kɛ, woletɔ anu si to ko-nyimɛ kɛla dɛɛ! Tonyɛ le wo la, Alla si habadan-nimayɛ di wonu denu ma.

Romu 3:23

ma bɛɛsi ara hakɛ kɛ, ado Alla ara gbiliyɛ min tabɛn ma ye, ma ara foo wo la.

Romu 5:5

ado yigi kɛ ti ma baya mumɛ! A ti ma baya bawo Alla ara ala keninteyɛ kɛ ma yisi rɔ. A ya ata Ni-Sɛnimɛ min di ma ma, wo le ye ma yisi lafala keninteyɛ la.

Romu 8:1

Wole minnu bi Kirasiti Yisa rɔ kaka, yiliki-wo-yiliki sa wo ma

Romu 8:24

Ma ara ma yili-madiyɛ sa Alla kuma min kɛ, wo le ya ma lakisi. Ma yili-madiyɛ sanɛ fan min kuma, ni ma ara ban wo sɔrɔnna, ma ti wo kele tun, “Yili-madiyɛ.” Yon si a nyɛrɛ yili-madiya fan do kuma, a ara ban min sɔrɔnna?

1 Kɔrɛnti 15:1

Nba, n na-kelen-nyɔgɛnu, n ya kibara-nyimɛ min nake wo ma, n bi a fɛ ka wo hɛnkili bila wo ko, ado wo ara kibara-nyimɛ wo rabira ka la a la gben!

2 Kɔrɛnti 3:18

Ma dama ya-makanɛ ye Marita gbiliyɛ mayirala, ado gbiliya kelan wo ye bɔla Marita Ni-Sɛnimɛ le bolo. Ale le ye ma yɛlɛmana alako ma kɛ-nya ni ma iko ale. Wo si a ma, a ni to ala gbiliya-makawanɛ dila ma ma Marita Ni-Sɛnimɛ baraka rɔ.

2 Kɔrɛnti 4:17

Nba, ma ara tɔrɔya-kundu-ni kɛ sɔrɔn min ti a laban kɔnɔ wo si habadan-gbiliya-belebele di ma ma, min kolo tɔrɔyɛ wo ko pirr!

Ɛfɛsa 2:18

I mara Isirɛla mɔgɛ la wo, i mara sibolo-gbɛrɛ la wo, Kirasiti le si a ma, ma ni sɔ ma Fa Alla yakɔrɔ ata Ni-Sɛnimɛ baraka rɔ.

Ɛfɛsa 3:12

Nba, wola ko la, ma si ke ka ma madon Alla la dɛnkɛninyɛ fɛ yili-latɛgɛ la ma bolo Yisa Kirasiti baraka rɔ.

Ɛfɛsa 6:13

Woletɔ fɔ wo ni Allata kɛlɛ-kɛ-miran kɛnu bi kaka, ado wo kɛlɛ-tele wa ke tumɛ min, wo si ke ka wo yoge kɛlɛ ka a nɔ. Wo wa ban kɛlɛ kɛla tumɛ min, wo sɔnɛ si to wo gbɛ rɔ gben!

2 Tɛsalonaika 2:16

Alamɛ ma Mari Yisa, Allata-Mɔgɔ-Yabɔnɛ-nyɛrɛ anubɛ ma Fa Alla ya wo sɛnbɛ don. Alla ya ma keni ka habadan-yisi-kimɛ anubɛ yigi-nyimɛ di ma ma ala hinɛ le tɔ.

Hiburunu 3:6

Kɔnɔ Kirasiti le dan wo la min bi lanayɛ kɛla a fa Allata mɔgɛnu kuma. Ni ma tora mata yisi-latɛgɛ rɔ ka ma yigi sa ale rɔ, Allata mɔgɛnu denu bi male la worɔ.

Hiburunu 6:18

ado Alla nyɛrɛ ya ata kelili sa ata lanyiri wo kuma. Fen filɛ kɛnu ti yɛlɛma bawo Alla ti foninyɛ fɔ. Woletɔ male minnu bara ma buri tala a wara la ma latanka-koe la, ma si yisi-latɛgɛ sɔrɔn alako yigi min bi ma yarɔ, ma ni wo bira gben!

1 Pita 3:18

Wo ni wo miri kɛ ma. Kirasiti nyɛrɛ fagara ma ye iko kelen pe ma hakɛla ko la. Ale mɔgɔ-nyimɛ fagara male mɔgɔ-yogomɛnuna ko la alako a ni ma lana Alla ma nya min. A ye hadama-denyɛ la tumɛ min, anu ya a faga kɔnɔ a tora a niyi la Allata Ni-Sɛnimɛ baraka rɔ,

Lankɛnimayɛ 21:11

A ye malan-malanna Allala gbiliyɛ bolo. Soe wo ye malan-malanna iko kuru-da-gbɛlɛ min tɔgɛ yasipa. A gbɛnɛ iko daimon.

Lankɛnimayɛ 21:23

Soe wo mako mumɛ sa tele anubɛ karɛ la bawo Allala gbiliyɛ ye malanna a burɔ. Ata lɛnpu le saga-dan la.

Lankɛnimayɛ 21:3

N ya kuman-kan-ba lamɔɛn ka bɔ mansaya-sigi-fan rɔ. A ko, “Alla mayiginɛ mɔgɛnu fɛ kaka, ado a si to anu fɛ. Anu si ma ata mɔgɛnu na. Alla nyɛrɛ si taran anu fɛ ka ma anuta Alla la.

Lankɛnimayɛ 3:21

Min ba nɔlɛ kɛ, n si sarati di wo ma alako a ni sigi n dafɛ nta mansaya-sigi-fan rɔ. Nde fanan ya nɔli kɛ ka sigi n fa Alla fɛ wo nya na le n fa Allata mansaya-sigi-fan rɔ.