Romu 4:9 - ALLALA KUMƐ

⁹ Mansa Dawuda ya sewɛ minna ko fɔ, wo ye Yahudiyanu denu dɔrɔn ye, ka, minnu kemininyara? Wo ma de, hali kemininyabɛlɛnu, ado ma ara a fɔ nun ko Iburayimata dɛnkɛninyɛla ko la, Alla ya a yatɛ mɔgɔ-latelennɛ la.

Romu 4:9 Iomraidhean Croise

Ko-Dabirɛnu 15:6

A lara Marita kumɛ wo la. Woletɔ Mari ya a yatɛ telenbagɛ la.

Aiseya 49:6

Mari ara a fɔ n ye ko, wɔli-belebele ye nde, ata wɔli-kɛlɛla ko la. Isirɛla mɔgɛ toe minnu tonɛ, a si wonu nasɛgi anuta gbiliyɛ rɔ kɔnɔ min kolo wo ko, a ko anu si ma waan la sibolenu ye alako duninya mumɛ la ni kisi.

Luka 2:32

I wara ila waan raka min si a ma, sibolo-gbɛrɛnu ni ila kilɛ yen anubɛ ka gbiliyɛ di ita Isirɛla mɔgɛnu ma!”

Romu 4:10

Iburayima telenta Alla yala tumɛ nyamintan? A mara yanni a ni kemininya, ka, ala kemininyɛ kɔma? Yanni a ni kemininya, a telenta Alla yala.

Romu 4:3

A sɛbɛnɛ Allala kitabu rɔ ko, “Iburayima dɛnkɛninyara Alla le ma. Nba, ata dɛnkɛninyɛla ko la, Alla ya a lɔn mɔgɔ-latelennɛ la.”

Kalesiya 3:14

Wo bɛɛ mara le alako male fanan ni Allata Ni-Sɛnimɛ sɔrɔn dɛnkɛninyɛ fɛ iko Alla ya lanyiri kiri ma ye nya min nun. Alla ya lanyiri min kiri Iburayima ye, sibolo-gbɛrɛnu fanan ni lanyiri kelan wo sɔrɔn ka a tɛgɛ Yisa Kirasiti ya min ma ma ye.

Ɛfɛsa 3:8

Hali Allata mɔgɛ bɛɛ tenbira nde la kɔnɔ Alla ara n gbiliya ka kibara-nyimɛ lake-fɛrɛ kɛ di nde ma. A ya wo di n ma alako n ni Kirasitita hina-waranɛ yira wole sibolo-gbɛrɛnu na.

Kɔlɔsi 3:11

Yahudiya wo, Yahudiya ma minnu na wo, kemininya wo, kemininyabɛli wo, mɔgɔ-gbɛrɛkɛ wo, ko-lɔnbɛli wo, hɔrɔ wo, yɔɔn wo, dan-nafarɛ sa wo fenfen tɔ ni-kurɛ kɛ rɔ. Kirasiti tenbira koe kɛ bɛɛsi la, ado ale siginɛ wo bɛɛ yisi rɔ!