Romu 4:1 - ALLALA KUMƐ

¹ Ma si nfen fɔ ma benba Iburayimala ko la? A ya hɛnkili nyamintan sɔrɔn dɛnkɛninyɛ wara-koe rɔ?

Romu 4:1 Iomraidhean Croise

Aiseya 51:2

Wo ni wo miri wo benba Iburayima bɔnsɔn ma, anubɛ ala musi, Sira min ya wo sɔrɔn. A ye Iburayima kelela tumɛ min, den-wo-den sa a bolo nun kɔnɔ a ko a duwara a ye ka a bɔnsɔnnu nasiyaya duk! A ya a ma, a kebilɛnu siyayara.

Matiyu 3:9

Wo ya wo miri ko Iburayima manɛ wo benba la min kɛ, wo ti tɔrɔyɛ sɔrɔn. N bi a fɔla wo ye, hali kuri kɛnu, Alla si ke wonu mala dannu na Iburayima ye!

Luka 3:8

Koe minnu si a yira ko wo ara wo kɛ-nyanu yɛlɛma, wo ni wonu kɛ. Wo kana to a fɔla wo nyɔgɔn tɛma ko Iburayima manɛ wo benba la min kɛ, wo ti tɔrɔyɛ sɔrɔn. N bi a fɔla wo ye ko hali kuri kɛnu, Alla si ke wonu mala dannu na Iburayima ye!

Yɔni 8:33

Anu ya a yabi ko, “Iburayima bɔnsɔn le male la. Ha bi, ma ma ma wɛ mɔgɔna-yɔɔn la. Ka a fɔ ko ma si hɔrɔya, i miriya ye kama?”

Yɔni 8:53

Ma fa Iburayima fagara. I miri ko i tenbira Iburayima la, wa? Nɛbinu bara faga fanan. I miriya ye kama?”

Yɔni 8:56

Wo benba Iburayima sewara bɛrɛkɛ, bawo Alla ya a yira a la n bi nala wati min. A ya a yen min kɛ, a sewara dɔgɔma-ma-de!”

Kɛwɔlɛnu 13:26

“Nba, n na-kelen-nyɔgɛ Isirɛla mɔgɛnu, Iburayima bɔnsɔnnu, wobɛ sibolo-gbɛrɛ min bi Alla batola yan, Alla ya male sɔ ko wo ni a lɔn wo si kisi nya min, ado bɛɛta sarakanɛ le wo la.

Romu 1:3

Kibara-nyimɛ wo tɛgɛnɛ Yisa le ma, Allala den-kei, kɔni, min sɔrɔnta Dawuda bɔnsɔn rɔ hadama-danta kilɛ fɛ.

Romu 3:5

Ni mala telenbɛlitayɛ ya Allala telenbagayɛ labɔ gbɛ rɔ, wo ye kama? Ma si nfen fɔ worɔ? Mɔgɛnu bi kɛ le fɔla, yɔ! Ni Alla ya ma yiliki, ma si a fɔ ko a ma telen, wa?

Romu 4:16

Alla ya lanyiri min kiri, mɔgɛ si wo tɔnɛ sɔrɔn dɛnkɛninyɛ fɛ. Wo mara le alako lanyiri wo ni ma di-ma-le la. Lanyiri wo kirita Iburayima anubɛ a bɔnsɔnnu ye kɔnɔ a sa tɔn-biralɛnu dɔrɔn ye. Minnu bara dɛnkɛninya Alla ma iko Iburayima ya a ma nya min, a ye wonu fanan ye, ado ma dama benba le Iburayima la dɛnkɛninyɛ fɛ.

Romu 6:1

Ma si nfen fɔ worɔ? Ma ni to hakɛ kɛla alako Allala hinɛ ni wara, wa?

Romu 7:7

Ma si nfen fɔ worɔ? Ma si a fɔ ko tɔn-kitabu wo nyɛrɛ le hakɛ la, wa? Ade! Tɔn-kitabu wara-koe le ya a ma, n ya nta hakɛ lɔn, ado ni Nɛbi Musata tɔn do ma a fɔ nun ko n kana n niyi sa mɔgɔna-fan kuma, n ti a lɔn ko hakɛ le wo la nun.

Romu 8:31

Ma si nfen fɔ kɛ bɛɛla ko la? Ni Alla ye ma fɛ, yon si ma kɛlɛ?

2 Kɔrɛnti 11:22

Hiburunu le anu na, wa? Wo le nde fanan na. Anu bi Yahudiyanuna dina rɔ, wa? Nde fanan bi a rɔ. Iburayima bɔnsɔn le anu na, wa? Wo le nde bɛrɛni na.

Hiburunu 12:9

Ma fa minnu bi duninya kɛ rɔ, wonu bi ma kolola, ado ma ye wonu gbiliyala. Ni ma ye wonu gbiliyala, ma fa min bi Arinyɛni tɔ don? A fisa, ma ni ma famayigi wo kɔrɔ alako ma si ni-bɛrɛ sɔrɔn nya min.