Romu 3:5 - ALLALA KUMƐ

⁵ Ni mala telenbɛlitayɛ ya Allala telenbagayɛ labɔ gbɛ rɔ, wo ye kama? Ma si nfen fɔ worɔ? Mɔgɛnu bi kɛ le fɔla, yɔ! Ni Alla ya ma yiliki, ma si a fɔ ko a ma telen, wa?

Romu 3:5 Iomraidhean Croise

Ko-Dabirɛnu 18:25

Mari, ile lara a la, i si mɔgɔ-telennɛnu faga mɔgɔ-yogomɛnu fɛ? I yandi Mari, i kana mɔgɔ-telennɛnu kofu mɔgɔ-yogomɛnu ma. Ile min bi duninya-mɔgɛ bɛɛ kiti tɛgɛla, a bɛnta, i ni ko-latelennɛ kɛ.”

Yobu 8:3

Koe min telennɛ, Alla ti wo radu mumɛ! Koe min bɛnnɛ, fɔ Alla Sɛnbɛ-Bɛɛ-Tigi wa wo ma le serr!

Nehami 1:2

Mari Alla ti sɔn a senɛ ma. Minnu bi a rasɛla, a si wonu tɔrɔ. A fonde bɔnɛ si a tayili sara.

Romu 12:19

N diyana-mɔgɛnu, wo kana wotɛ lasɛgi. Wo ni wotɛ to Alla ma, ado a sɛbɛnɛ Allata kitabu rɔ ko, “Mari si wo tayili sara.”

Romu 2:5

Kɔnɔ wo yisi gbɛlɛ, ado wo bannɛ tubi-koe ma feu! Woletɔ Allala diminyɛ anubɛ ala kiti wa bɔ gbɛ rɔ tumɛ min, wo si wola tɔrɔyɛ makofu wulɔn le

Romu 3:19

Nba, ma ya a lɔn ko minnu bi Allata tɔn wara-koe kɔrɔ, tɔn-kitabu kɛ sɛbɛra wonu denu ye. Wo sɛbɛnɛ alako mɔgɛna masigima-fɔɛ ni ban ka duninya-mɔgɛ bɛɛ lana Allala kiti kɔrɔ,

Romu 3:7

Tumado, donu bi a fɔla ko, “Ni nta foninyɛ ye Alla gbiliyala ka ala tonyɛ labɔ gbɛ rɔ, nfenna ko la Alla ye n yilikila iko hakɛ-tigi?”

Romu 4:1

Ma si nfen fɔ ma benba Iburayimala ko la? A ya hɛnkili nyamintan sɔrɔn dɛnkɛninyɛ wara-koe rɔ?

Romu 5:8

Ma di Alla ye nya min, a ara wo yira ma la bawo ma ye hakɛ-tigiyɛ la wati min, Allata-Mɔgɔ-Yabɔnɛ fagara ma ye.

Romu 6:1

Ma si nfen fɔ worɔ? Ma ni to hakɛ kɛla alako Allala hinɛ ni wara, wa?

Romu 6:19

(N ya yɔɔnya-koe ma misalɛ la wo ye bawo wo si wo le nya-yen, ado wo rafaganɛ Alla wara-koe rɔ.) Fɔlɔ-nun, wo ya wo nyɛrɛ to ko-yogomɛ anubɛ sɔn-yogoyɛ kɔrɔ iko yɔɔn. Kɔnɔ kaka, fɔ wo ni wo nyɛrɛ to ko-sɛnimɛ anubɛ telenbagayɛ kɔrɔ iko yɔɔn alako wo si ma Allata mɔgɔ-kɛndɛnu na nya min.

Romu 7:7

Ma si nfen fɔ worɔ? Ma si a fɔ ko tɔn-kitabu wo nyɛrɛ le hakɛ la, wa? Ade! Tɔn-kitabu wara-koe le ya a ma, n ya nta hakɛ lɔn, ado ni Nɛbi Musata tɔn do ma a fɔ nun ko n kana n niyi sa mɔgɔna-fan kuma, n ti a lɔn ko hakɛ le wo la nun.

Romu 8:31

Ma si nfen fɔ kɛ bɛɛla ko la? Ni Alla ye ma fɛ, yon si ma kɛlɛ?

Romu 9:30

Ma si nfen fɔ worɔ? Sibolo-gbɛrɛ minnu sa anu tayala nun ka anu nyɛrɛ latelen Alla ye, wonu denu bara telen a ye dɛnkɛninyɛ baraka rɔ.

1 Kɔrɛnti 15:32

Ni n ya mɔgɛnu kɛlɛ Ɛfɛsa soe burɔ minnu manɛ iko “firarɔ-sogenu,” wo si nfen nyinya n ma? Ni Alla ti furinu nawuli, iko anu bi a fɔla nya min, “A fisa, ma ni fen-dɔn kɛ ka ma min ka ma nyɛrɛ ladiya bawo ma ye nala fagala le sina.”

1 Kɔrɛnti 9:8

N sa kɛ fɔla hadama-danta hɛnkili la bawo a sɛbɛnɛ tɔn-kitabu rɔ wo nya na le fanan.

2 Kɔrɛnti 6:4

Kɔnɔ ma ya ma munyu tɔrɔyɛ anubɛ gbɛlɛyɛ anubɛ kɔndɔfili-su-bɛɛ kɔrɔ. Ma ye koe min bɛɛ kɛla, ma ye a yirala wonu tɔ ko Allata wɔli-kɛlɛ le male la.

2 Kɔrɛnti 7:11

Alla ya a ma, wo yisi lafinta min kɛ, wo ni a mafɛlɛn a ya wo dɛnbɛ nya min. Wo ara wo ma sɛbɛna-mɔgɛnu na gbɛ! A sɔgɛ ya wo bira ka a yira ko sɔn sa wo la! Wo diminyara kati, ado wo kilanta bawo wo ya ko-yogomɛ le ma. N yen-sɔgɛ ya wo bira. Nta hɔnyɛ ya wo bira fanan. A di wo ye ka ko-yogoma-kɛlɛ wo tɔrɔ! Wo ya a lagbɛ ko fɛɛ sa wo la kɛ fenfen tɔ.

Kalesiya 2:18

N bara tɔn wara-koe min wayan, ni n ya wo sɔ tun, wo ye a yirala ko nde ara sama ka ma tɔn-tinyalɛ la.

Kalesiya 3:15

N na-kelen-nyɔgɛnu, n bi a fɛ ka Allata lanyiri sanka koe do ma min bi mala tuma-wo-tuma. Mɔgɔ fila wa sara min ma, mɔgɔ-wo-mɔgɔ ti sarama-kan wo tinya, ado mɔgɔ ti fenfen kofu wo ma tun. A sa wo nya na le?

Lankɛnimayɛ 15:3

Anu bi Allala wɔli-kɛlɛ, Nɛbi Musa, anubɛ saga-danta bɛti bɔla ko, “Mari Alla Sɛnbɛ Bɛɛ Tigi, ila kɛwɔlɛnu kolo. Anu makilanta! Sibole bɛɛta Mansɛ, i kɛ-nyanu telennɛ. Tonya-kilɛ le anu na.

Lankɛnimayɛ 18:20

Kɔnɔ ile Arinyɛnɛ, i ni nyagalen soe wo tinya-koela ko la! Wole Allala mɔgɛnu anubɛ ata kilayɛnu anubɛ ata nɛbinu, wo ni fa sewɛ la ka a tɛgɛ min bara ma soe kɛ la. A ara wo tɔrɔ nya min, Alla ara a kiti tɛgɛ wola ko la!