Romu 3:2 - ALLALA KUMƐ

² A tɔnɛ kolo a nya ma! A fɔlɔtɛ, Alla ya ala sarakanɛ don Yahudiyanu denu bolo.

Romu 3:2 Iomraidhean Croise

Yaburi 119:140

Sika-wo-sika sa ita yili-madiyɛ rɔ. Ila kumɛ di nde, ita wɔli-kɛlɛ ye dɔgɔma-ma-de!

Aiseya 8:20

Wole ni mɔgɛ wonu yabi ko, “Mari ye min fɔla ma ye, ma tole masɔnɛ wo le la.” Wo kana wo tole masɔ yi-kɔrɔ-fɛlɛnnɛ wonu kan la bawo wonu bi min fɔla wo ye, wo ti ko-wo-ko nyinya wo ma.

Yɔni 5:39

Wo ye Allata kitabu karanna bawo wo miri ko wo si habadan-nimayɛ sɔrɔn wo rɔ. Kitabu wo ye sereyɛ bɔla n ye fanan!

Kɛwɔlɛnu 7:38

Isirɛla mɔgɛ minnu nadɛnta wulɛ rɔ, ale Musa taranta wonu fɛ nun. Melika min kumara a ye Sinayi kɔnkɛ kuma wo, ale Musa ya kumɛ wo latenbi ma benbanu ma. Allala kumɛ min si niyi di mɔgɛ ma, ale Musa ya wo sɔrɔn nyɔ ka wonu natenbi ma ma.

Romu 1:2

Alla ya kibara-nyimɛ min lanyiri kiri, wo sɛbɛnɛ ata kitabu rɔ ala nɛbinu bolo.

Romu 2:18

Alla ye a fɛ, wo ni min ma, wo ya wo lɔn bawo wo ara ko-latelennɛ wo karan tɔn-kitabu rɔ.

Romu 3:1

Ka sɔrɔn Yahudiyayɛ rɔ, wo si nfen nyinya mɔgɔ ma worɔ? Kemininyɛ si nfen nyinya mɔgɔ ma?

Romu 3:3

Kɔnɔ Yahudiyanubɛ Alla ya sarama-kan min kiri, ni Yahudiyanu bara anutɛ tinya, wo ti a ma, Alla ni atɛ tinya, wa?

Romu 9:4

Allala mɔgɔ-yabɔnɛ le anu denu na. A ya anu ma ala dannu na ka ata gbiliyɛ yira anu na. Anubɛ Alla ya sarama-kannu kiri. A ya ala tɔn-kitabu di anu denu ma fanan. A sɔnta ko anu denu ni a bato a kilɛ fɛ, ado anu bara Allala lanyirinu sɔrɔn.

1 Kɔrɛnti 9:17

Ni n bi wɔlɛ kɛ kɛla n nyɛrɛ sako la, n yili ye n sara-koe le ma worɔ. Kɔnɔ bawo Alla le ya wɔlɛ wo don n bolo, ni n ma sarɛ sɔrɔn, n bara sɔn wo ma.

2 Kɔrɛnti 5:19

Ma ye a fɔla mɔgɛnu ye ko Alla ara mɔgɛ bɛɛ ma a diyana-mɔgɛ la Kirasiti baraka rɔ. Alla ti a miri anu hakɛ ma tun. A ya anu ma a diyana-mɔgɛ la nya min, a ara wo kumɛ di ma ma ka wo lake mɔgɛnu ma.

Kalesiya 2:7

Ado nfan, anu denu ya a yen ko Alla ara dunɛ di n ma ka kibara-nyimɛ-kawandili bɔ sibolo-gbɛrɛnu ye iko a ara dunɛ di Pita ma nya min ka kibara-nyimɛ-kawandili bɔ Yahudiyanu ye.

1 Timoti 6:20

Timoti, min dantɛgɛnɛ i ma, i ni wo mara gben! I kana i tole masɔ Alla lɔnbɛliya-kuma teleka-telekɛnu na anubɛ yuwaya-sɔsɔlɛnu. Anu bi a fɔla ko lɔnnɛ le sɔsɔlɛ wo la kɔnɔ a sa wo nya de,

Hiburunu 5:12

A bɛnta, wo ni ma karan-mɔgɛnu na kɔnɔ ha kaka, wole bɛrɛn makoe ye karan-mɔgɔ la. Ha bi, wo makoe ye Allala kumɛ dabira koenu na. Wo ti ke dɔn-fen-bɛrɛ dɔnna fɔ ka to wo susunna dɛɛ,

1 Pita 4:11

Ni min bi kawandili bɔla, wo ni kuma iko a bɛnta, Allala kawandili-bɔlɛ ni kuma nya min. Ni min bi wɔli-gbɛrɛkɛ kɛla, wo tigi ni wɔli a sɛnbɛ la iko Alla ya a di a ma nya min. Woletɔ bɛɛ si Alla tanto koe bɛɛla ko la Yisa Kirasiti baraka rɔ, minta ye gbiliyɛ anubɛ sɛnbɛ la habadan! Amina.

Lankɛnimayɛ 19:10

N ya n sa melika kɔrɔ a bato-koe la kɔnɔ a ya a fɔ n ye ko, “I kana wo ma! Wobɛ i na-kelen-nyɔgɛnu wɔli-kɛ-nyɔgɛ le nde la. Yisa ya tonyɛ min nabɔ gbɛ rɔ, anu bi wo birala. I si Alla le dɔrɔn bato!” A ya wo fɔ bawo Yisa ye tonyɛ min nabɔla gbɛ rɔ, wo le ye nɛbinu sɔla wɔlɔyiyɛ la.

Lankɛnimayɛ 22:6

Wo kɔma, melika ya a fɔ n ye ko, “Kumɛ kɛnu, tonyɛ le. Mɔgɛnu si la wonu na. Mari Alla min ya ata Ni-Sɛnimɛ di nɛbinu ma, wo le ya ala melika sɔ ala wɔli-kɛlɛnu ma ka koe wonu yira anu na minnu bi nala mala tiriya!”