Romu 2:6 - ALLALA KUMƐ

⁶ bawo Alla si mɔgɛ bɛɛ sara kelen-kelenyɛ ma anuna kɛwɔlɛla ko la.

Romu 2:6 Iomraidhean Croise

Yobu 34:11

Mɔgɔ ya ko-wo-ko ma, a si i sara wola ko la. A ye anu birala iko anu kɛ-nya ye nya min.

Yaburi 62:12

ko ale letan ye keninteya-dannatɛgɛbɛlɛ la. E, n tigi, ile si bɛɛ sara iko bɛɛta kɛ-nya ye nya min.

Bɔ-Koe-Iyipiti 32:34

Woletɔ n bara kan tinɛ minna ko fɔ i ye nun, i ni ta nyɔ kaka. I ni sɔ mɔgɛnu yarɔ ka ta nyɔ. Nta melika dɔrɔn si sɔ i yarɔ. Hali wo, wo wati si na, n si anu tɔrɔ anu hakɛla ko la.”

Hɛnkilimaya-Kumɛnu 24:12

Ni i ya a fɔ ko, “Ndeta sa kɛ rɔ,” Alla ya a lɔn i ya i bole bɔ a rɔ min na, wo si a ma, a ni i kiti. Alla ye i mafɛlɛnna, ado a ya a lɔn min bi i burɔ. A si i sara iko i kɛ-nya ye nya min.

Hɛnkilimaya-Kumɛnu 24:2

bawo anu miriya bɛnni ma fenfen ma fɔ ka nanparan ratɛgɛ. Anu ya anu dɛ sɔ mɔgɔ-wo-mɔgɔ ma, wo yisi si tɔrɔ a ma.

Hɛnkilimaya-Kumɛnu 26:10

Mɔgɛ min bi tala yuwɛ birala a bole ma ka na wɔlɛ di a ma, wo tigi si mɔgɛnu tɔrɔ iko mɔgɛ min bi kalabɛn lakɛla kan tinɛ bɛɛ rɔ.

Makawandili Kumɛnu 3:17

N ya n miri n nyɛrɛ ma ko Alla si telenbɛlɛnu anubɛ telenbagɛnu kiti bawo koe bɛɛ ani a wati le.

Yɛrɛmaya 17:10

Kɔnɔ Mari ko ale le si ke mɔgɔ-burɛ lɔnna. Ale le si mɔgɔ-miriya kɔrɔbɔ. Woletɔ a ko min bɛnnɛ mɔgɛ bɛɛ ma, ale le si ke wo latɛgɛla. A ko a si bɛɛ sara a sara-nya la.

Yɛrɛmaya 32:19

I miriya kolo. I kɛ-nya kolo. I ye mɔgɛnuna ko-ladan-bole bɛɛ kalama. I si bɛɛ sara iko anu bi wɔlila nya min.

Isikiyɛli 18:20

Min bi hakɛ kɛla, wo le ye fagala. Dan ti tɔrɔ a fala hakɛla ko la, ado fa fanan ti tɔrɔ ala dan hakɛla ko la. Mɔgɔ-nyimɛ si ata ko-nyima-sarɛ sɔrɔn. Karagbɛlɛ si ata karagbɛlɛya-sarɛ sɔrɔn.

Isikiyɛli 18:30

“Woletɔ nde, wo Tigi Mari ye a fɔla Isirɛla mɔgɛnu ye ko n si anu dama kiti kelen-kelenyɛ ma iko bɛɛta kɛwɔlɛ ye nya min. Anu ni anu kan-kɔ sɔ anuna karagbɛlɛyɛ bɛɛ la. Anu ka a ma, anuna hakɛ ni anu halaki.

Isikiyɛli 36:19

N ya anutɛ bɔ tɔn rɔ ka a tɛgɛ anu kɛ-nya-yogomɛnu ma woletɔ n ya anu tanyɛnsɛn nyamani-gbɛrɛnu tɔ.

Matiyu 16:27

ado nde, Hadama-dan-natoe le n Fala gbiliyɛ rɔ. Mabɛ nta melikanu bi nala. Nba, n si mɔgɛ bɛɛ sara ala kɛwɔlɛ la.

Romu 14:22

Wo lanɛ min na koe kɛnu tɔ, wo ni wo lamara wo nyɛrɛ anubɛ Alla tɛma. Ni mɔgɛ ya a lɔn ko a ye ko-latelennɛ le mala, ado a ma sika a nyɛrɛ rɔ, wo tigi sewanɛ le.

1 Kɔrɛnti 3:8

A fuila wo, a yi-kɛla wo, dan-nafara wo dan-nafara sa wonu tɛma. Alla si wonu barayi iko anu kelen-kelennamɛ-bɛɛ wɔlita nya min.

1 Kɔrɛnti 4:5

Woletɔ wo kana mɔgɔ-wo-mɔgɔ kiti yanni a wati ni ke. Mari wa na, kiti-laban fɔla-wati wo le. A si mɔgɛnu miriya anubɛ pinpirɔ-koenu nabɔ gbɛ rɔ. Nba, wo le si a ma, bɛɛ ni matɔgɔlɛ sɔrɔn Alla bolo iko a bɛnnɛ nya min.

2 Kɔrɛnti 11:15

Wo kana kawa ni Setanɛta wɔli-kɛlɛnu ya anu nyɛrɛ ma iko Allala wɔli kɛla bɛrɛnu. Anuta wati wa ban duninya kɛ rɔ, anu ya min ma, anu si wo sarɛ sɔrɔn, yɔ!

2 Kɔrɛnti 5:10

Ma ye a fɛ ka a hɛnɛ bawo a fɛrɛ sa fɔ ma dama ni ma sɔ gbɛ rɔ Kirasitila kiti tɛgɛ tinɛ yarɔma. Ma kelen-kelennamɛ-bɛɛ si kiti ka wo sɔrɔn iko a bɛnta ma ma nya min. Ma tenbi fɛrɛ-bɔnkɛ kɛnu tɔ, ni ma ya min ma, a mara a nyima la wo, a mara ko-fuyi la wo, ma ye wo sarɛ sɔrɔnna le, yɔ!

2 Timoti 4:14

Alɛsanda, siyaki, kɔni, a ya ko-yogoma-ba kɛ n na. Mari si a sara iko ala kɛwɔlɛ ye nya min.

Lankɛnimayɛ 2:23

N si a gba-fɛ-bilalɛnu fanan faga. Nba, chɔchi bɛɛ si a lɔn wo rɔ ko nde le ya mɔgɛnu miriya anubɛ anu kɔntɔ-koenu lɔn. N si wo kelen-kelennamɛ-bɛɛ sara iko wola kɛwɔlɛnu bi nya min.

Lankɛnimayɛ 20:12

Nba, n ya furinu yen, a dɔgɔma wo, a kinama wo, a bɛɛ. Anu sɔnɛ mansaya-sigi-fan wo yakɔrɔ. Buku donu nakara. Wo kɔma, buku-gbɛrɛ lakara, mɔgɔ-nimɛnuta-buku, kɔni. Anuna kiti tɛgɛra iko anuna kɛwɔlɛnu bi nya min. Wonu denu sɛbɛnɛ buku wonu tɔ.

Lankɛnimayɛ 22:12

Yisa ko, “Wo ni wo tole masɔ! N bi nala tiriya! N si na nta barayi la n bolo ka a di mɔgɔ kelen-kelennamɛ-bɛɛ ma iko ata kɛwɔlɛnu bi nya min.