Romu 11:9 - ALLALA KUMƐ

⁹ Mansa Dawuda ya a fɔ ko, “Anu tenbi fen-dɔn kun na ladiyɛ rɔ, alamɛ ladiyɛ mara anu tabunden-fan la. Alamɛ wo mara anu bui-kunya la.

Romu 11:9 Iomraidhean Croise

Yobu 18:10

Kin-sɛrɛ lasiginɛ a ye. Denkɛ sinnɛ a ye ala kilɛ la.

Yaburi 28:4

Anu tɔrɔ anuna ko-yogomɛnuna ko la. Anu tɔrɔ anuna kɛwɔli-yogomɛnuna ko la. Anu tɔrɔ iko a bɛnta, anu ni tɔrɔ nya min.

Hɛnkilimaya-Kumɛnu 1:32

Mɔgɔ-rakolɔnnu bi fagala bawo anu bi anu banna hɛnkilimayɛ la. Hɛnkilimayɛ bɔrɔ sa kun-takolɔnnu ye min kɛ, anu bi anu nyɛrɛ kasarala wo le ma.

Aiseya 59:18

Mari-yogenu bi min mala a la, a si a tayili sara wonu na. Minnu bi a kan ma, a si ata fondo-bɔɛ yira wonu na ka anu tɔrɔ. A si kɔgɔ-yi dafɛ-mɔgɛnu tɔrɔ iko a bɛnta anu ni tɔrɔ nya min.

Aiseya 66:9

Mari ko a ye wo nya na le fanan, buyi ti a lamaga, a rakolɔn ni to. Mari ko ni ile Yerusalɛm buyi ya i lamaga a ti tɔn sigi i ma sibolo-kurɛ sɔrɔn-koe la.

Matiyu 16:23

Yisa ya a yɛ lamunun Pita la, a ko, “Ile, bɔ n fɛ. I ye Setanɛta kumɛ fɔ tinɛ wo la! Lagbaran-fan le ile la kilɛ la nde ye bawo ila miriya kɛ, mɔgɛnu miriya le wo la kɔnɔ Allata miriya ma wo la!”

Luka 12:20

Kɔnɔ Alla ya a fɔ a ye ko, ‘Ile kuntan, bi suyi nyɛrɛ rɔ, wobɛ i niyi si fara wo nyɔgɔn na. Wo kɔma, i wara fan minnu namara i nyɛrɛ ye, wonu si ma yontɛ la gbɛ?’ ”

Romu 14:13

Woletɔ ma ni fara ma nyɔgɔn tasɛla, ado wo ni a latɛgɛ ko wo kana ko-wo-ko ma min si wo na-kelen-nyɔgɔn kian latugu. Wo kana a ma, a ni bui hakɛ rɔ.

Tɔn-Fɔɛ-Fila-Nyɔgɛ 32:35

Wota Mari si wota yili sara ka anu tɔrɔ kosɛbɛ! Anu fanan bu-wati si na. Anu halaki-wati ara gbɛrɛn.

Hiburunu 2:2

Alla ya tɔn minnu di ma benbanu ma melikanu baraka rɔ, wonu gbɛlɛ ma kuma, ado minnu ma tagama iko tɔn wo ya a fɔ nya min, a bɛnta, a ni tɔrɔyɛ min nyɔgɛ sɔrɔn, a si wo sɔrɔn.